శాలరీ పే స్లిప్ లో ఏముంటాయి? దీనివల్ల ఉపయోగాలు ఏమిటి?

29-06-2016 Wed 12:08

ప్రైవేటు కంపెనీల్లో పనిచేసే ఉద్యోగులకు ప్రతీ నెలా పే స్లిప్ ఇవ్వడం చూస్తుంటాం. అందులో వేతనం, భత్యాలు, మినహాయింపులు, కోతలు... ఇలా ఎన్నో వివరాలు ఉంటాయి. అందులో ఉండే అన్ని కాలమ్ ల గురించి అందరికీ సరైన అవగాహన ఉండక పోవచ్చు. పే స్లిప్ వల్ల ఉపయోగాలేంటో కూడా తెలియకపోవచ్చు. వాటి గురించి ఒక్కసారి చూద్దాం.

ప్రతీ నెలా నిర్ణీత తేదీన ఉద్యోగి బ్యాంకు ఖాతాలో వేతనాన్ని జమ చేసిన తర్వాత కంపెనీ ఫైనాన్స్ లేదా హెచ్ ఆర్ (మానవ వనరులు) విభాగం ఉద్యోగులకు పే స్లిప్ జారీ చేస్తుంది.

గ్రాస్ పే... బేసిక్ పే

ఎటువంటి మినహాయింపులు తీసేయకుండా ఉద్యోగికి లభించే మొత్తం వేతనమే గ్రాస్ పే. ఇందులో బేసిక్ శాలరీ (మూలవేతనం) అనేది గ్రాస్ శాలరీలో 35 శాతం నుంచి 50 శాతం వరకు ఉంటుంది. అన్ని రకాల భత్యాలు ఈ మూల వేతనాన్ని బట్టే నిర్ణయిస్తారు. తోటి ఉద్యోగికి ఎక్కువ హైక్ అయింది, నాకెందుకు తక్కువ హైక్ వచ్చిందన్న సందేహం కలిగితే బేసిక్ శాలరీలో తేడా ఉందేమో పరిశీలించుకోవాలి. మూలవేతనం 100 శాతం ఆదాయ పన్ను పరిధిలోకి వస్తుంది.

హౌస్ రెంట్ అలవెన్స్ (ఇంటి అద్దె భత్యం)

ఉద్యోగి నివాస వ్యయాన్ని భరించేందుకు వీలుగా ఇచ్చే భత్యం (హెచ్ ఆర్ఏ). ఇది మూల వేతనంలో 40 నుంచి  50 శాతంగా ఉంటుంది. అందులోనూ మెట్రో, సాధారణ సిటీకి మధ్య తేడా ఉంటుంది. హౌస్ రెంట్ అలవెన్స్ కు ఆదాయపన్ను పరంగా మినహాయింపులు ఉన్నాయి. ఇది ఎలా అంటే... వార్షిక మూల వేతనంలో 40 శాతం మేర (మెట్రోల్లో అయితే 50శాతం) హెచ్ ఆర్ఏగా చూపించి పన్ను మినహాయింపు పొందవచ్చు. లేదా వాస్తవంగా చెల్లిస్తున్న అద్దెలో 10 శాతం బేసిక్ శాలరీని మినహాయించగా వచ్చే మొత్తం మీద పన్ను మినహాయింపు పొందవచ్చు. లేదా పేస్లిప్ లో ఉన్న హెచ్ఆర్ఏ మొత్తం... వీటిలో ఏది తక్కువ అయితే దానిపై పన్ను మినహాయింపు లభిస్తుంది. ఏదైనా వార్షికంగానే లెక్కించాలి.

హెచ్ఆర్ఏపై పన్నుమినహాయింపుల్లో సందేహాలు

సొంత ఇళ్లల్లో ఉంటే హెచ్ఆర్ఏపై పన్ను మినహాయింపు ఉండదు. అలాగే, సొంత ఇల్లు ఉన్నప్పటికీ దాన్ని అద్దెకు ఇచ్చి కార్యాలయం దగ్గరలో అద్దె ఇంట్లో నివాసముంటే హెచ్ఆర్ఏపై పన్నుమినహాయింపు క్లెయిమ్ చేసుకోవచ్చు. అదే సమయంలో సొంత ఇల్లుపై గృహరుణం రూపంలో వడ్డీ చెల్లిస్తుంటే దానిపైనా పన్ను మినహాయింపు పొందవచ్చు. ఏడాదికి లక్ష రూపాయలు దాటి అద్దె చెల్లిస్తున్నట్టయితే ఇంటి యజమాని పాన్ నంబర్ ను ఇవ్వాల్సి ఉంటుంది. అలాగే, అద్దె నెలకు మూడు వేల రూపాయలకు మించి చెల్లిస్తుంటే దానికి సంబంధించి యజమాని నుంచి రసీదు తీసుకుని కంపెనీలోని ఐటీ విభాగానికి ఇవ్వాల్సి ఉంటుంది. అప్పుడే టీడీఎస్ మినహాయించరు.

