ap7am logo

Movie Reviews (Telugu)

'ఆపరేషన్ గోల్డ్ ఫిష్' మూవీ రివ్యూ
ఎంతోమంది కశ్మీర్ పండిట్లను పొట్టనబెట్టుకున్న పాకిస్థాన్ తీవ్రవాది ఘాజీబాబాను, జాతీయ భద్రతా దళానికి చెందిన అర్జున్ పండిట్ బంధిస్తాడు. ఉరిశిక్ష పడిన ఘాజీబాబాను విడిపించుకోవడానికి ఆయన ప్రధాన సహచరుడైన ఫారుక్ 'ఆపరేషన్ గోల్డ్ ఫిష్' ను ఆరంభించడంతోనే అసలు కథ మొదలవుతుంది. విస్తృతమైన పరిథి కలిగిన ఈ కథలో, దర్శకుడు యాక్షన్ సన్నివేశాలకు మాత్రమే ప్రాధాన్యతనిచ్చి మిగతా వాటిని వదిలేశాడు. ఫలితంగా ప్రేక్షకులకు అసహనం  కలుగుతుంది .. నిరాశే మిగులుతుంది. 
'రాజుగారి గది 3' మూవీ రివ్యూ
మనసుపడిన అమ్మాయిని మనువాడాలనుకున్న ఓ యువకుడు, అందుకు అడ్డుపడుతోన్న ఆత్మలపై చేసే పోరాటమే 'రాజుగారి గది 3'. హారర్ కామెడీ చిత్రాలను ఇష్టపడేవారిని ఈ సినిమా ఇటు నవ్వించలేకపోయింది .. అటు భయపెట్టలేకపోయింది. ఒక్క మాటలో చెప్పాలంటే అంచనాలను అందుకోలేకపోయింది. 
'RDX Love' మూవీ రివ్యూ
ఊరు కోసం .. ఊరు జనాల బాగు కోసం తన శీలాన్ని పణంగా పెట్టిన ఓ అందమైన యువతి కథ ఇది. ఆ ఊరు సమస్యని పరిష్కరించడం కోసం తన ప్రాణాలను సైతం త్యాగం చేయడానికి సిద్ధపడిన అలివేలు కథ ఇది. రొమాంటిక్ లవ్ స్టోరీగా కనిపించే ఈ లేడీ ఓరియెంటెడ్ మూవీలో, శృంగారం - ఆదర్శం అనే రెండు అతకని అంశాలను కలిపి చెప్పడానికి దర్శకుడు చేసిన ప్రయత్నం కొంతవరకు మాత్రమే ఫలించిందని చెప్పాలి. 
'ఎవ్వరికీ చెప్పొద్దు' మూవీ రివ్యూ
ప్రేమకి ఎప్పుడూ ప్రధానమైన అడ్డంకిగా మారేది కులమే. ప్రేమికులను ప్రధమంగా భయపెట్టేదీ కులమే. కులాన్ని ప్రాణంగా భావించే ఒక ఆడపిల్ల తండ్రి .. మరో కులానికి చెందిన యువకుడిని ప్రేమిస్తున్నానని తండ్రికి చెప్పడానికి భయపడే కూతురు .. ఆ అమ్మాయినే భార్యగా పొందడం కోసం తెగించే ఓ ప్రేమికుడు. ఈ ముగ్గురి చుట్టూ తిరిగే ప్రేమకథా చిత్రమే 'ఎవ్వరికీ చెప్పొద్దు'. కులం అనే పాయింట్ చుట్టూ అల్లుకున్న ఈ కథ సందేశాత్మకమే అయినా, దర్శకుడు దానిని పూర్తిస్థాయిలో ఆసక్తికరంగా ఆవిష్కరించలేకపోయాడు. 
