: దేవుడిని ప్రార్థించండి... ఓటు వేయండి: ఢిల్లీ ఓటర్లకు కేజ్రీవాల్ పిలుపు
ఢిల్లీలో ఓటర్లకు ఆమ్ ఆద్మీ పార్టీ అధినేత అరవింద్ కేజ్రీవాల్ ట్విట్టర్ ద్వారా పిలుపునిచ్చారు. నేడు పోలింగ్ జరుగుతున్నందున, ఓటర్లందరూ తమ ఓటు హక్కు వినియోగించుకోవాలంటూ హిందీలో ట్వీట్ చేశారు. ప్రతి ఒక్కరూ స్నానం చేసి, దేవుడిని ప్రార్థించి, ఓటు వేసేందుకు తరలివెళ్లాలని సూచించారు. ఢిల్లీలో ప్రస్తుతం పోలింగ్ కొనసాగుతోంది. 70 అసెంబ్లీ నియోజకవర్గాలకు నేడు పోలింగ్ జరుగుతోంది. కేంద్ర మంత్రి హర్షవర్థన్ తదితరులు తమ ఓటు హక్కును వినియోగించుకున్నారు.