కన్వేయన్స్ అలవెన్స్

ఇంటి నుంచి కార్యాలయం వరకు వెళ్లి రావడానికి వీలుగా అయ్యే వ్యయాన్ని సర్దుబాటు చేసేందుకు ఇచ్చే భత్యం ఇది. నెలకు రూ.1600 లేదా పే స్లిప్ లో ఉన్న కన్వేయన్స్ అలవెన్స్ మొత్తాల్లో ఏది తక్కువైతే దానిపై పన్ను మినహాయింపు వర్తిస్తుంది.

ఎల్ టీసీ

కుటుంబ సభ్యులతో కలసి సెలవుపై పర్యటనకు వెళ్లేందుకు వీలుగా ఇచ్చే భత్యం. ప్రయాణ చార్జీలకే ఈ భత్యం వర్తిస్తుంది. అలాగే పన్ను మినహాయింపు కూడా ప్రయాణ చార్జీలపైనే పొందడానికి అవకాశం ఉంటుంది. నాలుగు సంవత్సరాల కాలంలో రెండు సార్లు పర్యటన మీదే మినహాయింపులు లభిస్తాయి.

మెడికల్ అలవెన్స్

వైద్య ఖర్చులను భరించేందుకు వీలుగా ఇచ్చే భత్యం. ఏడాదికి రూ.15వేల వరకు మినహాయింపు లభిస్తుంది.

పెర్ఫామెన్స్ బోనస్ అండ్ స్పెషల్ అలవెన్స్

ఉద్యోగి పనితీరుకు ప్రోత్సాహకంగా అందించే అలవెన్స్. నూరు శాతం దీనిపై పన్ను పడుతుంది.

కోతలు.... ప్రావిడెంట్ ఫండ్

భవిష్య నిధి రూపంలో ఉద్యోగి మూల వేతనంపై 12 శాతాన్ని మినహాయించి ప్రజా భవిష్యనిధి సంస్థకు బదలాయిస్తారు. యాజమాన్యం కూడా ఇంతే మొత్తాన్ని ఉద్యోగి పీఎఫ్ ఖాతాకు జమ చేస్తుంది. 15వేలు దాటి మూల వేతనం ఉన్న వారికి కూడా 15వేల రూపాయలపైనే 12 శాతాన్ని ఈపీఎఫ్ కోసం మినహాయిస్తారు. పన్ను మినహాయింపు పూర్తిగా లభిస్తుంది.

వృత్తి పన్ను

తెలంగాణ, ఏపీ, కర్ణాటక, తమిళనాడు, కేరళ సహా కొన్ని రాష్ట్రాల్లోనే వృత్తి పన్ను అమల్లో ఉంది. పన్ను వర్తించే ఆదాయం ఆధారంగా ఈ పన్ను వసూలు చేస్తారు.

టీడీఎస్

వార్షిక వేతనంలో మినహాయింపులు పోగా ఇంకా పన్ను వర్తించే ఆదాయంలో ఉంటే ఆదాయపన్ను శ్లాబు ప్రకారం టీడీఎస్ కోసేసి ఐటీ శాఖకు జమ చేస్తారు. టీడీఎస్ నుంచి బయటపడాలంటే ఆదాయపన్ను సెక్షన్ 80సీ కింద పెట్టుబడులు పెట్టాల్సి ఉంటుంది. ఇంకా పే స్లిప్ లో కంపెనీ పేరు, చిరునామా, ఉద్యోగి పేరు, కోడ్ నంబర్, పనిచేసే విభాగం, హోదా, ఈపీఎఫ్ నంబర్, మొబైల్ ఇతర అలవెన్స్ లు, ఈఎస్ఐ (ఉద్యోగి వేతనం 15వేలలోపు ఉంటే) తదితర వివరాలు కూడా ఉంటాయి.

representation

పే స్లిప్ తో అవసరం ఏంటి...?

కొంత మంది పే స్లిప్ ఎందుకులే అని తీసుకోరు. కానీ పే స్లిప్ తో భవిష్యత్తులో అవసరం ఉంటుంది. కంపెనీ మారి వేరే కంపెనీలో ఉద్యోగంలో చేరాలంటే అక్కడి సంస్థ పే స్లిప్ కోరవచ్చు. వేరే కంపెనీలో ఎక్కువ ప్యాకేజీతో వేతనం కోరుకుంటే ప్రస్తుతం అందుకుంటున్న వేతనానికి ఆధారంగా పే స్లిప్ అడిగే అవకాశాలున్నాయి. కొన్ని కంపెనీలకు వేతన ఖాతా స్టేట్ మెంట్ చూపించినా సరిపోతుంది. అయితే, వేతనం సహా వివిధ రకాల ప్రయోజనాల గురించి వివరంగా తెలుసుకోవాలంటే అందుకు పే స్లిప్ ఒక్కటే అవకాశం.

