: టర్కీ నోట్లు మార్చబోయి పట్టుబడ్డారు... 300 నోట్ల విలువ 274 కోట్లు!
వినియోగంలో లేని టర్కీ కరెన్సీని మార్చేందుకు ప్రయత్నించిన ఏడుగురు హైదరాబాదీలను పోలీసులు అదుపులోకి తీసుకున్నారు. పోలీసులు తెలిపిన వివరాల్లోకి వెళ్తే... నాగోల్ చౌరస్తాలో పోలీసులు తనిఖీలు నిర్వహిస్తున్నారు. ఈ సమయంలో ఉప్పల్ నుంచి నాగోల్ మీదుగా వెళ్తున్న ఒక వాహనంలో ఏడుగురు వ్యక్తులు వెళ్తున్నారు. వారిలో ఒక కానిస్టేబుల్ కూడా ఉండడం విశేషం.
ఆ వాహనాన్ని ఆపి తనిఖీ చేయగా, వారి దగ్గర టర్కీకి చెందిన వినియోగంలో లేని 300 కరెన్సీ 'లీరా'లు లభ్యమయ్యాయి. దీంతో వారిని ప్రశ్నించగా, వాటిని మార్చేందుకు తీసుకెళ్తున్నామని చెప్పారు. ఒక్కో లీరా ధర టర్కీ కరెన్సీలో 5 లక్షల (భారత కరెన్సీలో 91,40,000 రూపాయల) ని చెప్పారు. అలాంటి లీరాలు 300 తమ వద్ద ఉన్నాయని, వాటి ధర భారత కరెన్సీలో సుమారు 274.20,000 రూపాయలు ఉంటుందని వారు తెలిపారు. దీనిపై కేసు నమోదు చేసి, దర్యాప్తు ప్రారంభించారు.
