Chaaver: పొలిటికల్ యాక్షన్ థ్రిల్లర్ గా 'చావెర్' .. సోనీలివ్ లో!
- కుంచాకో బోబన్ హీరోగా రూపొందిన 'చావెర్'
- గ్రామీణ రాజకీయాల నేపథ్యంలో సాగే కథ
- క్రితం నెలలో థియేటర్లకు వచ్చిన సినిమా
- ఈ నెల 24వ తేదీ నుంచి ఓటీటీ ట్రాక్ పైకి
మలయాళంలో అక్టోబర్ లో థియేటర్లకు వచ్చిన సినిమాలలో 'చావెర్' ఒకటి. అరుణ్ నారాయణ్ నిర్మించిన ఈ సినిమాకి, టినూ పప్పచ్చన్ దర్శకత్వం వహించాడు. కుంచాకో బోబన్ .. ఆంటోనీ .. అర్జున్ అశోకన్ .. సాజన్ గోపు .. సంగీత మాధవన్ ప్రధానమైన పాత్రలను పోషించారు.
అక్టోబర్ 5వ తేదీన ఈ సినిమా అక్కడి థియేటర్లకు వచ్చింది. ప్రేక్షకుల నుంచి ఈ సినిమాకి మంచి రేటింగ్ వచ్చింది. అలాంటి ఈ సినిమా, ఈ నెల 24వ తేదీ నుంచి సోనీ లివ్ లో స్ట్రీమింగ్ కానుంది. రాజకీయాలను టచ్ చేస్తూ సాగే యాక్షన్ డ్రామా ఇది. రౌడీయిజం .. ప్రతీకార దాడులతో ఈ కథ నడుస్తుంది.
నేపథ్య సంగీతం ... ఫొటోగ్రఫీ పరంగా ఈ సినిమా మంచి పేరును తెచ్చుకుంది. కుంచాకో బోబన్ నటన హైలైట్ గా నిలిచింది. ఓటీటీ వైపు నుంచి ఈ సినిమాకి మంచి రెస్పాన్స్ వచ్చే అవకాశం ఉందనే టాక్ వినిపిస్తోంది. కంటెంట్ చూస్తుంటే మిగతా భాషల వారికి కూడా కనెక్ట్ అయ్యేలానే ఉంది.
