: చదలవాడా... అందుబాటులో ఉండు!: ఏపీ సీఎం చంద్రబాబు

---

తిరుపతి మాజీ ఎమ్మెల్యే, టీడీపీ సీనియర్ నేత చదలవాడ కృష్ణమూర్తి కొద్దిసేపటి క్రితం ఏపీ సీఎం నారా చంద్రబాబునాయుడితో భేటీ అయ్యారు. హైదరాబాదులోని చంద్రబాబు నివాసానికి వచ్చిన ఆయన తిరుపతి తిరుమల దేవస్థానం(టీటీడీ) పాలకమండలిపై చంద్రబాబుతో చర్చించినట్లు సమాచారం. ఈ సందర్భంగా తనకు అందుబాటులో ఉండాలని చదలవాడకు చంద్రబాబు సూచించారట. దీంతో నేడో, రేపో టీడీపీ పాలక మండలిని ప్రకటించనున్నారన్న ఊహాగానాలు వినిపిస్తున్నాయి. టీటీడీ చైర్మన్ పదవిపై హామీతోనే మొన్నటి ఎన్నికల్లో తిరుపతి అసెంబ్లీ సీటును చదలవాడ, దివంగత నేత వెంకటరమణకు వదిలేసుకున్నారు. ఈ క్రమంలో టీటీడీ చైర్మన్ పదవిని గతంలో ఇచ్చిన హామీ మేరకు చదలవాడకే ఇచ్చేందుకు చంద్రబాబు దాదాపుగా నిర్ణయించినట్లు సమాచారం. పాలక మండలి సభ్యులపైనా ఇప్పటికే కసరత్తు పూర్తైనా, ఒకరిద్దరి పేర్లు మారే అవకాశాలున్నట్లు తెలుస్తోంది.