: చౌకగా స్మార్ట్ ఫోన్లు భారత్ లోనే దొరుకుతాయి
స్మార్ట్ ఫోన్... సాంకేతిక విప్లవంలో కొత్త పుంతలు తొక్కుతున్న సాధనం. ఒక్క స్మార్ట్ ఫోన్ ఉంటే చేతిలో ప్రపంచం ఇమిడిపోయినట్టే. అలాంటి స్మార్ట్‌ఫోన్‌ ల దిగుమతి రానురాను తగ్గిపోతోంది. అత్యంత చౌకగా భారత్ లోనే స్మార్ట్‌ఫోన్‌ లు లభ్యమవుతున్నాయి, కాగా, స్మార్ట్ ఫోన్ల వినియోగం పెరిగిపోవడంతో, పలు కంపెనీలు తక్కువ ధరలకు స్మార్ట్ ఫోన్లు తయారు చేస్తున్నాయి. దీంతో ఆ ప్రభావం దిగుమతులపై పడింది. ఫైర్‌ఫాక్స్‌ స్మార్ట్‌ఫోన్‌ ఈ నెల 29న భారత్ లో లాంఛ్‌ కానుండడంతో పోటీ మరింత పెరుగుతోంది. ఇంటెక్స్‌, స్పైస్‌ సంస్థలు భారతీయ మార్కెట్ లో ఫైర్‌ఫాక్స్‌ ఫోన్‌ను విడుదల చేయనున్నాయి. దీని ధర కేవలం 2,229 రూపాయలు ఉంటుందని ఆ సంస్థ తెలిపింది.
