: చంద్రగ్రహణం కారణంగా రేపు తిరుమల ఆలయం మూసివేత!
సోమవారంనాడు తిరుమల శ్రీవేంకటేశ్వర స్వామివారి ఆలయాన్ని మూసివేస్తున్నట్టు టీటీడీ జేఈవో శ్రీనివాసరాజు ప్రకటించారు. చంద్రగ్రహణం కారణంగా ఆలయాన్ని రేపు సాయంత్రం 4 గంటలకు మూసి వేస్తామని... తిరిగి 8వ తేదీ తెల్లవారుజామున తెరుస్తామని చెప్పారు. లడ్డు ప్రసాద కేంద్రాలను, అన్న ప్రసాద సముదాయాన్నికూడా మూసివేస్తున్నట్టు తెలిపారు. ఈ సమయంలో క్యూ కాంప్లెక్స్ లలోకి కూడా భక్తులను వదలమని చెప్పారు. నడకదారి భక్తులకు కేవలం 6 వేల టోకెన్లను మాత్రమే మంజూరు చేస్తామని తెలిపారు. ఈ అంశాలను దృష్టిలో ఉంచుకుని, భక్తులు తమ పర్యటనను ప్లాన్ చేసుకోవాలని సూచించారు.
