యాపిల్ ఐ ఫోన్ అంత ఖరీదెందుకో తెలుసునా...? తక్కువ ధరకే కొనాలనుకుంటే?

10-10-2017 Tue 14:33

యాపిల్ ఐ ఫోన్ ప్రపంచంలో మొబైల్స్ ప్రియులకు అత్యంత ఇష్టమైన బ్రాండ్. ఈ ఫోన్ ఇష్టపడని వారుండరంటే అతిశయోక్తి కాదు. ఎందుకంటే దీని ప్రత్యేకత అటువంటిది మరి. ఈ ప్రీమియం బ్రాండ్ ఫోన్ రేటు కాస్త దిగొస్తే బాగుండును... నేను కూడా సొంతం చేసుకోవచ్చని అనుకునే వారు ఎందరో ఉన్నారు. అయినా, యాపిల్ ఫోన్ ధర దిగిరాదు. దాని డిమాండ్ కూడా తగ్గదు. ‘ఎందుకు ధర తగ్గదు... అంత రేటెందుకు?’, ‘మార్కెట్లో అందుబాటు ధరల్లో మంచి ఫోన్లు ఉంటే, యాపిల్ ఎందుకు అంతేసి చార్జ్ వసూలు చేస్తుంది?’ అని ప్రశ్నించే వారు ఎందరో ఉన్నారు. అలాంటి వారు ఐఫోన్ల ధరలు తగ్గకపోవడానికి గల కారణాలు, విషయాల గురించి తప్పక తెలుసుకోవాల్సిందే.

నాణ్యత
representational imageయాపిల్ నాణ్యతలో రాజీ పడదు. రాజీ పడకుండా తయారీకి ఎంత ఖర్చయినా సరే ప్రీమియం బ్రాండ్ గానే అమ్మాలన్నది యాపిల్ సంస్థ ఆశయం కూడా. నాణ్యతలో రాజీపడకపోవడమే దీని ఖరీదును పెంచేసింది. ఫోన్లో వాడే కాంపోనెంట్స్ కూడా ఖరీదైనవే. నాసిరకం పరికరాలను యాపిల్ ఎట్టి పరిస్థితుల్లోనూ కొనదు, వినియోగించదు. బ్యాటరీ దగ్గర నుంచి ఎన్ఏఎన్డీ ఫ్లాష్, డిస్ ప్లే, ఇంటర్ ఫేస్, సెన్సార్లు, బ్యాటరీ అన్నీ కూడా నాణ్యమైనవే. ‘ఐహెచ్ఎస్ ఐసప్లి’ అనే సంస్థ స్మార్ట్ ఫోన్లలో వాడే కాంపోనెంట్లపై ఓ సమగ్ర అధ్యయనం నిర్వహించింది. ఐఫోన్లో వినియోగించే కాంపోనెంట్లు మోటోరోలా మోటోజి ఫోన్లలోని కాంపోనెంట్ల కంటే రెట్టింపు ఖరీదు చేస్తాయని తెలిసింది. కాంపోనెంట్లు, ఫోన్ అసెంబ్లింగ్ కు కలిపి మోటోరోలా మోటో జీలో 110 డాలర్లు అవుతుంటే, అదే ఐఫోన్ లో 200 డాలర్లు అవుతుందని ఈ సంస్థ వెల్లడించింది. ఇతర ఫోన్లతో పోలిస్తే యాపిల్ తయారీ వ్యయం చాలా ఎక్కువ. అందుకే ఇది ప్రీమియం బ్రాండ్ అయ్యింది.

