: ఢిల్లీ ఎన్నికల్లో బీజేపీ గెలుపు తథ్యం: మోదీ

---

ఢిల్లీలో జరగనున్న అసెంబ్లీ ఎన్నికల్లో బీజేపీ గెలుపు తథ్యమని ప్రధానమంత్రి నరేంద్రమోదీ అన్నారు. ఢిల్లీ ప్రజలు మార్పును కోరుకుంటున్నారని, రాజధాని అభివృద్ధిని ఉన్నత శిఖరాలకు తీసుకువెళతామని చెప్పారు. ఢిల్లీలోని అంబేద్కర్ నగర్ లో నిర్వహించిన ఎన్నికల ప్రచార సభలో ప్రధాని పాల్గొన్నారు. ఈ మేరకు ఆయన ప్రసంగిస్తూ, కిరణ్ బేడీ ముఖ్యమంత్రిగా ఢిల్లీ అభివృద్ధి ప్రారంభమవుతుందని పేర్కొన్నారు. గత పాలకులు 16 ఏళ్లుగా ఢిల్లీని భ్రష్టుపట్టించారని, ఆ పదహారేళ్ల మకిలిని తాము తుడిచి వేస్తామని మోదీ చెప్పారు. అభివృద్ధి మంత్రమే తమ రాజకీయమని స్పష్టం చేశారు. ప్రస్తుతం ఢిల్లీ అస్థిరతతో సతమతమవుతోందన్నారు.