: మీ గర్ల్‌ఫ్రెండ్‌కి దీన్ని మంచి గిఫ్ట్‌గా ఇవ్వండి
మీ గర్ల్‌ఫ్రెండ్‌కి మంచి గిప్ట్‌ ఇవ్వాలనుకుంటున్నారా... అయితే ఈ మోడ్రన్‌ నెక్లెస్‌ని కొనివ్వండి. దెబ్బకి మీ గర్ల్‌ఫ్రెండ్‌ దృష్టిలో మీరో హీరో అయిపోతారు. ఫ్యాషన్‌ డిజైనింగ్‌ వస్తువుల పట్ల ఎక్కువగా ఆసక్తి చూపించే నేటి తరం అమ్మాయిలకు ఒక సరికొత్త ఆభరణాన్ని డిజైనర్స్‌ రూపొందించారు. ఇది చూసేందుకు మంచి మోడ్రన్‌ నెక్లెస్‌లాగా కనిపిస్తుంది. అందులోనే మీరు ఎంచక్కా మాట్లాడేందుకు, పాటలు వినేందుకు వీలుగా బ్లూటూత్‌ కూడా ఉంటుంది.
ఇప్పుడు ఎక్కువగా బ్లూటూత్‌ను ఉపయోగిస్తున్నారు. ఫోన్‌ వచ్చినప్పుడు దాన్ని ఎప్పుడూ చెవి దగ్గర పెట్టుకుని మాట్లాడడం కాకుండా బ్లూటూత్‌ని చెవికి పెట్టేసుకుంటే ఫోన్‌ పట్టుకోవాల్సిన బాధ లేకుండా ఉంటుంది. కాబట్టి ఎక్కువగా బ్లూటూత్‌ని వాడుతుంటారు. అమ్మాయిలకు బ్లూటూత్‌తో కూడిన ఒక నెక్లెస్‌ని డిజైనర్లు రూపొందించారు. దీన్ని మెడలో నెక్లెస్‌లాగా అలంకరించుకోవచ్చు, అవసరం అనుకున్నప్పుడు దీన్నే బ్లూటూత్‌గా వాడుకోవచ్చు. దీనికి రెండు వైపులా రెండు స్పీకర్లు ఉంటాయట. అవసరం అనుకున్నప్పుడు ఒక స్పీకర్‌ని చెవిలో పెట్టుకుని చక్కగా మాట్లాడేసుకోవచ్చు. విలువైన లోహాలు, రత్నాలూ, ముత్యాలను కలిపి ఈ మోడ్రన్‌ బ్లూటూత్‌ కం నెక్లెస్‌ని డిజైనర్స్‌ తయారుచేశారు. ముఖ్యంగా గర్ల్‌ఫ్రెండ్స్‌కి మాత్రం బాయ్‌ఫ్రెండ్స్‌ దీన్ని చక్కటి బహుమతిగా ఇవ్వవచ్చు.