'చాణక్య' మూవీ రివ్యూ
'రా' సంస్థలో గోపీచంద్ తో పాటు ఆయన నలుగురు స్నేహితులు ఒక టీమ్ గా పనిచేస్తూ ఉంటారు. ఒకానొక సందర్భంలో గోపీచంద్ మినహా ఆయన నలుగురు స్నేహితులను, పాకిస్థాన్ లోని భారత వ్యతిరేక శక్తి కిడ్నాప్ చేస్తుంది. దాంతో తన ప్రాణాలకి తెగించి మరీ వాళ్లను ఇండియా తీసుకురావడానికి హీరో 'కరాచీ' లో అడుగుపెడతాడు. అక్కడ ఏం జరుగుతుంది? ఎలాంటి పరిస్థితులను ఆయన ఎదుర్కోవలసి వస్తుందనేది ఈ కథ. అనూహ్యమైన మలుపులు .. ఆసక్తికరమైన సంఘటనలు ఎంతమాత్రం లేని ఈ సినిమా, ప్రేక్షకులను ఆకట్టుకోవడం కష్టమే!
'సైరా నరసింహా రెడ్డి' మూవీ రివ్యూ
భారతావని స్వేచ్ఛా స్వాతంత్ర్యాల కోసం ఉద్యమాన్ని ఊపిరిగా చేసుకున్న తొలి పోరాట యోధుడి కథ ఇది. ఉడుకు నెత్తురుతో ఉప్పెనలా ఆంగ్లేయులపై విరుచుకుపడిన ఉయ్యాలవాడ నరసింహారెడ్డి కథ ఇది. దేశమాత సంకెళ్లను తెంచడం కోసం తనని తాను సమిధగా సమర్పించుకున్న అమరవీరుని ఆదర్శ చరిత్రగా 'సైరా' ప్రేక్షకుల ముందుకు వచ్చింది. బలమైన కథాకథనాలకు భారీతనాన్ని జోడించి అందించిన ఈ చిత్రం, చిరంజీవి కెరియర్లో ప్రత్యేక స్థానాన్ని దక్కించుకుందనే చెప్పాలి.
'నిన్ను తలచి' మూవీ రివ్యూ
ప్రేమ అనేది ప్రతి నిమిషాన్ని అందమైన అనుభూతిగా మారుస్తుంది .. ఊహల ఊయలను ఉత్సాహంతో ఊపేస్తుంది. అలాంటి సున్నితమైన ప్రేమకథను సుదీర్ఘంగా చెప్పిన చిత్రమే 'నిన్నుతలచి'. నిజమైన ప్రేమను సొంతం చేసుకునేందుకు కథానాయిక అనుభవించిన మానసిక సంఘర్షణే ఈ సినిమా కథ. హృదయాన్ని తాకే సన్నివేశాలుగానీ .. మాటలుగాని .. పాటలుగాని లేని ఈ సినిమా యూత్ ను నిరాశ పరుస్తుంది.
'బందోబస్త్' మూవీ రివ్యూ
ఒక పారిశ్రామిక వేత్త దేశ రాజకీయాలను ప్రభావితం చేసే శక్తిమంతుడవుతాడు. తన వ్యాపార సామ్రాజ్యాన్ని విస్తరింప జేయడం కోసం ప్రకృతికి .. ప్రజలకు నష్టాన్ని కలిగించడానికి కూడా వెనుకాడడు. ఈ విషయంలో ఆయన ప్రధానిని సైతం ఎదిరించే స్థాయికి చేరుకుంటాడు. అప్పుడు ప్రధాని పర్సనల్ సెక్యూరిటీ ఆఫీసర్ గా ఉన్న రవికిశోర్ ఏం చేశాడనేదే కథ. వినోదానికి దూరంగా చాలా నీరసంగా నడిచే ఈ కథ, అక్కడక్కడ మాత్రమే ఆకట్టుకుంటుంది .. అదీ యాక్షన్ సినిమాల ప్రేమికులను మాత్రమే.
'గద్దలకొండ గణేశ్' మూవీ రివ్యూ
అసిస్టెంట్ డైరెక్టర్ గా వున్న 'అభి'కి ఒక దర్శకుడి కారణంగా అవమానం ఎదురవుతుంది. దాంతో మంచి కథ తయారు చేసుకుని ఏడాదిలోగా దర్శకుడిగా మారాలనుకుంటాడు. 'గద్దలకొండ గణేశ్' అనే ఒక గ్యాంగ్ స్టర్ ను సీక్రెట్ గా ఫాలో అవుతూ ఆయన కథను తెరకెక్కించాలనుకుంటాడు. ఆ క్రమంలో ఆ యువకుడికి ఎలాంటి పరిస్థితులు ఎదురయ్యాయనేదే కథ. పూర్తి వినోదభరితంగా రూపొందిన ఈ సినిమా మాస్ ఆడియన్స్ ను ఎక్కువగా ఆకట్టుకోవచ్చు.
