: రేవంత్ కి అవకాశం ఇస్తున్నా: స్పీకర్
తెలంగాణ శాసనసభ స్పీకర్ మధుసూదనాచారిని టీటీడీపీ నేతలు కలిశారు. ఈ సందర్భంగా బీఏసీలో ఇద్దరు టీడీపీ సభ్యులకు అవకాశం కల్పించాలని ఆయనకు విజ్ఞప్తి చేశారు. అలా కుదరదని, ఒక్కరికి మాత్రమే అవకాశం ఉంటుందని స్పీకర్ స్పష్టం చేశారు. శాసనసభలో తమ పార్టీ నేత రేవంత్ రెడ్డికి మాట్లాడే అవకాశం కల్పించాలని వారు ఆయనను కోరారు. దీనిపై ఆయన మాట్లాడుతూ, తాను రేవంత్ కి అవకాశం ఇస్తున్నానని, అతనికి అవకాశం ఇచ్చిన ప్రతిసారి ఇతర సభ్యులు అడ్డుపడుతున్నారని తెలిపారు.
