: హైదరాబాద్ కూకట్ పల్లి భ్రమరాంబ థియేటర్లో ముగిసిన 'శ్రీమంతుడు' ప్రీమియర్ షో... అభిమానుల కేరింతలు

---

సూపర్ స్టార్ ప్రిన్స్ మహేష్ బాబు అభిమానులతో పాటు సినీ ప్రేక్షకులు ఎదురుచూస్తున్న 'శ్రీమంతుడు' చిత్రం ప్రత్యేక ప్రీమియర్ షో కొద్ది సేపటి క్రితం ముగిసింది. హైదరాబాద్, కూకట్ పల్లిలోని భ్రమరాంబ థియేటర్లో తెల్లవారుఝామున 4 గంటలకు ఈ షోను అభిమానుల కోసం ప్రత్యేకంగా ప్రదర్శించారు. ఈ చిత్రం ముగిసిన తరువాత బయటకు వచ్చిన అభిమానులు ఆనందంతో కేరింతలు కొట్టారు. బాణసంచా కాల్చి పండగ చేసుకున్నారు. నినాదాలతో హోరెత్తించారు. చిత్రం అద్భుతంగా ఉందని పలువురు వ్యాఖ్యానించారు. కాగా, అమెరికాలో స్పెషల్ ప్రీమియర్ షోలు కూడా పూర్తయ్యాయని తెలుస్తోంది. ఈ చిత్రం విజయవంతం అవుతుందని మహేష్ బాబు చాలా నమ్మకంగా ఉన్నారు.