'మార్షల్' మూవీ రివ్యూ
ఒక వైపున తను పిచ్చిగా అభిమానించే హీరో, మరో వైపున తను ప్రాణంగా ప్రేమించే అక్క. ఆ హీరో కారణంగా తన అక్కయ్య ప్రాణాలకి ముప్పు ఏర్పడినప్పుడు ఆ యువకుడు ఏం చేశాడనేదే కథ. సినిమా మొదలైన దగ్గర నుంచి అంబులెన్సుల సైరన్లతో .. స్ట్రెచర్ల పరుగులతో .. హాస్పిటల్స్ వాతావరణంలో సాగుతుంది. ఈ తరహా సన్నివేశాలను చూడటానికి చాలామంది ఇష్టపడరు. ప్రధాన పాత్రను తీర్చిదిద్దే విషయంలో ప్రేక్షకులకు ఏర్పడిన గందరగోళం చివరి వరకూ అలాగే ఉంటుంది. సందేశం ఉన్నప్పటికీ సహనానికి పరీక్ష పెడుతుంది.
నానీస్ 'గ్యాంగ్ లీడర్' మూవీ రివ్యూ
ఒక వ్యక్తి కారణంగా ఐదుగురి జీవితాల్లో విషాదం చోటుచేసుకుంటుంది. ఆ ఐదుగురు కలిసి ఆ వ్యక్తిపై పగ తీర్చుకోవాలని నిర్ణయించుకుంటారు. ఈ విషయంలో వాళ్లంతా పెన్సిల్ పార్థసారథి అనే ఒక రైటర్ సాయాన్ని కోరతారు. వాళ్లకి ఆయన ఎలా సాయపడ్డాడనేదే కథ. అక్కడక్కడా కథ కాస్త నెమ్మదించినా, కామెడీని ఆసరా చేసుకుని మళ్లీ పుంజుకుంటూ నడుస్తుంది .. నాని అభిమానులతో పాటు ఫ్యామిలీ ఆడియన్స్ ని ఆకట్టుకోవచ్చు.
'ఉండిపోరాదే' మూవీ రివ్యూ
కాలేజ్ లో చదువుతో పాటు సాగే ప్రేమకథ ఇది. కథలో మంచి సందేశం ఉన్నప్పటికీ దానిని ఆసక్తికరంగా ప్రేక్షకులకు చేరవేయడంలో దర్శకుడు విఫలమయ్యాడు. దాంతో సెకండాఫ్ లో మాత్రమే ఒక సినిమా చూస్తున్నామనే ఫీలింగ్ ప్రేక్షకులకు కలుగుతుంది. సక్సెస్ అయిన ప్రేమకథా చిత్రాలను పరిశీలిస్తే, మంత్రించే మాటలు .. అనుభూతినిచ్చే పాటలు .. అందమైన దృశ్యాలు ప్రధానమైన బలంగా నిలవడం కనిపిస్తుంది. ఈ అంశాలన్నీ ఈ ప్రేమకథలో లోపించాయి.
'జోడి' మూవీ రివ్యూ
ఒక వైపున జూదానికి బానిసైన తండ్రి .. మరో వైపున తను ప్రాణంగా ప్రేమించిన ప్రియురాలు. తన ప్రేమకి తన తండ్రి వ్యసనమే అడ్డంకిగా మారినప్పుడు ఆ యువకుడు ఏం చేశాడనేదే కథ. ఎమోషన్ ను జోడీగా చేసుకుని నడిచిన ఈ ప్రేమకథ ఓ మాదిరిగా అనిపిస్తుంది.