విలువైన సేవలు
representational imageయాపిల్ ఐ ఫోన్ ఒక్కటి అమ్మి ఊరుకోవడం లేదు. ప్రతీ ఐఫోన్ యూజర్ కు విడిగా ఎన్నో సేవలు అందిస్తోంది. అవన్నీ ఐఫోన్ యూజర్లకు ఉచితంగా లభించేవే. యాపిల్ స్టోర్ నుంచి లక్షలాది యాప్స్, ఐ మెస్సేజ్ ఫీచర్, ఫేస్ టైమ్, ఐక్లౌడ్ సేవలన్నీ ఉచితం. కాలానుగుణంగా అన్ని అప్ డేట్స్ వచ్చేస్తుంటాయి. ఇందుకోసం ఫోన్ లో సెట్టింగ్స్ చేసుకుంటే చాలు. మరి ఈ తరహా సేవల అభివృద్ధికి, నిర్వహణకు యాపిల్ భారీగా నిధులను ఖర్చు పెడుతుంది. అందుకే ఫోను ఖరీదు అధికంగా నిర్ణయించేది. ఇక, యాపిల్ సాఫ్ట్ వేర్ డెవలపర్లకు, డిజైనర్లకు, టెక్నికల్ ఉద్యోగులకు చేసే వ్యయాలను పరిగణనలోకి తీసుకోవాల్సిందే. భారీ స్థాయిలో వేతనాలు ఇస్తుంటుంది. ఇవన్నీ కంపెనీ ఉత్పత్తుల ధరలో వచ్చి చేరేవే అని గుర్తుంచుకోవాలి.

పరిశోధన అభివృద్ధి (ఆర్ అండ్ డీ)
representational imageవందల సంఖ్యలో ఇంజనీర్లు యాపిల్ కంపెనీలో నిత్యం కొత్త ఫీచర్ల ఆవిష్కరణపై విస్తృతమైన పరిశోధనలు చేస్తుంటారు. ఇన్నోవేషన్ పై యాపిల్ ఏమాత్రం వెనుకాడకుండా అధికంగా ఖర్చు చేస్తుంది. పేరు మార్చి అదే మోడల్ ను మార్కెట్లోకి విడుదల చేయడం తరహా చౌకబారు వ్యాపార వ్యూహాలను అనుసరించదు. ఏటా ఒకటి రెండు మోడళ్ల విడుదలకే పరిమితం అవుతుంది. తాను ఆవిష్కరించిన ఫీచర్లన్నింటినీ వాటిలో పొందుపరుస్తుంది. కాకపోతే స్టోరేజీ పరంగా తక్కువ, ఎక్కువ సామర్థ్యంతో రెండు మోడళ్లను తీసుకురావడం అనేది ఎప్పటి నుంచో ఆచరిస్తున్న విధానం. ఈ ప్రపంచంలో ఆండ్రాయిడ్ తుపానును తట్టుకుని యాపిల్ నిలబడింది అంటే దానికున్న ఈ గొప్ప బలాలే కారణం.

ఆప్టిమైజేషన్
representational imageయాపిల్ సాఫ్ట్ వేర్, హార్డ్ వేర్ రెండింటినీ తానే తయారు చేస్తుంది. ఇదే యాపిల్ అంతగా సక్సెస్ అవడానికి ప్రధాన కారణాల్లో ఒకటి. ఫోన్ కు సాఫ్ట్ వేర్, హార్డ్ వేర్ ఈ రెండు చాలా కీలకం. కనుక ఎవరిపైనా ఆధారపడకుండా యాపిల్ వీటిని సొంతంగా తయారు చేసుకుంటుంది. దీంతో ఈ రెండింటి మధ్య ఆప్టిమైజేషన్ చాలా చక్కగా ఉంటుంది. గూగుల్ మాత్రం ఆండ్రాయిడ్ సాఫ్ట్ వేర్ తయారీకే పరిమితమైంది. ఈ సాఫ్ట్ వేర్ ను రన్ చేసేందుకు ఫోన్ కు హార్డ్ వేర్ అవసరం. దీంతో మొబైల్ కంపెనీలు స్వయంగా హార్డ్ వేర్ తయారీ చేసుకుంటున్నాయి. ఉదాహరణకు శామ్ సంగ్ ఇటీవలే విడుదల చేసిన గెలాక్సీ ఎస్8, 8ప్లస్ మోడల్స్ ను తీసుకోండి. యాపిల్ స్థాయిలో భారీ ధరలను వీటికి శామ్ సంగ్ ఖరారు చేసింది. కానీ, ఫోన్లో సాఫ్ట్ వేర్ ఒకరిది, హార్డ్ వేర్ మరొకరిది. దీంతో రెండింటి మధ్య అనుసంధానత అన్నది యాపిల్ ఫోన్లో ఉన్నంత కచ్చితంగా ఉండదు.
