: కొత్త రూ.500 నోటులో స్వల్ప మార్పులు!
కొత్త రూ.500 నోటులో స్వల్ప మార్పులు, చేర్పులు చేసినట్లు భారతీయ రిజర్వ్ బ్యాంక్ (ఆర్బీఐ) ఒక ప్రకటనలో పేర్కొంది. ఈ నోటుపై ఉన్న రెండు నంబర్ ప్యానల్స్ పై ‘ఆర్’ అనే అక్షరం అంతర్లీనంగా కన్పించనుందని పేర్కొంది. మహాత్మాగాంధీ సిరీస్ లో వస్తున్న ఈ నోటుపై 2016 సంవత్సరంతో పాటు, ఆర్బీఐ గవర్నర్ ఉర్జిత్ పటేల్ సంతకం ఉంటుందని, ప్రజలు ఈ విషయాన్ని గమనించాలని ఆ ప్రకటనలో కోరింది. కాగా, రూ.500, రూ.1000 నోట్లను రద్దు చేస్తున్నట్లు నవంబర్ 8వ తేదీన ప్రధాని మోదీ ప్రకటించిన విషయం విదితమే. ఆ నోట్ల స్థానే రెండు వేలు, కొత్త ఐదు వందల నోట్లను ఆర్బీఐ విడుదల చేసింది.
