: అఫ్జల్ ఉరిపై విశ్లేషణలు

మరో విశ్లేషణ ప్రకారం, ఈ నెలలో పార్లమెంటు బడ్జెట్ సమావేశాలు ప్రారంభం కాబోతున్నాయి. ప్రతిపక్షాలను దీటుగా ఎదుర్కోవడానికే తాజాగా అఫ్జల్ ను ఉరి తీసారని అంటున్నారు. దీని ద్వారా బీజేపీ 'హిందుత్వ' నినాదానికి గండి కొట్టాలనే లక్ష్యం కూడా వుందని చెబుతున్నారు. అయోధ్యలో రామాలయం నిర్మించాలని కుంభమేళా వేదికగా రెండు రోజుల క్రితం విశ్వ హిందూ పరిషత్ డిమాండ్ చేసిన సంగతి తెలిసిందే.

అలాగే బీజేపీ కూడా దీనికి మద్దతుగా రామాలయం నిర్మాణానికి కట్టుబడి ఉన్నామని ప్రకటించింది. ఉగ్రవాదులను కాంగ్రెస్ రక్షిస్తోందంటూ బీజేపీ కొంత కాలంగా పదే పదే ఆరోపిస్తోంది. అఫ్జల్ ను ఉరి తీయకపోవడాన్ని అందుకు ఉదాహరణగా కూడా పేర్కొన్నది. ఈ పరిస్థితుల నేపథ్యంలో బీజేపీ నోటికి తాళం వేసి, ఉగ్రవాదులను క్షమించేది లేదని చెప్పడానికే కేంద్ర సర్కారు ఈ రోజు అఫ్జల్ ను ఉరికంభం ఎక్కించిందని విశ్లేషిస్తున్నారు.