: మైక్రోసాఫ్ట్ ప్రతిష్ఠాత్మక అవార్డందుకున్న హైదరాబాదీ
సాఫ్ట్ వేర్ దిగ్గజం మైక్రోసాఫ్ట్ అందించే ప్రతిష్ఠాత్మక అవార్డును హైదరాబాదుకు చెందిన నవాజ్ దండాలా అందుకున్నాడు. సరికొత్త ఉత్పత్తులను ఆవిష్కరించే ఔత్సాహిక విద్యార్ధులకు ప్రపంచవ్యాప్తంగా ఏటా ఇచ్చే ఉత్తమ అవార్డు ఈ ఏడాది భారత్ కు చెందిన విద్యార్ధి దక్కించుకున్నాడని మైక్రోసాఫ్ట్ తెలిపింది. 'మైక్రోసాఫ్ట్ ఇమాజిన్ కప్' గా పిలిచే ఈ అవార్డును హైదరాబాదుకు చెందిన నవాజ్ దండాలా సౌతాఫ్రికాలో అందుకున్నాడు.
సీఎంఆర్ ఇంజనీరింగ్ కాలేజ్ లో కంప్యూటర్ ఇంజనీరింగ్ నాలుగో సంవత్సరం చదువుతున్న నవాజ్ దండాలా సోషల్ నెట్ వర్క్ కు సంబంధించిన సరికొత్త అప్లికేషన్ల ద్వారా తన ఆలోచనలను 'మైక్రోసాఫ్ట్ ఇమాజిన్ కప్' పోటీలకు పంపించాడు. అవి జ్యూరీ ప్రశంశలు అందుకోవడంతో అతనిని ఈ అవార్డు వరించింది. దేశంలో తొలిసారిగా రాష్ట్రానికి చెందిన తాను ఈ అవార్డు అందుకున్నానని, దీని ద్వారా తనకు 12 లక్షల రూపాయల నగదు బహుమతి లభించిదని నవాజ్ దండాలా తెలిపాడు.
