: భర్తతో కలసి రియాలిటీ షో చేస్తున్న 'కెవ్వుకేక' భామ!
'మా ఆవిడ మలైకాతో కలసి ఓ రియాలిటీ షో చేస్తున్నాను' అంటున్నాడు 'జై చిరంజీవ' సినిమాలో విలన్ గా నటించిన అర్బాజ్ ఖాన్. 'గబ్బర్ సింగ్' సినిమాలో చేసిన 'కెవ్వుకేక...' పాటతో సెక్సీతార మలైకాఅరోరా తెలుగు ప్రేక్షకులకు సుపరిచయమే. ఇపుడీ భార్యాభర్తలు కలసి రియాలిటీ షో చేయడం విశేషం అవుతోంది. ఇజ్రాయెల్ రియాలిటీ షో 'పవర్ కపుల్'ను అదే పేరుతో హిందీలో రూపొందిస్తున్నారని, అందులో తామిద్దరం కలసి పాల్గొంటున్నామని అర్బాజ్ వెల్లడించాడు. భార్యాభర్తలు ఒకర్నొకరు ఏ మేరకు అర్థం చేసుకుంటున్నారు? ఒకరి గురించి మరొకరికి ఏ మేరకు తెలుసు? అనే విషయాలు దీని ద్వారా తెలుస్తాయని అర్బాజ్ చెప్పాడు. ఈ షోలో పది జంటలు పాలు పంచుకోనున్నాయని, ఈ మేరకు కొన్ని లవ్లీ కపుల్స్ ను కలుసుకున్నానని, భార్య మలైకాతో తొలిసారి షో చేయనుండడంపై ఆసక్తిగా ఉన్నానని అర్బాజ్ తెలిపాడు.
