: ముస్లిం దేశంలో హిందూ చీఫ్ జస్టిస్
ముస్లిం దేశంలో హిందూ చీఫ్ జస్టిస్ నియామకం జరిగింది. ముస్లింలు అత్యధికంగా ఉండే బంగ్లాదేశ్ లోని అత్యున్న న్యాయస్థానం ప్రధాన న్యాయమూర్తిగా, సీనియర్ న్యాయమూర్తి జస్టిస్ ఎస్ కే సిన్హా (64)ను ఆ దేశాధ్యక్షుడు మహమ్మద్ అబ్దుల్ హమీద్ నియమించారు. ఈ మేరకు సిన్హా అధ్యక్ష భవనంలో జనవరి 17న ప్రమాణ స్వీకారం చేయనున్నారు. కాగా, ఆయన ఈ పదవిలో మూడేళ్లు కొనసాగే అవకాశం ఉంది. ఎస్ కే సిన్హా బంగ్లా బంధుగా పేరొందిన షేక్ ముజిబుర్ రహ్మాన్ హత్య కేసుతో పాటు 5వ, 13వ రాజ్యాంగ సవరణలపై కీలకమైన తీర్పులు ఇచ్చారు.
