: ఆయన చెప్పేదొకటి చేసేదొకటి : ప్రధానిపై రాహుల్ విమర్శ
ప్రధాని నరేంద్ర మోదీ చెప్పేదొకటి చేసేదొకటి అంటూ కాంగ్రెస్ పార్టీ ఉపాధ్యక్షుడు రాహుల్ గాంధీ విమర్శించారు. న్యూఢిల్లీలో కాంగ్రెస్ పార్టీ నిర్వహించిన మహాకిసాన్ ర్యాలీలో ఆయన మాట్లాడారు. రైతు సమస్యలపై పోరాడేందుకు తమ పార్టీ ఎప్పుడూ ముందుంటుందని అన్నారు. రైతుల భవిష్యత్ కోసం కాంగ్రెస్ పార్టీ చేస్తోన్న పోరాటమే ఈ ర్యాలీ అని రాహుల్ పేర్కొన్నారు. ర్యాలీకి పెద్ద సంఖ్యలో రైతులు, ప్రజలు హాజరయ్యారు. ఈ ర్యాలీలో కాంగ్రెస్ పార్టీ అధినేత్రి సోనియాగాంధీ, మాజీ ప్రధాని మన్మోహన్ సింగ్ కూడా పాల్గొన్నారు.
