: నేపాల్ నూతన ప్రధానిగా సుశీల్ కోయిరాలా ఎన్నిక
నేపాల్ దేశానికి నూతన ప్రధానిగా నేపాలీ కాంగ్రెస్ అధ్యక్షుడు సుశీల్ కోయిరాలా ఎన్నికయ్యారు. తన పార్టీకి మెజారిటీ లేకపోయినా, పార్లమెంటులో కోయిరాలాకు మూడింట రెండొంతులు బలం ఉండటంతో.. ఆయనను ప్రధాని పదవి వరించింది. దీంతో గత సంవత్సర కాలంగా ఉన్న రాజకీయ స్తబ్ధతకు తెరపడింది.
సుశీల్ కోయిరాలాకు సీపీఎన్-యూఎమ్ఎల్ మద్దతునీయడంతో ఆయన ఎన్నిక ఖాయమైంది. 405 మంది సభ్యులు కోయిరాలాకు ఓటేయడంతో ఆయన ప్రధానిగా పగ్గాలు చేపట్టేందుకు మార్గం సుగమమైంది. ఇక, యూసీపీఎన్-మావోయిస్టు పార్టీ, నేపాల్ రాష్ట్రీయ ప్రజాతంత్ర పార్టీలు కోయిరాలాకు వ్యతిరేకంగా ఓటేశాయి.