'సాహో' మూవీ రివ్యూ
కథ బలమైనదైనప్పుడు చేసే ఖర్చు ఆ కథకు మరింత బలాన్ని చేకూరుస్తుంది. కథ బలహీనమైనప్పుడు చేసే ఖర్చు అనవసరమనిపిస్తుంది. 'సాహో' విషయంలో ఈ రెండొవదే జరిగింది. బలహీనమైన కథ .. అయోమయానికి గురిచేసే కథనంతో సాగే ఈ సినిమా, ఖర్చు విషయంలో మాత్రమే 'సాహో' అనిపిస్తుంది.
'ఏదైనా జరగొచ్చు' మూవీ రివ్యూ
జీవితాన్ని విలాసవంతంగా గడపాలి .. అందుకోసం సులభంగా డబ్బు సంపాదించాలనే ఓ ముగ్గురు కుర్రాళ్లు, డబ్బు కోసం ఎంతకైనా తెగించే ఓ రౌడీతో శత్రుత్వం పెట్టుకుంటారు. ఆ రౌడీ ఆశ్రయంలో వున్న దెయ్యం ఆగ్రహానికి గురవుతారు. పర్యవసానంగా చోటుచేసుకునే పరిణామాలతో ఈ కథ సాగుతుంది. కథాకథనాల్లో బలం తక్కువ .. సన్నివేశాల పరంగా హడావిడి ఎక్కువ అనిపించే ఈ సినిమా, కొత్తదనాన్ని ఆశించి వెళ్లిన ప్రేక్షకులను నిరాశ పరుస్తుంది.
'బాయ్' మూవీ రివ్యూ
స్కూల్ ఫైనల్లో తెలియని ఆకర్షణ .. ప్రేమ, చదువును పక్కదారి పట్టిస్తుంటాయి. ఈ సమయంలోనే ఆ వయసు పిల్లలు ఒక రకమైన మానసిక సంఘర్షణకి లోనవుతారు. అలాంటి సంఘర్షణకు దృశ్య రూపంగా 'బాయ్' కనిపిస్తుంది. దర్శకుడు ఎంచుకున్న లైన్ ఆసక్తికరమైనదే .. సందేశంతో కూడినదే. వినోదపు పాళ్లు కావలసినంత కలిపే అవకాశం వున్నా అలాంటి ప్రయత్నం జరగకపోవడంతో, ఈ కథ ఆశించినస్థాయిలో మెప్పించలేకపోయింది.
'కౌసల్య కృష్ణమూర్తి' మూవీ రివ్యూ
కష్టాలను ఎదురిస్తూ .. ప్రతికూల పరిస్థితులపై పోరాడినప్పుడే గమ్యం చేరువవుతుంది .. విజయం సొంతమవుతుంది. క్రీడా స్ఫూర్తిని కలిగిస్తూ అలాంటి సందేశంతో తాజాగా ప్రేక్షకుల ముందుకు వచ్చిన చిత్రమే 'కౌసల్య కృష్ణమూర్తి'. సందేశంపైనే ప్రధానంగా దృష్టిపెట్టడం వలన, వినోదపరమైన అంశాల పాళ్లు తగ్గిపోయి ఓ మాదిరిగా అనిపిస్తుందంతే.
'ఎవరు' మూవీ రివ్యూ
ఒక తప్పు అనేక తప్పులు చేయడానికి కారణమవుతుంది. విలాసవంతమైన జీవితంపట్ల ఆశ .. విషాదం వైపు నడిపిస్తుందనే రెండు సత్యాలను చాటిచెప్పే కథ ఇది. అనుక్షణం ఉత్కంఠను రేకెత్తించే కథాకథనాలతో .. అనూహ్యమైన మలుపులతో సాగిపోయే ఈ క్రైమ్ థ్రిల్లర్ ఆ తరహా చిత్రాలను ఇష్టపడే ప్రేక్షకులను ఆద్యంతం ఆకట్టుకుంటుంది.
