: మిషన్ కాకతీయ కార్యక్రమాన్ని ప్రారంభించిన కేసీఆర్

---

తెలంగాణ ప్రభుత్వం ప్రతిష్ఠాత్మకంగా చేపట్టిన 'మిషన్ కాకతీయ' కార్యక్రమాన్ని ముఖ్యమంత్రి కేసీఆర్ ప్రారంభించారు. నిజామాబాద్ లోని ఎల్లారెడ్డి నియోజకవర్గం సదాశివపేటలో లాంఛనంగా మొదలైంది. కేసీఆర్ స్వయంగా తట్ట, పారను చేపట్టి పాతచెరువు పూడికతీత పనులను ప్రారంభించారు. ఈ కార్యక్రమంలో మంత్రులు హరీష్ రావు, పోచారం శ్రీనివాసరెడ్డి, డిప్యూటీ స్పీకర్ పద్మా దేవేందర్ రెడ్డి, పలువురు ఎమ్మెల్యేలు, అధికారులు పాల్గొన్నారు. ఇప్పటికే ఈ కార్యక్రమానికి తెలంగాణ ప్రభుత్వం నిధులు కేటాయించి విడుదల చేసింది. ఈ కార్యక్రమం ద్వారా మొత్తం 46,447 పాత చెరువులను పునరుద్ధరించనున్నారు. ఈ క్రమంలో ఈ సంవత్సరం 9,573 చెరువులకు పునరుద్ధరణ జరుగుతుంది.