బ్యాంకు ఖాతా చెక్ చేసుకుంటున్నారా....? అనవసర చార్జీలు బాదేస్తారు మరి!

31-07-2017 Mon 12:15

నేడు దాదాపుగా ప్రతి ఒక్కరికీ బ్యాంకు ఖాతా ఉంటోంది. ముఖ్యంగా ప్రభుత్వ, ప్రైవేటు రంగ ఉద్యోగులకు వేతనాల చెల్లింపులు బ్యాంకు ఖాతాల ద్వారానే జరుగుతున్నాయి. వ్యాపారస్థులు అయితే, బ్యాంకు ఖాతా తప్పనిసరి. అన్నింటికీ కీలకంగా మారుతున్న బ్యాంకు ఖాతాలపై ఖాతాదారులు తప్పకుండా ఓ కన్నేసి ఉంచాలి. లేకుంటే తెలియని చార్జీల రూపంలో చిల్లులు పడొచ్చు.

సాధారణంగా బ్యాంకులు తమ సేవలకు సంబంధించిన చార్జీలను ఎప్పటికప్పుడు ఖాతాల్లోని బ్యాలన్స్ నుంచి డెబిట్ చేస్తుంటాయి. కొన్ని చార్జీలను సంబంధిత త్రైమాసికం ముగిసేలోపే ఖాతాలోంచి డెబిట్ చేసేస్తాయి. కొన్నింటిని మాత్రం ఆర్థిక సంవత్సరం ముగిసేలోపు ఎప్పుడైనా చార్జ్ చేసేందుకు అవకాశం ఉంది. కానీ, ఈ చార్జీలు సరిగానే విధిస్తున్నారా, వాటిలో ఏవైనా తప్పులుంటున్నాయా? అన్న విషయాలను కొందరు గమనించరు. బ్యాంకులపై జవాబుదారీ ఉంటుంది గనుక ఏం ఫర్వాలేదులే అనుకుంటారు. కానీ ఈ విధమైన అలక్ష్యం వల్ల ఒక్కోసారి నష్టపోవాల్సి రావచ్చు. నిజానికి ఓ ప్రముఖ బ్లాగ్ నిర్వాహకుడికి ఈ విధమైన సమస్యే ఎదురైంది. దాంతో ఈ విషయాన్ని పొల్లు పోకుండా ఆయన సామాజిక మాధ్యమాల్లో లక్షలాది మందికి తెలియజేశారు. చివరికి అన్యాయంగా చార్జీలు విధించిన బ్యాంకు కొమ్ములు విరిచారు.ఎదురైన సమస్య ఇది...

ఇటీవల ఓ రోజు బ్యాంకు ఖాతా స్టేట్ మెంట్ ను పరిశీలించిన నివేష్ ఒక్కసారిగా ఖంగుతిన్నాడు. ఎందుకంటే 2016 ఫిబ్రవరి 29న డీడీ తీసుకోగా, అందుకు సంబంధించిన చార్జీలను 2017 ఏప్రిల్ లో వసూలు చేశారు. డీడీ చార్జీల కింద రూ.1,005ను మినహాయించారు. వాస్తవానికి డీడీపై చార్జీలు లేవని తీసుకునే సమయంలో బ్యాంకు సిబ్బంది చెప్పారు. అయినప్పటికీ చార్జీలు వసూలు చేయడం, అందులోనూ ఏడాది దాటిన తర్వాత ఇలా చేయడం ఏ మాత్రం సరిగ్గా లేదనుకున్న నివేష్ హెచ్ డీఎఫ్ సీ బ్యాంకు రిలేషన్ షిప్ మేనేజర్ కు కాల్ చేసి ఫిర్యాదు చేశారు. ఆయన కూడా దీన్ని సరికాదంటూనే ఫిర్యాదు ఇవ్వాలని సూచించారు. 2016 మార్చితో ముగిసిన ఆర్థిక సంవత్సరంలోపు చార్జీలను వసూలు చేయలేదు. 2017 మార్చితో ముగిసిన ఆర్థిక సంవత్సరంలోనూ డెబిట్ చేయకుండా, 2018 ఆర్థిక సంవత్సరంలో వసూలు చేయడం బ్యాంకు అధికారుల నిర్లక్ష్యమేనని నివేష్ భావించారు.