  • పైన చెప్పుకున్నట్టు యాపిల్ నాణ్యతలో రాజీ పడబోదనడానికి నిదర్శనం యాపిల్ 1 జీబీ ర్యామ్ మోడల్ ను కొద్ది సేపు ఉపయోగించి చూడండి. ఆ తర్వాత ఆండ్రాయిడ్ లో 4 జీబీ ర్యామ్ మోడల్ ను వాడి చూడండి. యాపిల్ లో యాప్స్ ల్యాగ్ అవడం, క్రాష్ అవడం వంటివి కనిపించవు. బుల్లెట్ రైలు వేగాన్ని తలపిస్తుంది. అదే ఆండ్రాయిడ్ లో 4జీబీ ర్యామ్ ఉన్నా సరే హ్యాంగింగ్, క్రషింగ్ వంటి సమస్యలు తరచూ ఎదురవుతుంటాయి.  
  • ఆండ్రాయిడ్ లో బ్యాటరీ తొందరగా డిశ్చార్జ్ అయిపోతుంది. కానీ, యాపిల్ లో ఈ సమస్య ఉండదు. ఎందుకంటే ఫోన్ ఆప్టిమైజేషన్ సరిగా ఉండడం వల్ల బ్యాటరీ వినియోగం తక్కువగా ఉంటుంది.
  • ఆండ్రాయిడ్ తో పోలిస్తే యాపిల్ ఫోన్ భద్రతా పరంగా representational imageదృఢమైనది. ఇందులో సెక్యూరిటీ ఫీచర్లు ఎక్కువ. అందుకే హ్యాకర్లు ఐఫోన్ యూజర్లను టార్గెట్ చేసుకోవడం తక్కువ. అదే ఆండ్రాయిడ్ సిస్టమ్ లో లోపాలు ఎక్కువ. వినియోగారులు ఎక్కువ. దాంతో హ్యాకర్లు సహజంగానే ఆండ్రాయిడ్ ఫోన్లను టార్గెట్ చేసుకుంటారు.
  • యాపిల్ సంస్థ ఐవోఎస్, హార్డ్ వేర్ రెండింటినీ తానే తయారు చేయడం వల్ల యూజర్లకు ఉన్న మరో సౌలభ్యం ఏమంటే... యాపిల్ సాఫ్ట్ వేర్ అప్ డేట్స్ విడుదల చేయడం ఆలస్యం యూజర్లు తమ ఫోన్లలో తక్షణమే వాటిని పొందొచ్చు. ఆండ్రాయిడ్ లో అలా కాదు. గూగుల్ టీమ్ ఆండ్రాయిడ్ తరఫున సాఫ్ట్ వేర్, సెక్యూరిటీ ప్యాచ్ ల పేరుతో అప్ డేట్స్ రూపొందించిన వెంటనే యూజర్లు అందుబాటులోకి రావు. మొబైల్ కంపెనీలు వీటిని తీసుకుని ఫోన్లోని హార్డ్ వేర్ కు అనుగుణంగా మార్పులు చేసి అందుబాటులో ఉంచాల్సి ఉంటుంది. టాప్ కంపెనీలు ఈ పనిచేస్తాయేమో గానీ మిగిలిన కంపెనీలు దాదాపు ఈ పనిచేయడం లేదు.  
