: భారత్ కు తరలిస్తున్న రూ.40 కోట్ల కొకైన్ స్వాధీనం
భారత్ - బంగ్లా సరిహద్దుల్లో సుమారు రూ.40 కోట్ల విలువ చేసే కొకైన్ ను బీఎస్ఎఫ్ బలగాలు స్వాధీనం చేసుకున్నాయి. బంగ్లాదేశ్ నుండి భారత్ కు 10 కిలోల కొకైన్ ను తరలిస్తుండగా మన భద్రతాదళాలు పట్టుకున్నాయి. పశ్చిమ బెంగాల్ లోని ఉత్తర పరగణాల జిల్లాలో భారత్- బంగ్లాదేశ్ సరిహద్దులో బంగ్లాదేశ్ నుండి వచ్చిన ఓ ట్రక్కులో పౌడర్ ఉండటాన్ని బీఎస్ఎఫ్ అధికారులు గుర్తించారు. వెంటనే ఆ ట్రక్కును స్వాధీనం చేసుకున్నారు. ఆ పౌడర్ ను పరీక్షల నిమిత్తం నార్కోటిక్ లేబొరేటరీకి పంపించారు. నార్కోటిక్ ఫలితాలలో ఆ పౌడర్ నిషిద్ధ మాదక ద్రవ్యం కోకైన్ గా తేలింది. దీని విలువ సుమారు రూ.40 కోట్ల వరకు ఉంటుందని అధికారులు వెల్లడించారు.