కస్టమర్ కేర్ కు ఫిర్యాదు
దీంతో విషయాన్ని తెలియజేస్తూ నివేష్ హెచ్ డీఎఫ్ సీ బ్యాంకుకు (support@hdfcbank.com) ఈ మెయిల్ ద్వారా ఫిర్యాదు చేశారు. ‘‘29-2-2016 నాటి డీడీఇష్యూ చార్జీలు అంటూ రూ.1,005ను నా ఖాతాలో నుంచి 18-4- 2017న డెబిట్ చేయడం నా దృష్టికి వచ్చింది. ఉచితంగా డీడీ తీసుకునే అవకాశం బ్యాంకు ఖాతాదారుడిగా నాకుంది. డీడీ తీసుకున్న సమయంలో సిబ్బంది నాకిదే చెప్పారు. కానీ, ఏడాది రెండు నెలల తర్వాత ఇప్పుడు ఉన్నట్టుండి ఇలా చార్జీలను ఎలా వసూలు చేస్తారు?’’ అని నివేష్ తన మెయిల్ లో ప్రశ్నించారు.

కొన్ని రోజుల తర్వాత డీడీ జారీ చేసిన బ్యాంకు శాఖ మేనేజర్ నుంచి నివేష్ కు కాల్ వచ్చింది. చార్జీలను వసూలు చేయడం సరైన నిర్ణయమేనని బ్రాంచ్ మేనేజర్ సమర్థించుకున్నారు. అయితే, ‘‘ఏడాది రెండు నెలల క్రితమే డీడీ జారీ చేయగా, అప్పుడే ఎందుకు చార్జీలు వసూలు చేయలేదు? పోనీ వెంటనే కాకపోయినా అదే ఆర్థిక సంవత్సరం ముగిసే లోపు ఎందుకు చేయలేదు? ఏడాది రెండు నెలల తర్వాత చార్జీలు విధించారు కదా, ఒకవేళ ఈ లోపు నేను ఖాతా క్లోజ్ చేసి వెళ్లుంటే ఏం చేసేవారు?’’ అంటూ నివేష్ ప్రశ్నల వర్షం కురిపించారు. కానీ, బ్యాంకు మేనేజర్ నుంచి సమాధానం రాలేదు. అనంతరం ఈ విషయాన్ని నివేష్ ‘చేంజ్.ఓఆర్జీ’, ఫేస్ బుక్, ట్విట్టర్, గూగుల్ ప్లస్ మాధ్యమాల ద్వారా సమాజానికి తెలియజేశాడు.

ఆ తర్వాత హెచ్ డీఎఫ్ సీ బ్యాంకు నుంచి నివేష్ కు మరో మెయిల్ వచ్చింది. బ్రాంచ్ మేనేజర్ కాల్ చేసి చార్జీల గురించి వివరించారని, ఇంకా ఏదైనా సాయం కావాలంటే, పరిష్కారంపై సంతృప్తి చెందకపోతే తిరిగి మళ్లీ సంప్రదించాలని కూడా అందులో సూచించారు. దీంతో గ్రీవెన్స్ రిడ్రెస్సల్ కు నివేష్ ఫిర్యాదు చేశాడు. ఆ తర్వాత రెండు రోజులకే సారీ చెప్పిన బ్యాంకు వసూలు చేసిన రూ.1,005 రూపాయలను తిరిగి నివేష్ ఖాతాలో జమ చేసింది.

అందుకే... చెక్ చేసుకోవాలి
బ్యాంకుల్లో అంతా పారదర్శకంగా జరుగుతుందన్న గుడ్డి నమ్మకం వద్దు. ఒకప్పుడు ఈ తరహా విధానాలు కనిపించేవి కావు. కానీ, మారుతున్న క్రమంలో ఆదాయంపై బ్యాంకుల దృష్టి పెరగడం ఈ తరహా విధానాలకు దారితీస్తోంది. అందుకే వీలైతే ప్రతీ వారం బ్యాంకు ఖాతా లావాదేవీల రిపోర్ట్ ను పరిశీలించాలి. లేదంటే కనీసం నెలకోసారి అయినా పరిశీలించుకోవాలి. లోపాలు, తప్పులుంటే వెంటనే పిర్యాదు చేయాలి. ఒకటి లేదా రెండుకు మించి బ్యాంకు ఖాతాలొద్దు. ఒకవేళ ఈ రెండు ఖాతాల్లోనూ వాడని ఖాతా ఉంటే వెంటనే క్లోజ్ చేయడం బెటర్. ఎందుకంటే ఖాతాలు ఎక్కువై, ఒక్కో ఖాతాలో కొన్ని లావాదేవీలు చొప్పున చేస్తూ ఉంటే వాటిని గమనిస్తుండడం కష్టమవుతుంది. ఒకే ఖాతా నుంచి చేస్తుంటే ట్రాక్ చేయడం తేలిక. సమస్య ఏర్పడితే ఎవరికి ఫిర్యాదు చేయాలన్న విషయాన్ని ముందుగానే తెలుసుకోవాలి. బ్యాంకు వెబ్ సైట్లలో ఈ సమాచారం ఉంటుంది.


