Hyderabad: పాతబస్తీలో 8 మంది అరబ్ షేకులు, 8 మంది బ్రోకర్లు అరెస్టు
- హైదరాబాదులో కాంట్రాక్టు వివాహాల కోసం వచ్చిన అరబ్ షేకులు
- పేదింటి పిల్లలతో పెళ్లిళ్లు కుదర్చిన బ్రోకర్లు
- బ్రోకర్ల ఇళ్లపై దాడులు చేసిన పోలీసులు
- పోలీసుల అదుపులో అరబ్ షేకులు, బ్రోకర్లు
హైదరాబాదులోని పాతబస్తీలో 8 మంది అరబ్ షేకులను పోలీసులు అదుపులోకి తీసుకున్నారు. పాతబస్తీ, చాంద్రాయణ గుట్టలో కాంట్రాక్టు మ్యారేజీల కోసం అరబ్ షేకులు వచ్చారన్న సమాచారంతో బ్రోకర్ల నివాసాల్లో పోలీసులు తనిఖీలు నిర్వహించారు. ఈ సందర్భంగా కాంట్రాక్టు మ్యారేజీలకు సిద్ధంగా ఉన్న అరబ్ షేకులపై ఆరాతీసి 8 మందిని అదుపులోకి తీసుకున్నారు. వారికి సహకరించిన 8 మంది బ్రోకర్లను కూడా అదుపులోకి తీసుకున్నారు. వారిపై కేసులు నమోదు చేసి, రిమాండ్ కు తరలించారు. వీరంతా పేదంటి మైనర్లపై కన్నేసి, వారిని మభ్యపెట్టి వివాహాలు కుదుర్చుకున్నట్టు పోలీసులు తెలిపారు.
