: చిలకలూరిపేటలో గోడ కూలి ఇద్దరి మృతి
గుంటూరు జిల్లా చిలకలూరిపేట, మున్సిపల్ కార్యాలయం సమీపంలో గోడ కూలిన ఘటనలో ఇద్దరు వ్యక్తులు మరణించారు. ఆ ఘటనలో మరో నలుగురు తీవ్రంగా గాయపడ్డారు. క్షతగాత్రులను ఆసుపత్రికి తరలించి చికిత్స అందిస్తున్నారు.
ఆ ఘటనపై సమాచారం అందుకున్న ఉన్నతాధికారులు, పోలీసులు హుటాహుటిన సంఘటనా స్థలానికి చేరుకుని సహాయక చర్యలు చేపట్టారు. శిథిలాల కింద పలువురు చిక్కుకున్నట్లు పోలీసులు అనుమానిస్తున్నారు. గోడ కూలిన ఘటనలో నాలుగు ద్విచక్ర వాహనాలు, ఐదు ఆటోలు పూర్తిగా ధ్వంసమయ్యాయి.
