: వరంగల్ ఉపఎన్నికలో కాంగ్రెస్ కు మద్దతివ్వండి... వామపక్షాలు, వైసీపీ నేతలను కోరిన ఉత్తమ్
వరంగల్ లోక్ సభ ఉపఎన్నికలో కాంగ్రెస్ పార్టీకి మద్దతివ్వాలని టీపీసీసీ చీఫ్ ఉత్తమ్ కుమార్ రెడ్డి కోరారు. ఈ మేరకు వామపక్షాలు, వైఎస్ఆర్ కాంగ్రెస్ నేతలకు ఆయన విజ్ఞప్తి చేశారు. హైదరాబాద్ లో ఏర్పాటు చేసిన విలేకరుల సమావేశంలో ఉత్తమ్ మాట్లాడారు. టీఆర్ఎస్ ప్రభుత్వ నియంతృత్వ అప్రజాస్వామిక విధానాలపై పోరాడాలని ఆ పార్టీలకు పిలుపునిచ్చారు. ఈ క్రమంలో పోరాడేందుకు తమ వెంట కలసి రావాలని సదరు పార్టీలకు ఆయన సూచించారు. కేసీఆర్ ఎదుర్కొంటున్న ఆరోపణలపై సీబీఐ విచారణ సీరియస్ గా జరగాలని కేంద్ర ప్రభుత్వాన్ని ఉత్తమ్ డిమాండ్ చేశారు.
