: చంద్రబాబు రోడ్ షోకు వర్షం ఆటంకం!
నంద్యాల ఉప ఎన్నికలో ప్రచారానికిగాను ముఖ్యమంత్రి చంద్రబాబు తిరుపతి నుంచి నంద్యాలకు బయల్దేరారు. ఈరోజు, రేపు ఆయన ప్రచారంలో పాల్గొననున్నారు. అయితే, నంద్యాలలో చంద్రబాబు రోడ్ షో ఆలస్యం అయ్యే అవకాశాలు కనిపిస్తున్నాయి. వర్షం కురుస్తున్న నేపథ్యంలో ఆయన ప్రచారానికి ఆటంకం కలిగే అవకాశం ఉంది. ఈరోజు అయ్యలూరిమెట్ట నుంచి నంద్యాల వరకు నాలుగు చోట్ల ముఖ్యమంత్రి రోడ్ షో జరగనుంది. దీనికితోడు, చర్చి పాస్టర్లతో కూడా చంద్రబాబు భేటీ కానున్నారు.
మరోవైపు వైసీపీ అధినేత జగన్ ప్రచారం సంజీవ్ నగర్, రామాలయం, పెదబండ సత్రం ప్రాంతాలలో కొనసాగనుంది. గోస్పాడు మండలంలో ఎమ్మెల్యే రోజా ప్రచారాన్ని నిర్వహించనున్నారు. కాంగ్రెస్ పార్టీ అభ్యర్థి తరపున ఏపీసీసీ అధ్యక్షుడు రఘువీరారెడ్డి ప్రచారం చేయనున్నారు.
