: ప్రేమ జంటలను వేటాడిన భజరంగ్ దళ్

చిత్తూరు, కర్నూలు, వరంగల్ తదితర పట్టణాలలోనూ భజరంగ్ దళ్ తదితర హిందూ సంస్థలు అడ్డుకున్నాయి. కర్నూలు, తిరుపతిలో వేలంటైన్ దిష్టి బొమ్మను దహనం చేశారు. తిరుపతిలో వేలంటైన్స్ డే ఆఫర్లను ప్రకటించిన షాపులపై దాడులు చేశారు. కర్నూలులో రెండు ప్రేమ జంటలకు బలవంతంగా పెళ్లి చేయించారు.

ఇక, వరంగల్లులో మంగళ సూత్రాలను చేతబూని భజరంగ్ దళ్ కార్యకర్తలు పట్టణమంతా బైక్ ర్యాలీ నిర్వహించారు. కనిపించిన ప్రేమ జంటలకు కౌన్సెలింగ్ ఇచ్చి పంపించేశారు. పాశ్చాత్య సంస్కృతికి చెందిన ఇలాంటి పండుగలను భారతీయ యువత అనుసరించడం సరికాదని భజరంగ్ దళ్ పేర్కొంది. నగరంలో అమ్మాయి, అబ్బాయి జంటగా కనిపిస్తే పెళ్లి చేసి పంపిస్తామని నిన్న అధికారికంగా ప్రకటించింది.

దీనిపై ఓ న్యాయవాది మానవ హక్కుల కమిషన్ ను ఆశ్రయించారు. బలవంతపు పెళ్లిళ్లలను అడ్డుకోవాలని, ప్రేమికులకు రక్షణ కల్పించాలని మానవ హక్కుల కమిషన్ హైదరాబాద్ నగర పోలీస్ కమిషనర్ ను ఆదేశించింది. దీంతో నగరంలో సాయంత్రం 4 గంటల వరకూ పార్కులన్నింటినీ మూసివేయాలని పోలీసులు ఆదేశాలు జారీ చేశారు.