: మంగళవారం రాహుల్ సుడిగాలి పర్యటన
కాంగ్రెస్ ఉపాధ్యక్షుడు రాహుల్ గాంధీ తన ఎన్నికల ప్రచారంలో వేగాన్ని పెంచారు. ఇవాళ ఆంధ్రప్రదేశ్ లో రెండు బహిరంగ సభల్లో పాల్గొన్న రాహుల్.. రేపు (మంగళవారం) మూడు రాష్ట్రాల్లో పర్యటించనున్నారు. ఉత్తరప్రదేశ్, ఛత్తీస్ గఢ్, రాజస్థాన్ రాష్ట్రాల్లో మంగళవారం నాడు రాహుల్ ఎన్నికల ప్రచారం నిర్వహిస్తారు. ముందుగా రాజస్థాన్ లోని అల్వార్ నియోజకవర్గంలోని బహిరంగ సభలో ఆయన పాల్గొంటారు. అనంతరం యూపీలోని మధురలోనూ, ఛత్తీస్ గఢ్ లోని దుర్గ్ నియోజకవర్గంలోనూ ఆయన ప్రచారం కొనసాగిస్తారు. ఈ మూడు నియోజకవర్గాల్లోనూ ఈ నెల 24న ఎన్నికలు జరుగుతాయి.
