: 'మినీ బియాన్స్'కు ఈ ఏడాది యూట్యూబ్ కిరీటం
యూట్యూబ్ లో నాలుగేళ్ల చిన్నారి సంచలనం సృష్టిస్తోంది. ప్రముఖ ర్యాపర్ 'సైలెంటో' పాడిన 'వాచ్ మీ' పాటకు తన నృత్య బృందంతో కలసి హెవెన్ కింగ్ అనే ఆ చిన్నారి చేసిన డ్యాన్స్ అదిరిపోతోంది. ఇప్పటివరకు ఆ వీడియోను 11.6 కోట్ల మందికి పైగా వీక్షించారని యూట్యూబ్ అధికారికంగా ప్రకటించింది. అంతేగాక, ఈ ఏడాది నెటిజన్లు అత్యధికంగా వీక్షించిన వీడియోల్లో ఇది మొదటి స్థానంలో నిలిచిందని తెలిపింది. దాంతో 'మినీ బియాన్స్'గా పిలుచుకునే న్యూయార్క్ కు చెందిన ఈ చిన్నారి యూట్యూబ్ యువరాణి అయింది. ఈ వీడియో తరువాతి స్థానంలో నటుడు లియోన్ నీసన్ నటించిన 'క్లాష్ ఆఫ్ క్లాన్స్' అనే వీడియోను 83 మిలియన్ల మంది వీక్షించారు. 'క్రేజీ ప్లాస్టిక్ బాల్' అనే మరో వీడియో మూడో స్థానంలో నిలిచింది.
