: శంషాబాద్ ఎయిర్ పోర్టు లో 869 గ్రాముల బంగారం పట్టివేత
శంషాబాద్ ఎయిర్ పోర్టు లో దాదాపు ప్రతి రోజు అక్రమంగా తరలిస్తున్న బంగారం పట్టుబడుతూనే ఉంది. ఈ రోజు కూడా దుబాయి నుంచి వచ్చిన ఇద్దరు మహిళా ప్రయాణికుల నుంచి కస్టమ్స్ అధికారులు 869 గ్రాముల బంగారాన్ని స్వాధీనం చేసుకున్నారు. ఎయిర్ అరేబియా విమానంలో వచ్చిన వీరిద్దరి లగేజీ బ్యాగులను తనిఖీ చేయగా ఈ బంగారం పట్టుబడింది. ఇద్దరు మహిళలను అదుపులోకి తీసుకుని విచారిస్తున్నట్టు కస్టమ్స్ అధికారులు తెలిపారు.
