ఆగ్రా హైవేపై యుద్ధవిమానాలు... రిహార్సల్స్ ను చూసేందుకు ఎగబడిన జనం!
- ఢిల్లీ-లక్నో జాతీయ రహదారిపై విమానాలు ల్యాండింగ్
- నేటి తెల్లవారు జాము నుంచి ప్రారంభమైన యుద్ధవిమానాల విన్యాసాలు
- రోడ్డుపై దిగుతున్న విమానాలను చూసేందుకు పోటెత్తిన జనం
యుద్ధ సమయాల్లోను, అత్యవసర సేవల సమయంలోను విమానాలు రోడ్డుపై కిందికి దిగేందుకు వీలుగా జాతీయరహదారులను తీర్చిదిద్దారు. ఈ నేపథ్యంలో ప్రయోగాత్మకంగా తొలిసారి నడిరోడ్డుపై యుద్ధ విమానాలు ఈ విన్యాసాలు చేశాయి. వీటిని చూసేందుకు స్థానికులు రోడ్డుకిరువైపులా పోటెత్తారు. ఈ ఎక్స్ ప్రెస్ హైవే స్పూర్తితో దేశంలోని వివిధ జాతీయ రహదారులను విమాన రన్ వేలుగా తీర్చిదిద్దే ఆలోచనలో ఉన్నారు. అత్యవసర సమయాల్లో ఈ రోడ్డు రన్ వేలు చాలా ఉపయోగపడతాయని వారు తెలిపారు.
