: కోహ్లీ నన్ను పెళ్లాడు: ఇంగ్లండ్ మహిళా క్రికెటర్ ఆఫర్
ఇంగ్లండ్ మహిళా క్రికెట్ జట్టు సభ్యురాలు, 23 ఏళ్ల డానియెల్ వైట్ భారత క్రికెట్ స్టార్ కోహ్లీకి ఓ ఆఫర్ ఇచ్చింది. తనను పెళ్లి చేసుకోవాలంటూ ట్విట్టర్లో పోస్ట్ చేసింది. ఐసీసీ టీ20 వరల్డ్ కప్ లో భారత్ అజేయమాన ప్రదర్శనతో ఫైనల్లోకి అడుగుపెట్టిన సమయంలోనే డానియెల్ ఈ ఆఫర్ చేయడం విశేషం. 'కోలీ (ఆమెకు కోహ్లీ పేరు సరిగా తెలిసినట్లు లేదు) నన్ను పెళ్లి చేసుకో' అంటూ పోస్ట్ చేసింది. దీనికి స్పందనగా ఓ ఫాలోయర్... కోహ్లీ ఇప్పటికే మరో ఆఫర్ (బాలీవుడ్ నటి అనుష్క) స్వీకరించాడన్నట్లుగా పేర్కొన్నారు. కోహ్లీకి అమ్మాయిల నుంచి వివాహ ప్రతిపాదనలు రావడం కొత్తేమీ కాదు. మ్యాచ్ జరుగుతున్న సమయంలో పలువురు తమను పెళ్లాడాలని కోరుతూ ప్లకార్డులు ప్రదర్శించిన సందర్భాలు ఉన్నాయి.