'రణరంగం' మూవీ రివ్యూ
విశాఖలోని ఒక స్లమ్ ఏరియాలో అనాథగా పెరిగిన ఒక కుర్రాడు, తనని అభిమానించేవారికి అండగా నిలబడతాడు. తనపై ఆధారపడినవాళ్ల కోసం స్మగ్లింగులోకి దిగిన ఆ యువకుడు, ఆ దారిలో ఎదురైన అవినీతి నాయకులతో తలపడుతూ గ్యాంగ్ స్టర్ గా మారతాడు. ఫలితంగా ఆ యువకుడికి ఎదురయ్యే పరిణామాలతో సాగే కథ ఇది. యాక్షన్ మూవీస్ ను ఎక్కువగా ఇష్టపడే ప్రేక్షకులకు ఈ సినిమా నచ్చచ్చు.
'కొబ్బరి మట్ట' మూవీ రివ్యూ
కామెడీ సన్నివేశాలతో కూర్చిన కథగా 'కొబ్బరి మట్ట' కనిపిస్తుంది. పాపారాయుడు, పెదరాయుడు, ఆండ్రాయుడు అనే మూడు పాత్రలలో సంపూ చేసిన హాస్య విన్యాసంగా అనిపిస్తుంది .. మొదటి నుంచి చివరివరకూ నవ్విస్తుంది.
'కథనం' మూవీ రివ్యూ
అనసూయ ఓ అందమైన, తెలివైన అమ్మాయి. దర్శకురాలిగా మారాలనే ఉత్సాహంతో ఒక కథను రాసుకుంటుంది. ఆ కథలో ఉన్నట్టుగానే, ఆ పాత్రల పేరుతో వున్న వాళ్లు వరుసగా మృత్యువాత పడుతుంటారు. అందుకు కారణాలను అన్వేషించే నేపథ్యంలో సాగే కథ ఇది. పేలవమైన సన్నివేశాలతో అల్లుకున్న 'కథనం' ప్రేక్షకుల సహనానికి పరీక్ష పెడుతుంది.
'మన్మథుడు 2' మూవీ రివ్యూ
వయసు ముదిరిపోతున్న కొడుకుని పెళ్లికి ఒప్పించాలని తపించే తల్లి ఒక వైపు .. పెళ్లి చేసుకోకుండా లైఫ్ ను ఎంజాయ్ చేయాలనే ఉద్దేశంతో వున్న తనయుడు ఒక వైపు. ఆయన ప్లాన్ ను అమలు పరచడానికి అడుగుపెట్టిన ఓ యువతి, ఆయన తల్లి ముచ్చటను ఎలా తీర్చిందనే కథతో రూపొందిన చిత్రమే 'మన్మథుడు 2'. కథా కథనాల పరంగా .. సంగీతం పరంగా గతంలో వచ్చిన 'మన్మథుడు'కి ఈ సినిమా చాలా దూరంలో ఉండిపోయిందనే చెప్పాలి.
'గుణ 369' మూవీ రివ్యూ
మంచికిపోతే చెడు ఎదురైనప్పుడు .. ఎవరినైతే నమ్మామో వాళ్లే మోసం చేసినప్పుడు ఒక సాధారణ వ్యక్తి తెగిస్తాడు. తన మనసునే న్యాయస్థానంగా చేసుకుని తనే న్యాయమూర్తిగా మారిపోయి ఆ దుర్మార్గుల శిక్షకు తీర్పు రాస్తాడు. అలా తెగించిన ఒక గుణవంతుడైన ప్రేమికుడి కథే 'గుణ 369'. యూత్ నుంచి .. ఫ్యామిలీ ఆడియన్స్ నుంచి ఫరవాలేదనిపించే సినిమా ఇది.
'రాక్షసుడు' మూవీ రివ్యూ
వరుసగా .. ఒకే విధంగా జరిగే టీనేజ్ అమ్మాయిల కిడ్నాప్ లు .. హత్యలు, హంతకుడు ఎవరనేది కనుక్కోవడానికి పోలీసులు చేసే ప్రయత్నాల నేపథ్యంలో ఈ కథ సాగుతుంది. కామెడీని రొమాన్స్ ను పూర్తిగా పక్కన పెట్టేసిన ఈ సినిమా, యాక్షన్ ను ఎమోషన్ ను కలుపుకుని వెళుతూ సస్పెన్స్ థ్రిల్లర్లను ఇష్టపడేవారిని మాత్రమే ఆకట్టుకోవచ్చు.
