: మహారాష్ట్రలో కొత్త కూటమి ఏర్పాటు?
మహారాష్ట్రలో అసెంబ్లీ ఎన్నికల సందర్భంగా వివిధ పార్టీలు పొత్తుల విషయంలో కత్తులు దూసుకున్నాయి. దీంతో, 25 ఏళ్లుగా ఉన్న బీజేపీ, శివసేనల బంధం... 15 ఏళ్లుగా ఉన్న కాంగ్రెస్, ఎన్సీపీల బంధం తెగిపోయాయి. ఈ నేపథ్యంలో, మహారాష్ట్రలో కొత్త కూటమి ఏర్పాటుకు అవకాశం ఏర్పడిందని విశ్లేషకులు అంచనా వేస్తున్నారు. బీజేపీ, ఎన్సీపీ, ఎంఎన్ఎస్ లతో పాటు కొన్ని చిన్న పార్టీలు కలసి ఓ కూటమిగా ఏర్పడనున్నాయని సమాచారం. అయితే నామినేషన్లు వేయడానికి శనివారమే చివరి తేదీ కావడంతో... ఈ కూటమిలోని పార్టీల మధ్య సీట్ల సర్దుబాటు సాధ్యమవుతుందా? అనే సందేహాలు కూడా తలెత్తుతున్నాయి. ఇప్పటికే ఎన్సీపీ, ఎంఎన్ఎస్ నేతలు బీజేపీ పెద్దలతో టచ్ లో ఉన్నారని సమాచారం.
