: రాంచరణ్ ట్రూజట్ కు 'చిరు'కానుక ఇచ్చిన చంద్రబాబు

---

హీరో రాంచరణ్ బోర్డు డైరెక్టరుగా ఉన్న ట్రూ జెట్ సంస్థ బ్రాండ్ టర్బో మెఘా ఎయిర్ వేస్ సంస్థకు వయబిలిటీ గ్యాప్ ఫండింగ్ (వీజీఎఫ్)కింద చంద్రబాబు ప్రభుత్వం రూ. 4.90 కోట్లు మంజూరు చేసింది. విజయవాడ - కడప, విజయవాడ - తిరుపతి మధ్య వారంలో నాలుగు రోజుల పాటు ప్రయాణికులు ఉన్నా, లేకున్నా సర్వీసులు నిర్వహిస్తున్నందుకు జరిగే నష్టాన్ని భర్తీచేసేందుకు ఏపీ ప్రభుత్వం అంగీకరించిన సంగతి తెలిసిందే. ప్రస్తుతం 72 సీట్ల సామర్థ్యం ఉన్న ఏటీఆర్ - 72 విమానాలను ట్రూజెట్ నడుపుతున్న సంగతి తెలిసిందే. ప్రతి సర్వీసులో 5 సీట్లను ఈ సంస్థ ప్రభుత్వానికి కేటాయిస్తోంది. ఇక ఏడాదిలో 672 సర్వీసులు నడిపినందుకు గాను ప్రభుత్వం రూ. 9.76 కోట్లను చెల్లించాల్సి వుండగా, తొలి ఆరు నెలలకు గాను నష్ట పరిహారంగా రూ. 4.90 కోట్లను చెల్లించింది.