'డియర్ కామ్రేడ్' మూవీ రివ్యూ
ప్రియురాలి ఆశయాన్ని నెరవేర్చడానికి ఒక ప్రియుడు చేసే పోరాటం .. తను మనసిచ్చినవాడిలో ఆవేశాన్ని తగ్గించడానికి ఒక ప్రియురాలుపడే ఆరాటమే 'డియర్ కామ్రేడ్'. ప్రేమ .. అల్లరి .. అలక .. ఎడబాటులోని బాధ .. కలిసి ఉండటంలోని సంతోషాన్ని అందంగా ఆవిష్కరించిన ఈ చిత్రం ఫరవాలేదనిపిస్తుంది. కథనం పట్టుగా సాగివుంటే మరిన్ని మార్కులు సంపాదించుకుని వుండేదనిపిస్తుంది.
'ఆమె' మూవీ రివ్యూ
'ఆమె' అనే టైటిల్ కి తగినట్టుగానే ఆమె పాత్రను గురించి మాత్రమే దర్శకుడు ఆలోచన చేశాడు. మిగతా పాత్రలు తేలిపోయాయి .. ఆమె పాత్ర అంత బలంగానూ నాటుకోలేకపోయింది. ఇంకా తరువాత తరువాత ఏదో జరుగుతుందని ఆశించిన ప్రేక్షకుడికి అసంతృప్తి కలుగుతుంది .. అసహనమే మిగులుతుంది.
'మిస్టర్. K K'  మూవీ రివ్యూ
మలేసియా నేపథ్యంలో సాగే కథ ఇది. అక్కడి పారిశ్రామికవేత్త హత్య కేసులో, నేరచరిత్ర కలిగిన K.K.ను ఇరికించడానికి పోలీస్ ఆఫీసర్ విన్సెంట్ ప్రయత్నిస్తాడు. అందుకోసం ఆయన పన్నిన వ్యూహంలో అమాయకులైన యువ దంపతులు చిక్కుకుంటారు. K.K.తో పాటు ఆ దంపతులు ఈ వలలో నుంచి ఎలా బయటపడ్డారనేదే కథ. యాక్షన్ సినిమాలను ఎక్కువగా ఇష్టపడే మల్టీ ప్లెక్స్ ఆడియన్స్ కి ఈ సినిమా ఓకే అనిపిస్తుంది.
'ఇస్మార్ట్ శంకర్' మూవీ రివ్యూ
ఒక రౌడీ షీటర్ దగ్గర పెరిగిన అనాథ కుర్రాడే 'ఇస్మార్ట్ శంకర్'. అనాధ అయిన శంకర్, చాందిని ప్రేమలో పడి అందమైన జీవితాన్ని ఊహించుకుంటాడు. ఆమెతో హాయిగా గడపడానికి అవసరమైన డబ్బుకోసం శంకర్ ఒక మర్డర్ చేస్తాడు. ఫలితంగా ఆయన జీవితం తలక్రిందులు అవుతుంది. పూరి మార్క్ సంభాషణలతో .. రొమాన్స్ తో .. చేజింగ్స్ తో సాగిపోయే ఈ కథ మాస్ ఆడియన్స్ కి మాత్రమే నచ్చచ్చు!
'రాజ్ దూత్' మూవీ రివ్యూ
'రాజ్ దూత్' బైక్ చుట్టూ .. దాని కోసం అన్వేషించే హీరో చుట్టూ తిరిగే కథ ఇది. బలహీనమైన కథాకథనాలతో .. పేలవమైన సన్నివేశాలతో ఈ సినిమా నీరసంగా సాగుతూ ప్రేక్షకుల సహనానికి పరీక్ష పెడుతుంది.
'నిను వీడని నీడను నేనే' మూవీ రివ్యూ
ఇటీవల కాలంలో తెలుగు తెరపైకి కొత్త కాన్సెప్ట్ తో వచ్చిన చిత్రాల జాబితాలో 'నినువీడని నీడను నేనే' ఒకటిగా కనిపిస్తుంది. థ్రిల్లర్ సినిమాలను ఇష్టపడే మల్టీప్లెక్స్ ఆడియన్స్ కి ఆసక్తికరంగా అనిపించే ఈ సినిమా, కథాకథనాల్లోని మెలికల కారణంగా, బి - సి సెంటర్స్ లోని ప్రేక్షకులను అంతగా ఆకట్టుకోలేకపోవచ్చు.
