Sujita: భాగ్యరాజాగారు అలా చేసినందుకు అమ్మ చాలా బాధపడింది: నటి సుజిత
- భాగ్యరాజాగారి సినిమాలో చేశాను
- ఆ సీన్ ఆ సినిమాలో చాలా కీలకం
- ఊర్వశి గారు నన్ను గుళ్ల చుట్టూ తిప్పారట
'పసివాడి ప్రాణం' సినిమాలో మూగ పిల్లవాడిగా చేసిన చేసిన బేబీ సుజిత, ఆ తరువాత కాలంలో పలు టీవీ సీరియల్స్ చేస్తూ పాప్యులర్ అయింది. తాజా ఇంటర్వ్యూలో మాట్లాడుతూ ఆమె ఒక ఆసక్తికరమైన విషయం చెప్పింది. "భాగ్యరాజా గారి ఒక తమిళ సినిమాలో నేను పసిపాపగా కనిపిస్తాను. ఆ సినిమాలో నా పై నుంచి నటి ఊర్వశి గారు దాటి వెళతారు. అది ఇంటర్వెల్ బ్యాంగ్ సీన్.
పసిపాపను ఎవరైనా దాటివెళితే ఆ పాపకి ఏదైనా కీడు జరుగుతుందని పెద్దలు నమ్మేవారట. అందువలన దర్శకుడు భాగ్యరాజా గారు ఏదో కారణంగా అమ్మను అక్కడి నుంచి కాస్త దూరంగా పంపించివేసి ఆ సీన్ తీశారు. ఆ తరువాత ఈ విషయం తెలిసి మా అమ్మ చాలా బాధపడింది. అమ్మ మనసును ఊర్వశిగారు అర్థం చేసుకుని నాకు దిష్టి తీయడమే కాకుండా, చాలా ఆలయాలకు తీసుకెళ్లారట" అని చెప్పుకొచ్చింది.
