: ప్రధానిని అభినందించిన లతామంగేష్కర్
ప్రధాని నరేంద్ర మోదీ ప్రారంభించిన 'బేటీ బచావో - బేటీ పడావో' ప్రచార కార్యక్రమాన్ని ప్రముఖ గాయని లతా మంగేష్కర్ అభినందించారు. 'బేటీ బచావ్-బేటీ పడావ్' కార్యక్రమం వల్ల దేశంలో ఆడపిల్లలకు రక్షణ పెరుగుతుందని, భ్రూణహత్యలకు చెక్ పెట్టవచ్చని ఆమె అభిప్రాయపడ్డారు. 'మోదీజీ నమస్కార్, సరస్వతీ దేవి పండుగను వసంత పంచమిగా నిర్వహించడం ఆనందకరం. ఇది మహిళా శక్తికి నిదర్శనం. మీరు ప్రారంభించిన 'బేటీ బచావో - బేటీ పడావో' మంచి విజయాన్ని సాధించాలని కోరుకుంటున్నాను' అని మోదీకి లతాజీ ట్వీట్ చేశారు. కాగా, 22 న హర్యానాలో ప్రధాని ప్రారంభించిన 'బేటీ బచావో - బేటీ పడావో' కార్యక్రమ లక్ష్యం భ్రూణహత్యలపై అవగాహన కల్పించటం, దేశంలో లింగ నిష్పత్తిని పెంచడం.