More Articles
Advertisement
Telugu News
Bandi Sanjay warns Rajamouli
ఆర్ఆర్ఆర్ వివాదం: రాజమౌళికి బండి సంజయ్ వార్నింగ్
5 hours ago
Advertisement 36
Kajal Aggarwal explains how her marriage done
మా పెళ్లిలో తెలుగు సంప్రదాయాన్ని కూడా పాటించాం: కాజల్ అగర్వాల్
5 hours ago
Police chased down two sharp shooters
బెంగాల్ లో బీజేపీ నేతను చంపిన షార్ప్ షూటర్లు ఇలా దొరికిపోయారు!
5 hours ago
Subhash Chandra Garg alleges Nirmala Sitharaman
నిర్మల సీతారామన్ పై తీవ్ర ఆరోపణలు చేసిన ఆర్థిక శాఖ మాజీ కార్యదర్శి
5 hours ago
Harish Rao campaigns in Dubbaka
రేవంత్ రెడ్డిని కొడంగల్ పోయి ఓడించా... ఇది నా అడ్డా... వాళ్లొచ్చి ఏంచేస్తారు?: హరీశ్ రావు
6 hours ago
Senior actor to direct Akkineni hero
సీనియర్ నటుడి దర్శకత్వంలో నాగ చైతన్య!
6 hours ago
SRH bowlers restrict RCB batsmen for a low score
బెంగళూరును భలే కట్టడి చేసిన సన్ రైజర్స్ బౌలర్లు.. ఇక బ్యాట్స్ మెన్ వంతు!
6 hours ago
Pawan Kalyan wishes on Andhra Pradesh day
ఆంధ్రప్రదేశ్ అవతరణ దినోత్సవ శుభాకాంక్షలు తెలిపిన పవన్ కల్యాణ్
6 hours ago
UP CM Yogi Adithyanath warns Love Jihadees to mend ways or will be punished
లవ్ జిహాద్ కు పాల్పడేవారు తీరు మార్చుకోవాలి... లేకపోతే వారి అంతిమయాత్ర ప్రారంభమైనట్టే!: యోగి ఆదిత్యనాథ్
7 hours ago
James Bond hero Sean Connery is no m more
జేమ్స్ బాండ్ కథానాయకుడు షాన్ కానరీ కన్నుమూత
7 hours ago
I wanted to become a villain says Sunil
'కలర్ ఫొటో' సినిమాతో నా కల నెరవేరింది: సునీల్
7 hours ago
Revanth Reddy slams TRS party leaders over flood relief distribution
గ్రేటర్ లో వరద సాయాన్ని గులాబీ గద్దలు స్వాహా చేశాయి: రేవంత్ రెడ్డి
8 hours ago
Sunrisers Hyderabad won the toss and elected bowl first in crucial match
తప్పక నెగ్గాల్సిన మ్యాచ్ లో టాస్ గెలిచిన సన్ రైజర్స్
8 hours ago
Atchannaidu fires on CM Jagan
ఎస్సీలపై ఎస్సీ, ఎస్టీ అట్రాసిటీ కేసు పెట్టడం ఈ ప్రభుత్వానికే చెల్లింది: అచ్చెన్నాయుడు
8 hours ago
CM KCR has taken key decision over land regularization
సాదా బైనామాల ద్వారా జరిగిన వ్యవసాయ భూముల క్రయవిక్రయాలకు ఉచితంగా క్రమబద్ధీకరణ: సీఎం కేసీఆర్
8 hours ago
Election Commission Says BJPs Free Covid Vaccine Promise Not A Poll Code Violation
బీజేపీ ఉచిత కరోనా వ్యాక్సిన్ హామీపై ఈసీ స్పందన
8 hours ago
Ishan Kishan blistering knock seals another win for Mumbai Indians
ఇషాన్ కిషన్ విజృంభణ... ముంబయి ఖాతాలో మరో విక్టరీ
8 hours ago
Hyderabad Metro Rail offers cashback offer
మరో ఆఫర్ ప్రకటించిన హైదరాబాద్ మెట్రో రైల్
9 hours ago
Vijayasai Reddy heaps praise on CM Jagan as AP got third place in PAC rankings
2018లో ఏపీకి 9వ ర్యాంకు... ఇప్పుడు 3వ స్థానం: విజయసాయిరెడ్డి
9 hours ago
Mumbai Indians against Delhi Capitals
స్వల్ప స్కోరు నమోదు చేసిన ఢిల్లీ... లక్ష్యఛేదనలో ముంబయి నిలకడ
9 hours ago