: 18 వందల ఏళ్లనాటి రోమన్ దేవత విగ్రహం లభ్యం
సుమారు 1800 ఏళ్లనాటిదిగా భావిస్తున్న గోర్డీరోమన్ దేవత విగ్రహ శిరస్సును పురాతత్వ శాస్త్రవేత్తలు కనుగొన్నారు. బ్రిటన్ లోని బిషప్ అక్లాండ్ ప్రాంతంలోని బిన్ చెస్టర్ రోమన్ కోట వద్ద ఇది లభించింది. అత్యంత అద్భుతమైన శిల్ప సౌందర్యంతో ఈ దేవతా విగ్రహం ఎంతో ప్రత్యేకంగా ఉన్నట్లు శాస్త్రవేత్తలు తెలిపారు. సైనిక, యుద్ధ వ్యవహారాల్లో రాయబారులకు స్పూర్తిగా భావిస్తూ ఆరాధించిన యాంటెనోసిటికస్ దేవుడికీ, ఈ గోర్డీ రోమన్ విగ్రహానికి దగ్గరి పోలికలు ఉన్నాయని తెలిపారు. రెండేళ్ల క్రితం తవ్వకాల్లో వెలుగు చూసిన దైవపీఠం ఆలయ ప్రాంతంలో కుప్ప కూలిపోయి ఉన్న స్నానపు గది శిధిలాల్లో ఆ విగ్రహం కూరుకుపోయి ఉన్నట్లు తెలిపారు. అయితే ఇది ఏ దేవుడి విగ్రహం అన్నది స్పష్టంగా తెలియలేదు. కానీ రోమన్, బ్రిటిష్ సంప్రదాయంలో విగ్రహం ఉండడం విశేషం.