  • యాపిల్ సంస్థ విక్రయానంతర సేవలు కూడా చక్కగా ఉంటాయి. నిపుణులైన ఇంజనీర్లతో ఫోన్లకు బెటర్ సర్వీస్ ను ఆఫర్ చేస్తుంది యాపిల్.
  • యాపిల్ పాటించిన నాణ్యతా సూత్రాలతో, ఖరీదైనది కావడంతో దీనికంటూ ప్రీమియం బ్రాండ్ గా మంచి విలువ ఏర్పడింది. దీంతో యాపిల్ ఫోన్ వాడడాన్ని గొప్పగా భావిస్తారు. చౌక బ్రాండ్ గా మార్చేసి ఇతర కంపెనీలతో పోటీ పడే ఉద్దేశం యాపిల్ కు లేదు. ప్రీమియం బ్రాండ్ గానే కొనసాగించాలన్నది సంస్థ విజన్. అందుకే యాపిల్ ధర తగ్గదు.
  • యాపిల్ కోరుకుంటే తక్కువ ధరకే ఫోన్లను తయారు చేయగలదు. కానీ నాణ్యత అత్యున్నతంగా ఉండాలని భావించే కంపెనీ.  ఎందులోనూ కాంప్రమైజ్ అవ్వకుండా, నవ్యత, నూతనత్వం, ప్రత్యేకత ఉండేలా ఐఫోన్లను తయారు చేయడం, అందులో కొత్త ఫీచర్లు జోడించడం యాపిల్ చేసే పని.
  • యాపిల్ విక్రయ ధరలో సగమే కంపెనీ తయారీకి ఖర్చవుతుంది. మిగిలినదంతా కంపెనీ లాభాలకే వెళుతుంది. కారణం అంత కాలం పాటు పరిశోధన చేసి నాణ్యమైన ఉత్పత్తులను విక్రయిస్తున్నందున ఆ మాత్రం మార్జిన్ ఉండాలన్నది కంపెనీ విజన్.
యాపిల్ ఉత్పత్తులు ఎందుకంత రేటు?
తరచుగా వినిపించే ఈ ప్రశ్నకు యాపిల్ సంస్థ సీఈవో టిమ్ కుక్ లోగడే 2013లో ఓ కార్యక్రమం సందర్భంగా స్పష్టమైన సమాధానమిచ్చారు. ‘‘ధర కోసం యాపిల్ క్వాలిటీని పణంగా పెట్టదు. యాపిల్ గొప్ప ఉత్పత్తులను తీసుకు వస్తుంది. ఓ గొప్ప ఉత్పత్తిని తయారు చేసి దాన్ని 49 డాలర్ల (రూ.3,000కుపైన)కే విక్రయించడం ఎలా సాధ్యమవుతుంది. యాపిల్ మ్యాక్ ను 1,000 డాలర్ల (రూ..64,000సుమారు)లోపే ఎందుకు ఆఫర్ చేయడం లేదని టెక్నాలజీ పరిశీలకులు ఆశ్చర్యపోయేవారు. నిజానికి మేమే ఈ దిశగా ప్రయత్నాలు కూడా చేశాం. తక్కువ ధరకు గొప్ప ఉత్పత్తిని రూపొందించడం అసాధ్యమనే నిర్ణయానికొచ్చాం. అందుకే మేం అలా చేయలేదు’’ టిమ్ కుక్ పేర్కొన్నారు.