ఒకవేళ ప్రస్తుతం చేస్తున్న కంపెనీ ప్లే స్లిప్ ఇవ్వకపోతే దాన్ని అడిగి తీసుకునే చట్టపరమైన హక్కు ఉంది. అందుకే వేతన ధ్రువీకరణ (శాలరీ సర్టిఫికెట్) పత్రం అడిగి తీసుకోండి. ఇంక్రిమెంట్ కలిసినప్పుడల్లా దీన్ని అడిగి తీసుకుని జాగ్రత్త పరచండి. సాధారణంగా ఇన్సూరెన్స్ కంపెనీల నుంచి ఎక్కువ మొత్తానికి బీమా పాలసీ తీసుకునే సమయంలోనూ పే స్లిప్ అడుగుతాయి. అలాగే రుణం కోసం, క్రెడిట్ కార్డు కోసం దరఖాస్తు చేసుకున్నప్పుడు కూడా పే స్లిప్ అవసరం ఏర్పడుతుంది.


More Articles
Advertisement
Telugu News
Aussies former cricketers questions Indian wicket keeper Pant aggression
భారత వికెట్ కీపర్ పంత్ పై ఆసీస్ మాజీ క్రికెటర్ల ఆగ్రహం
19 minutes ago
Advertisement 36
Atchannaidu fires on AP DGP Gautam Sawang
నిన్న లేని రాజకీయ కుట్ర ఇవాళ ఎలా వచ్చింది సార్?: సవాంగ్ పై అచ్చెన్నాయుడు వ్యాఖ్యలు
52 minutes ago
Jagan to observe Corona vaccination in Vijayawada
కరోనా వ్యాక్సిన్ ప్రక్రియను పరిశీలించనున్న జగన్
59 minutes ago
Pawan Kalyan Kanuma celebrations at his farm house
గోమాతలతో పవన్ కల్యాణ్ కనుమ వేడుకలు... ఫొటోలు ఇవిగో!
1 hour ago
Satabdi Roy to meet Amit Shah tommorrow
మమతా బెనర్జీకి షాక్ ఇవ్వబోతున్న శతాబ్ది రాయ్?
1 hour ago
Rahul Gandhi says he feels proud of farmers protests against national agriculture laws
వ్యవసాయ చట్టాలకు వ్యతిరేకంగా రైతులు సాగిస్తున్న పోరాటం పట్ల గర్విస్తున్నా: రాహుల్ గాంధీ
1 hour ago
Somu Veerraju to meet Mudragada Padmanabham tomorrow
బీజేపీ దూకుడు.. రేపు ముద్రగడను కలుస్తున్న సోము వీర్రాజు
1 hour ago
Telangana health minister Eatala Rajendar press meet on corona vaccination
వ్యాక్సిన్ తీసుకున్న తర్వాత నొప్పిగా ఉంటే పారాసిటమాల్ వేసుకోండి: ఈటల
1 hour ago
Chicken and Mutton caught in Srisailam
శ్రీశైలంలో దారుణం.. పెద్ద మొత్తంలో పట్టుబడ్డ చికెన్, మటన్!
2 hours ago
Sai Manjrekar in Allu Arjuns movie
అల్లు అర్జున్ సరసన బాలీవుడ్ నాయిక
2 hours ago
Racist comments on Mohammed Siraj in Brisbane test
సిరాజ్ పై మరోసారి జాత్యహంకార వ్యాఖ్యలు.. వీడియో ఇదిగో!
2 hours ago
Discussions between farmers and Union government fails again
కేంద్రం వర్సెస్ రైతులు... 9వ పర్యాయం కూడా చర్చలు విఫలమే!
2 hours ago
DGP Gautam Sawang press meet over attacks on temples
ఆలయాల్లో ఘటనల వెనుక ప్రభుత్వాన్ని అస్థిరపరిచే కుట్ర కోణం దాగి ఉంది: డీజీపీ గౌతమ్ సవాంగ్
2 hours ago
Who Are You Supporting Nitish Kumars Outburst Over Murder Case
ఎవరికి సపోర్ట్ చేస్తున్నావ్?: జర్నలిస్టుపై ఆగ్రహం వ్యక్తం చేసిన నితీశ్ కుమార్
2 hours ago
Ponnian Selvan planned as Web series
మణిరత్నం సినిమాకు పోటీగా వెబ్ సీరీస్!
2 hours ago
Rohit Sharma laughed at Rishab Pant after he pleaded for DRS
డీఆర్ఎస్ కోసం పట్టుబట్టిన పంత్ ను చూసి పగలబడి నవ్విన రోహిత్ శర్మ... వీడియో ఇదిగో!
3 hours ago
Vishnu Vardhan Reddy says idols dumped on ground
పెనుకొండ కోటలో దొరికిన హిందూ దేవతల విగ్రహాలను నిర్లక్ష్యంగా పడేశారు: విష్ణువర్ధన్ రెడ్డి
3 hours ago
AP SEC releases voter list
ఏపీలో ఓటర్ల జాబితా విడుదల.. తన పని తాను చేసుకుపోతున్న రాష్ట్ర ఎన్నికల సంఘం!
3 hours ago
Famous biker King Richard Srinivasan died in a road accident
37 దేశాలను చుట్టొచ్చిన బెంగళూరు బైకర్ దుర్మరణం.. ఒంటెను ఢీకొని మృతి
3 hours ago
Kala Venkatrao response on joining BJP
బీజేపీలో చేరబోతున్నారనే వార్తలపై కళా వెంకట్రావు స్పందన
3 hours ago