'దొరసాని' మూవీ రివ్యూ
పేదవాడు ప్రేమించకూడదు .. కలవారి అమ్మాయివైపు కన్నెత్తి చూడకూడదనే దొరతనానికీ, ప్రేమంటూ పుట్టాక అది ఎలాంటి అధికారానికి లొంగదనీ .. మనసులు కలిసినవారిని మరణం తప్ప మరేదీ విడదీయలేదని నిరూపించే ఓ ప్రేమ జంటకి జరిగిన పోరాటమే 'దొరసాని'. గ్రామీణ నేపథ్యంలో సాగే ఈ ప్రేమకథలో యూత్ ను ఆకట్టుకునే అన్ని అంశాలు పుష్కలంగా కనిపిస్తాయి.
'బుర్రకథ' మూవీ రివ్యూ
కథానాయకుడు అభిరామ్ రెండు మెదళ్లతో పుట్టిన కారణంగా అభి - రామ్ గా పిలవబడుతుంటాడు. ఒక మెదడు పనిచేస్తున్నప్పుడు క్లాస్ స్వభావంతోను .. మరో మెదడు పనిచేస్తున్నప్పుడు మాస్ మనస్తత్వంతోను ఆయన ప్రవర్తిస్తుంటాడు. పర్యవసానంగా చోటుచేసుకునే మలుపులతో కొనసాగిన సినిమాయే 'బుర్రకథ'. కథాకథనాల్లో తగినంత పట్టులేని కారణంగా ఈ సినిమా ఆకట్టుకోలేకపోయింది.
'ఓ బేబీ' మూవీ రివ్యూ
తన కుటుంబం కోసం అన్ని ఆనందాలను త్యాగం చేసిన వృద్ధురాలైన సావిత్రికి, గతంలో ఆమె కోల్పోయినవన్నీ తిరిగి పొందే అవకాశం అనుకోకుండా లభిస్తుంది. ఫలితంగా ఆమె జీవితంలో చోటుచేసుకునే ఆసక్తికరమైన పరిణామాలతో, ప్రేక్షకులను ఆకట్టుకునే కుటుంబ కథాచిత్రంగా ' ఓ బేబీ' కనిపిస్తుంది.
'కల్కి' మూవీ రివ్యూ
ఓ మర్డర్ మిస్టరీని ఛేదించడానికి పోలీస్ ఆఫీసర్ గా రంగంలోకి దిగిన 'కల్కి'ని ఎలాంటి పరిస్థితులు చుట్టుముట్టాయనే ఆసక్తికరమైన మలుపులతో ఈ కథ కొనసాగుతుంది. యాక్షన్ థ్రిల్లర్ సినిమాలను ఇష్టపడేవారిని ఈ సినిమా కొంతవరకే ఆకట్టుకుంటుంది.
'బ్రోచేవారెవరురా' మూవీ రివ్యూ
తండ్రి ప్రేమకి నోచుకోని 'మిత్ర' తనకి నచ్చినట్టుగా బతకాలనుకుంటుంది. అందుకు అవసరమైన డబ్బుకోసం కిడ్నాప్ డ్రామా ఆడిన రాహుల్ బృందం ఎలాంటి చిక్కుల్లో పడిందనే కథాకథనాలతో ఈ సినిమా సాగుతుంది. యూత్ తో పాటు మాస్ ను .. ఫ్యామిలీ ఆడియన్స్ ను అలరించే అంశాలు ఈ సినిమాలో బాగానే వున్నాయి.
