: బ్యాంకు దోపిడీకి దొంగల యత్నం, ఎస్ఐపై కాల్పులు

దోపిడీ దొంగలు మెదక్ జిల్లాలో బ్యాంకు దోపిడీకి విఫలయత్నం చేసి అడ్డొచ్చిన ఎస్ఐపైనే కాల్పులు జరిపి పారిపోయారు. ఈ ఘటన ఆ ప్రాంతంలో సంచలనం సృష్టించింది. కోహిర్ మండలం, కవేలి గ్రామంలో ఉన్న సిండికేట్ బ్యాంకులోకి ఈ ఉదయం ముగ్గురు దొంగలు ప్రవేశించి దోపిడీకి ప్రయత్నించారు. ఈ సమాచారం అందిన వెంటనే ఎస్ఐ వెంకటేష్ బ్యాంకు దగ్గరకు చేరుకుని లొంగిపోవాలంటూ దొంగలను ఆదేశించారు.