: సుదీర్ఘ పర్యటనకు ఇంగ్లండ్ వెళ్లనున్న టీమిండియా... మూడు నెలల మకాం!
2018లో భారత జట్టు పర్యటన షెడ్యూల్ ను ఇంగ్లండ్, వేల్స్‌ క్రికెట్‌ బోర్డు (ఈసీబీ) ప్రకటించింది. 2018 జూలై 3 నుంచి ప్రారంభం కానున్న ఈ టూర్ లో టీమిండియా మూడు నెలల పాటు ఇంగ్లండ్ లో ఉండనుంది. ఈ షెడ్యూల్ లో ఐదు టెస్టులు, మూడు వన్డేలు, మూడు టీ20 మ్యాచ్ లు ఆడుతుంది. ఇందుకోసం సెప్టెంబర్ రెండో వారం వరకు ఇంగ్లండ్ లో టీమిండియా పర్యటించనుంది. తొలి టీ20 మ్యాచ్ జులై 3 న మాంచెస్టర్‌ వేదికగా జరగనుంది.
ఆ రోజున మొదలయ్యే ద్వైపాక్షిక సిరీస్ లో
జులై 6న కార్డిఫ్ వేదికగా రెండో టీ20 మ్యాచ్
జులై 8న బ్రిస్టల్ వేదికగా మూడో టీ20 మ్యాచ్
జులై 12న నాటింగ్ హామ్ వేదికగా తొలి వన్డే మ్యాచ్
జులై 14న ప్రతిష్ఠాత్మక లార్డ్స్ వేదికగా రెండో వన్డే మ్యాచ్
జులై 17న లీడ్స్ వేదికగా మూడో వన్డే మ్యాచ్
ఆగస్టు 1 నుంచి 5 వరకు ఎడ్జ్ బాస్టన్ వేదికగా తొలి టెస్టు మ్యాచ్
ఆగస్టు 9 నుంచి 13 వరకు ప్రతిష్ఠాత్మక లార్డ్స్ వేదికగా రెండో టెస్టు మ్యాచ్
ఆగస్టు 18 నుంచి 22 వరకు నాటింగ్ హామ్ వేదికగా మూడో టెస్టు మ్యాచ్
ఆగస్టు 30 నుంచి సెప్టెంబర్ 3 వరకు సౌతాంప్టన్ వేదికగా నాలుగో టెస్టు మ్యాచ్
సెప్టెంబర్ 7 నుంచి 11వ తేదీ వరకు లార్డ్స్ వేదికగా ఐదో టెస్టు మ్యాచ్ జరగనుంది.
