: కాలినడకన కేదార్ నాథ్ ఆలయానికి రాహుల్!

---

ప్రసిద్ధ పుణ్యక్షేత్రం కేదార్ నాథ్ కు కాంగ్రెస్ ఉపాధ్యక్షుడు రాహుల్ గాంధీ కాలినడకన వెళ్లనున్నారు. గురువారం డెహ్రాడూన్ చేరుకోనున్న రాహుల్ అక్కడి నుంచి శుక్రవారం కేదార్ నాథ్ కు నడిచి వెళతారని పార్టీ వర్గాలు తెలిపాయి. ఈ సందర్భంగా, రాహుల్ కు తోడుగా ఉత్తరాఖండ్ సీఎం హరీష్ రావత్, రాష్ట్ర కాంగ్రెస్ చీఫ్ కిశోర్ ఉపాధ్యాయ ఇతర నేతలు కూడా యాత్రలో పాల్గొంటారు. రాహుల్ ఇటీవలే బ్యాంకాక్ వెళ్లడం తెలిసిందే. అక్కడ కొన్ని వారాల పాటు ధ్యాన కేంద్రంలో గడిపి వచ్చారు.