మన దేశంలో ధర ఎక్కువ ఎందుకని?
representational imageముఖ్యంగా కరెన్సీయేనని చెప్పుకోవాలి. గతంతో పోలిస్తే డాలర్ తో రూపాయి మారకం విలువ 65 స్థాయిలో ఉండడం ఒక కారణం. అంటే ఒక డాలర్ కు మనం 65 రూపాయల చొప్పున చెల్లించి మరీ ఫోన్ కొనుక్కోవాల్సి ఉంటుంది. రూపాయి బలపడి 60కి వచ్చిందనుకోండి, అప్పుడు మనం చెల్లించాల్సింది కూడా తగ్గుతుంది. ఒకవేళ 70 స్థాయికి వెళితే ఐఫోన్ ఇంకా ఖరీదవుతుంది. యాపిల్ ఉత్పత్తులన్నీ దిగుమతి చేసుకోవాల్సిందే. వీటిపై దిగుమతి సుంకాలు భారీగానే ఉన్నాయి. వీటికి తోడు ఈ ప్రపంచంలో యాపిల్ ను ప్రీమియం బ్రాండ్ నే కొనసాగించాలన్నది ఆ సంస్థ లక్ష్యం.

యాపిల్ ఇక్కడ తక్కువకే లభిస్తుంది...
యాపిల్ ఇటీవలే ఐఫోన్ ఎక్స్ విడుదల చేసిన విషయం తెలిసిందే. ఈ ఫోన్ 64జీబీ వెర్షన్ ధర మన దేశంలో రూ.89,000. 256 జీబీ స్టోరేజీ ఉన్న ఐఫోన్ ఎక్స్ కావాలంటే రూ.1,02,000 భరించాల్సి ఉంటుంది. దీంతో ఐఫోన్ అత్యధిక ధరలు ఉండే దేశాల్లో మన దేశం కూడా చేరిపోయింది. అయితే, కరెన్సీ మారకం విలువల పుణ్యమా అని కొన్ని దేశాల్లో ఇది తక్కువ ధరకే లభిస్తోంది. జపాన్ లో ఐఫోన్ ఎక్స్ (64జీబీ) 1,12,800 యెన్ లు. 256 జీబీ మోడల్ ధర 1,30,045 యెన్ లు. మనదేశ కరెన్సీ మారకం విలువలతో లెక్కించి చూస్తే ఎక్స్ 64జీబీ రూ.65,000, 256జీబీ రూ.75,000కే జపాన్ లో లభిస్తున్నట్టు.  

యాపిల్ అధిక ధర ఉన్న దేశాలూ ఉన్నాయి. ఐఫోన్ ఎక్స్ 64 జీబీ 1,000 డాలర్లని యాపిల్ ప్రకటించగా, దీని ధర రష్యాలో 1380 డాలర్లు,  పోలాండ్ లో 1385 డాలర్లు. ఇటలీలో 1146 డాలర్లు. ఇలా దేశాన్ని బట్టి ధర మారిపోతుంటుంది. ఉదాహరణకు యాపిల్ 6ఎస్ అమెరికాలో ఆన్ లైన్ ధర 649 డాలర్లు. కానీ, మిగిలిన దేశాల్లో ఇది 636 డాలర్ల నుంచి 1,029 డాలర్ల వరకు ఉంది. టర్కీలో 1,000 డాలర్లు పెడితే గానీ రాదు. ఇటలీలో 842 డాలర్లు, ఫ్రాన్స్, జపాన్, బెల్జియం, నెదర్లాండ్స్ తదితర ప్రాంతాల్లో 809 డాలర్లకు లభిస్తోంది. కెనడా, అమెరికాలో మాత్రం ఇది చౌక. డాలర్ తో ఆయా దేశాల కరెన్సీ మారకం విలువలు, దిగుమతి సుంకాలు ధరను నిర్ణయిస్తాయి.


More Articles
Advertisement 1
Telugu News
National Green Tribunal verdict on Kaleswaram project
కాళేశ్వరం ప్రాజెక్టుపై ఎన్జీటీ కీలక తీర్పు... వివరాలు ఇవిగో!
