: బంగాళాఖాతంలో కూలిన బంగ్లా విమానం!
బంగ్లాదేశ్ కు చెందిన ఓ సరుకు రవాణా విమానం బంగాళాఖాతంలో కూలిపోయింది. ఢాకా నుంచి నలుగురు సిబ్బందితో బయలుదేరిన ఈ కార్గో విమానం కోక్స్ బజార్ తీరానికి సమీపంలో క్రాష్ అయింది. ఈ ప్రమాదంలో పైలట్ మరణించగా, విమానంలో ఉన్న కో పైలట్ సహా ముగ్గురు సిబ్బంది ఆచూకీ తెలియడం లేదని అధికారులు వెల్లడించారు. ప్రమాదం గురించిన సమాచారం అందుకున్న రక్షణ బృందాలు రంగంలోకి దిగి అదృశ్యమైన వారి కోసం గాలింపు చర్యలను ముమ్మరం చేశాయి.
