: రాయ్ బరేలీలో ఘోర రైలు ప్రమాదం... పట్టాలు తప్పిన జనతా ఎక్స్ ప్రెస్, 15 మంది మృతి

---

కాంగ్రెస్ అధినేత్రి సోనియా గాంధీ ప్రాతినిధ్యం వహిస్తున్న రాయ్ బరేలీలో కొద్దిసేపటి క్రితం ఘోర రైలు ప్రమాదం సంభవించింది. రాయ్ బరేలీ సమీపంలో డెహ్రాడూన్-వారణాసి జనతా ఎక్స్ ప్రెస్ పట్టాలు తప్పింది. ఈ ప్రమాదంలో 15 మంది ప్రయాణికులు మృత్యువాతపడ్డారు. మరో 12 మందికి గాయాలైనట్లు ప్రాథమిక సమాచారం. రాయ్ బరేలీ జిల్లాలోని బచ్రాన్ సమీపంలో ఈ ప్రమాదం చోటుచేసుకుంది. దీంతో ఈ మార్గంలో రైళ్ల రాకపోకలకు తీవ్ర అంతరాయం కలిగింది. ప్రమాదంపై సమాచారం అందుకున్న సహాయక బృందాలు అక్కడికి చేరుకుని క్షతగాత్రులను సమీపంలోని ఆస్పత్రికి తరలించాయి.