పీవీ శత జయంతి - తొమ్మిది గ్రంధాల ఆవిష్కరణ!

Related image

హైదరాబాద్: బహుముఖ ప్రజ్ఞాశాలి, మాజీ ప్రధానమంత్రి పీవీ నరసింహారావు దేశానికి అందించిన విశిష్ట సేవలను గొప్పగా తలుచుకునే విధంగా, చిరస్మరణీయంగా నిలిచే విధంగా పీవీ నరసింహారావు శత జయంతి ఉత్సవాలను గత ఏడాదికాలంగా తెలంగాణ ప్రభుత్వం ఘనంగా నిర్వహిస్తోంది. విద్యావేత్తగా, సాహితీవేత్తగా సాహితీరంగంలో విశేష కృషి చేసిన పీవీ నరసింహారావుకి నివాళిగా మహోన్నత మూర్తిమత్వం ఉన్న పీవీ వ్యక్తిత్వాన్ని, రాజనీతిని, పాలన దక్షతను, ఆర్థిక సంస్కరణలలో వారి కృషిని 360 డిగ్రీలలో ఆవిష్కరించడమే ప్రధాన లక్ష్యమని ప్రకటించిన ముఖ్యమంత్రి కల్వకుంట్ల చంద్రశేఖర్ రావు ఆదేశాలమేరకు ''పీవీ నరసింహారావు శత జయంతి ఉత్సవాల కమిటీ''ని ఏర్పాటు చేయడం జరిగింది. ఈ కమిటీకి చైర్మన్ గా సీనియర్ పార్లమెంట్ సభ్యుడు కె కేశవ రావుని నియమించారు.

పుస్తక ప్రచురణల కోసం ఉప కమిటీ:
పీవీ నరసింహారావు శత జయంతి ఉత్సవాల కోర్ కమిటీ, పుస్తక ప్రచురణల కోసం ప్రత్యేకంగా ఒక ఉప కమిటీని నిపుణులతో ఏర్పాటు చేయడం జరిగింది. ఈ ఉప కమిటీలో సీనియర్ జర్నలిస్ట్ డాక్టర్ కె రామచంద్రమూర్తి, ప్రభుత్వ సలహాదారు డాక్టర్ కేవీ రమణాచారి, ప్రభుత్వ సలహాదారు- సీనియర్ జర్నలిస్ట్ టంకశాల అశోక్, అధికార భాషా సంఘం అధ్యక్షుడు దేవులపల్లి ప్రభాకర్ రావు, పీవీ నరసింహారావు తనయుడు ప్రభాకర్ రావు, పీవీ నరసింహారావు తనయ -శాసన మండలి సభ్యురాలు సురభి వాణి దేవి, అంబేద్కర్ ఓపెన్ యూనివర్సిటీ వైస్ చాన్సలర్ ప్రొఫెసర్ సీతారామా రావు, భాషా సాంస్కృతిక శాఖ సంచాలకులు- పీవీ నరసింహారావు శతజయంతి వేడుకల ప్రత్యేక అధికారి మామిడి హరికృష్ణ సభ్యులుగా ఉన్నారు.

వీరి పర్యవేక్షణలో దాదాపు సంవత్సర కాలపు కృషితో ఈ పుస్తకాలు వెలుగు చూశాయి. ఇక ఈ గ్రంధాల ప్రచురణ బాధ్యతను తెలంగాణ ప్రభుత్వం, భాషా సాంస్కృతిక శాఖ, తెలంగాణ సాహిత్య అకాడమీలకు అప్పగించింది. అలా ఇప్పుడు మొత్తం 8 పుస్తకాలను ప్రచురించారు. వాటిలో పీవీ రాసినవి 4 పుస్తకాలు కాగా, మిగతావి ఆయన కృషిని, జీవితాన్ని విశ్లేషించే గ్రంథాలు కావడం విశేషం.

వాటి వివరాలు:
పీవీ నరసింహారావు రచనలు (ఇంగ్లీష్ లో)
1. Influence of India's Culture on the West and Other Speeches: పశ్చిమ దేశాలపై భారత సంస్కృతి ప్రభావంపై పీవీ నరసింహారావు ప్రసంగాల సంకలనం
2. The Granny & Other Stories: పీవీ నరసింహారావు రాసిన 8 అరుదైన కథల సంకలనం. ఇందులో ప్రసిద్ధ గొల్ల రామవ్వ కథ కూడా ఉంది.
3. The Meaning of Secularism and Other Essays: పీవీ నరసింహారావు వివిధ సందర్భాలలో రాసిన వ్యాసాల సంకలనం
4. Thus Spake PV-Interviews with P.V.Narasimha Rao:  పీవీ నరసింహారావుని వేర్వేరు మీడియా ప్రతినిధులు చేసిన ఇంటర్వ్యూల సంకలనం

పీవీపై ఇతర పుస్తకాలు (ఇంగ్లీష్ లో)
5. P.V. Narasimha Rao-Architect of Inida's Reforms: పీవీ నరసింహారావు చేసిన ఆర్థిక సంస్కరణలపై, ఆయన పాలనా రీతులపై దేశ, విదేశాలకు చెందిన అగ్ర నాయకులు రాసిన వ్యాసాల సంకలనం. ఈ కాఫీ టేబుల్ బుక్ కు ప్రముఖ జర్నలిస్టు సంజయ బారు సంపాదకుడిగా వ్యవహరించారు.
6. Legend in Lines: పీవీ నరసింహారావు స్ఫూర్తిగా దాదాపు 125కు పైగా అంతర్జాతీయ, జాతీయ, రాష్ట్ర కార్టూనిస్ట్ లు వేసిన క్యారికేఛర్ ల సంకలనం
7. Chanakya: పీవీ నరసింహారావు జీవిత చరిత్రపై వెలిజాల చంద్రశేఖర్ రాసిన పుస్తకం
పీవీపై తెలుగులో ప్రచురించిన పుస్తకాలు
8. నమస్తే పీవీ: పీవీ నరసింహారావు గురించి నమస్తే తెలంగాణ పత్రికలో ప్రచురించిన వ్యాసాల సంకలనం
9. కాలాతీతుడు: పీవీ నరసింహారావు జీవితం స్ఫూర్తితో 143 మంది కవుల కవితా సంకలనం

పై పుస్తకాలను జూన్ 28న పీవీ జ్ఞానభూమిలో జరిగే పీవీ నరసింహారావు శత జయంతి ఉత్సవాలలో భాగంగా తెలంగాణ రాష్ట్ర గవర్నర్ తమిళసై సౌందర రాజన్, ముఖ్యమంత్రి కల్వకుంట్ల చంద్రశేఖర్ రావు ఆవిష్కరణ చేయనున్నారు.

More Press Releases