: బాలల నోబెల్ బహుమతికి పోటీపడుతున్న మలాలా యూసఫ్ జాయ్
నోబెల్ బహుమతిని బాలలకు ఎప్పుడైనా ప్రదానం చేయడం చూశారా? తాజాగా ‘చిల్డ్రన్స్ నోబెల్ ప్రైజ్’ జాబితాలో పాకిస్థాన్ కు చెందిన బాలల హక్కుల కార్యకర్త మలాలా యూసఫ్ జాయ్ చోటు దక్కించుకుంది. ఈ సంవత్సరం నోబెల్ పురస్కారానికి అత్యంత ప్రతిభ కనబరిచిన ముగ్గురు బాలలు పోటీపడుతున్నారు. వీరిలో మలాలా కూడా ఉన్నారు.
పదకొండేళ్ల ప్రాయంలో బాలల హక్కులపై మలాలా పోరాటం సాగించారు. విద్య అనేది బాలల హక్కు అని పోరాడిన మలాలాపై తాలిబన్లు విచక్షణా రహితంగా కాల్పులు జరపడంతో ఆమె తీవ్రంగా గాయపడింది. అనంతరం కోలుకున్న ఆమెకు అంతర్జాతీయంగా గుర్తింపు లభించింది. మలాలా ఒక స్ఫూర్తి ప్రదాత అంటూ అమెరికా అధ్యక్షుడు బరాక్ ఒబామా కూడా ప్రశంసించారు.