16 minutes ago
Advertisement 36
Chennai corporation officials sealed Kumaran Silks
చెన్నైలో కుమరన్ సిల్క్స్ కు పోటెత్తిన జనం.... దుకాణం సీల్ చేసిన అధికారులు
41 minutes ago
bharathiraja suggesion to tamis heros
తెలుగు హీరోలు పారితోషికాన్ని తగ్గించుకున్నారన్న భారతీ రాజా.. తమిళ నటులూ తగ్గించుకోవాలని పిలుపు
41 minutes ago
drugs peddler arrests in hyderabad
హైదరాబాద్‌లో డ్రగ్స్ అమ్ముతున్న యువకుడి అరెస్టు
51 minutes ago
All India topper declared as failed in NEET 2020 exam
నీట్ ఫలితాల్లో గందరగోళం.. టాపర్ ను ఫెయిల్ చేసిన వైనం!
55 minutes ago
Heavy rain lashes once again in Hyderabad
బంగాళాఖాతంలో అల్పపీడనం... హైదరాబాదులో మళ్లీ వర్షం
58 minutes ago
RRR Movie RamarajuForBheem at 11 AM on October 22nd
రాజమౌళి ‘ఆర్ఆర్ఆర్’లో జూ.ఎన్టీఆర్ టీజర్‌పై అప్‌డేట్ ఇచ్చిన సినిమా యూనిట్!
1 hour ago
First look poster of Balakrishnas Narthanasala
బాలకృష్ణ 'నర్తనశాల' ఫస్ట్ లుక్ పోస్టర్ విడుదల!
1 hour ago
vijay setupati daughter gets rape threats
విజయ్‌ సేతుపతి చిన్న కూతురిని అత్యాచారం చేస్తామంటూ బెదిరింపులు!
1 hour ago
devineni uma slams jagan
మీ హయాంలో రైతులకు జలకళ తప్పిన మాట వాస్తవం కాదా?: దేవినేని ఉమ
1 hour ago
rains in andhra pradesh
మరో 3 గంటల్లో ఏపీలో భారీ వర్షాలు.. అప్రమత్తంగా ఉండాలని ప్రజలకు సూచన
1 hour ago
Delhi govt will donate Rs 15 cr to the Govt of Telangana
తెలంగాణకు ఢిల్లీ ప్రభుత్వం సాయం.. కేజ్రీవాల్ కు ఫోన్ చేసి ధన్యవాదాలు తెలిపిన కేసీఆర్!
1 hour ago
helping starting today ktr
నేటి నుంచి వరద బాధితులకు ఆర్థిక సాయం: కేటీఆర్
1 hour ago
Pooja Hegde latest Hindi film Cirkus
బాలీవుడ్ లో 'సర్కస్' చేస్తున్న పూజ హెగ్డే!
2 hours ago
PV Sindhu spreading false news should know the facts first before writing them If he doesnt stop
జర్నలిస్టుపై మండిపడుతూ వరుసగా ట్వీట్లు చేసిన పీవీ సింధు
2 hours ago
surya new look
కొత్త సినిమా కోసం హీరో సూర్య కొత్త లుక్.. ఫొటోలు వైరల్!
2 hours ago
Patients perform Garba with health workers at the Nesco COVID19 Center
కొవిడ్-19 కేంద్రంలో గాబ్రా డ్యాన్స్ చేసిన కరోనా రోగులు, వైద్యులు.. వీడియో వైరల్
3 hours ago
Heavy Trooling on Kerala Couple Intimate Wedding Photo Shoot
రొమాంటిక్ ఫొటో షూట్ చేసిన కేరళ కొత్త జంట... నెట్టింట తిట్ల మీద తిట్లు!
3 hours ago
Keesara Ex MRO Nagaraju wife complaint to NHRC about her husband suicide
నా భర్తను చంపేశారు.. హక్కుల కమిషన్‌ను ఆశ్రయించిన కీసర మాజీ తహసీల్దార్ భార్య
3 hours ago
vijaya sai slams chandrababu
ఆ వీడియోలు ఇప్పటికీ సోషల్ మీడియాలో చక్కర్లు కొడుతున్నాయి బాబు: విజయసాయిరెడ్డి
3 hours ago