'ఏజెంట్ సాయి శ్రీనివాస ఆత్రేయ' మూవీ రివ్యూ
చిన్నా చితకా కేసులను పరిష్కరించే డిటెక్టివ్ ఆత్రేయ, ఒక మర్డర్ మిస్టరీని ఛేదించే ప్రయత్నం చేస్తాడు. అది తనకు అనుకున్నంత తేలికైన కేసు కాదనే విషయం తెలిసినా ధైర్యంగా ముందడుగు వేసి, ఎలా ఆ రహస్యాన్ని ఛేదించాడనేదే కథ. యూత్ నుంచి .. ఫ్యామిలీ ఆడియన్స్ నుంచి ఈ సినిమా మంచి మార్కులు కొట్టేయడం ఖాయం
'మల్లేశం' మూవీ రివ్యూ
చేనేత కార్మికుల కష్టాలను గట్టెక్కించడానికి ఆసు యంత్రాన్ని తయారుచేసిన 'చింతకింది మల్లేశం' బయోపిక్ ఇది. గ్రామీణ నేపథ్యంలో రూపొందిన ఈ సినిమా ప్రేక్షకుల మనసులను కదిలించేస్తుందనే చెప్పాలి.
'ఓటర్' మూవీ రివ్యూ
స్వార్థ రాజకీయాల నేపథ్యంలో రూపొందిన మరో సినిమా ఇది. ఓటు విలువ తెలియజేస్తూ యాక్షన్ కి .. ఎమోషన్ కి పెద్దపీట వేసినా, కథాకథనాలు బలంగా లేకపోవడం వలన ప్రేక్షకులను ఆకట్టుకోలేకపోయింది.
 'వజ్రకవచధర గోవింద' మూవీ రివ్యూ
గోవింద్ అనే యువకుడు తన గ్రామంలోని చాలామంది కేన్సర్ బారినపడుతుంటే, వాళ్లను రక్షించుకోవడానికి అవసరమైన డబ్బుకోసం దొంగబాబా అవతారమెత్తుతాడు. పర్యవసానంగా ఆయన ఎలాంటి ఇబ్బందుల్లో పడతాడనే మలుపులతో ఈ కథ సాగుతుంది. ఈ సినిమాతో మాస్ ఆడియన్స్ ను అలరించడానికి సప్తగిరి చేసిన మరో ప్రయత్నం నెరవేరలేదనే చెప్పాలి.
'హిప్పీ'  మూవీ రివ్యూ
అమ్మాయిలతో సరదాగా తిరిగేసే దేవా, ఆముక్తమాల్యదను చూసి ఆకర్షితుడవుతాడు. ఆమె ప్రేమను పొందిన తరువాత వదిలించుకోవాలని చూస్తాడు. అప్పుడు ఆముక్తమాల్యద తీసుకునే నిర్ణయంతో దేవా ఎలాంటి పరిస్థితులను ఎదుర్కోవలసి వస్తుందనే మలుపులతో ఈ కథ ముందుకు వెళుతుంది. యూత్ ను దృష్టిలో పెట్టుకుని రూపొందించిన ఈ సినిమా ఓ మాదిరిగా మాత్రమే వాళ్లను ఆకట్టుకుంటుందని చెప్పాలి.
Minister Botsa Comments On Chandrababu Over AP Capital Ama..
Minister Botsa Comments On Chandrababu Over AP Capital Amaravathi
Reasons behind Byreddy Rajasekhar Reddy joining BJP- Insid..
Reasons behind Byreddy Rajasekhar Reddy joining BJP- Inside
9 PM Telugu News: 23rd October 2019..
9 PM Telugu News: 23rd October 2019
Bandla Ganesh Byte Before Media At Banjara Hills Police St..
Bandla Ganesh Byte Before Media At Banjara Hills Police Station
Case Filed Against Gannavaram MLA Vallabhaneni Vamsi..
Case Filed Against Gannavaram MLA Vallabhaneni Vamsi
Buggana Rajendranath counter to Chandrababu..
Buggana Rajendranath counter to Chandrababu
Bandla Ganesh Arrested..
Bandla Ganesh Arrested
Bigg Boss 3 Telugu: Varun, Ali, Rahul interesting conversa..
Bigg Boss 3 Telugu: Varun, Ali, Rahul interesting conversation
Political Mirchi : CM KCR Ready For One More Yagam!..
Political Mirchi : CM KCR Ready For One More Yagam!
Operation Royal Vasishta completed?..
Operation Royal Vasishta completed?