ap7am logo

'ఓ బేబీ' మూవీ రివ్యూ

Fri, Jul 05, 2019, 04:25 PM
Movie Name: Oh! Baby
Release Date: 05-07-2019
Cast: Samantha, Lakshmi, Rajendra Prasad, Rao Ramesh,NagaShourya, Pragathi, Urvasi, Aishwarya
Director: Nandini Reddy
Producer: Suresh Babu, Sunitha
Music: Mickey J Mayor
Banner: Suresh Productions, Peoples Media

తన కుటుంబం కోసం అన్ని ఆనందాలను త్యాగం చేసిన వృద్ధురాలైన సావిత్రికి, గతంలో ఆమె కోల్పోయినవన్నీ తిరిగి పొందే అవకాశం అనుకోకుండా లభిస్తుంది. ఫలితంగా ఆమె జీవితంలో చోటుచేసుకునే ఆసక్తికరమైన పరిణామాలతో, ప్రేక్షకులను ఆకట్టుకునే కుటుంబ కథాచిత్రంగా ' ఓ బేబీ' కనిపిస్తుంది.

ఇతర భాషల్లో విజయాన్ని సాధించిన సినిమాలను తెలుగులోకి రీమేక్ చేయడమనేది చాలా కాలం నుంచి జరుగుతున్నదే. స్టార్ హీరోల సినిమాలను రీమేక్ చేయడం వలన పెద్దగా సమస్య ఉండదు. కానీ లేడీ ఓరియెంటెడ్ సినిమాలను రీమేక్ చేయడం మాత్రం సాహసమే అవుతుంది. అందునా ఒక కొరియన్ సినిమాకి రీమేక్ అనేది మరింత రిస్క్ తో కూడినది. అలాంటి సాహసానికి పూనుకున్న నందినీ రెడ్డి, 'మిస్ గ్రానీ' రీమేక్ గా ' ఓ బేబీ' సినిమాను తెరకెక్కించారు. తెలుగు తెరపై కొరియన్ కథను ఆమె ఎలా ఆవిష్కరించారో .. ఆ ప్రయత్నంలో ఎంతవరకూ సఫలీకృతమయ్యారో ఇప్పుడు చూద్దాం.

కథలోకి వెళితే .. సావిత్రి (లక్ష్మి)కి జీవితంలో అడుగడుగునా కష్టాలే ఎదురవుతూ వస్తాయి. చిన్నతనంలో పెళ్లి కావడం .. ఏడాది తిరగ్గానే ఒక బిడ్డకు తల్లికావడం .. ఆ వెంటనే భర్తను కోల్పోవడం .. అనారోగ్యంతో బాధపడుతోన్న కొడుకును కాపాడుకోవడం కోసం అనేక కష్టాలు పడడం జరుగుతుంది. 70  ఏళ్ల వయసులోను ఆమె కాలేజ్ క్యాంటీన్ ను నిర్వహిస్తూ ఉంటుంది. అంతా ఆమెను 'బేబీ' అనే పిలుస్తుంటారు. సావిత్రి కొడుకు నాని(రావు రమేశ్) అదే కాలేజ్ లో ప్రొఫెసర్ గా పనిచేస్తుంటాడు. ఆయన భార్య (మాధవి) ఇంటి పనులు చక్కబెడుతూ ఉంటుంది. నాని కూతురు (అనీషా)కాలేజ్ చదువు పూర్తిచేయగా, ఆయన కొడుకు రాకీ(తేజ) ఒక మ్యూజిక్ బ్యాండ్ ను నడుపుతుంటాడు. ఆ ఇంట్లోని వాళ్లందరినీ సావిత్రి కంటికి రెప్పలా చూసుకుంటూ ఉంటుంది.

అదే సమయంలో మాధవి అనారోగ్యానికి గురవుతుంది. తన టెన్షన్ కి సావిత్రి కారణమనీ, ఆమె ఇక తమతో ఉండటానికి వీల్లేదని మాధవి తేల్చిపారేస్తుంది. దాంతో ఓల్డ్ ఏజ్డ్ హోమ్ లో సావిత్రిని చేర్పించడానికి నాని సిద్ధమైపోతాడు. ఆ విషయాన్ని తన చిన్ననాటి స్నేహితుడైన చంటి(రాజేంద్ర ప్రసాద్)కి చెప్పి సావిత్రి బాధపడుతుంది. వృద్ధాప్యం కారణంగా తన కొడుకు నుంచి తనని దూరం చేస్తున్న దైవాన్ని నిందిస్తుంది. ఆ రాత్రే జరిగిన ఒక అనూహ్యమైన సంఘటనతో సావిత్రి 24 ఏళ్ల యువతిగా మారిపోతుంది. ఆ సంఘటన ఏమిటి? యువతిగా మారిన సావిత్రి జీవితం ఎలాంటి మలుపులు తిరుగుతుంది? అనేది కథాంశం.

కొరియన్ మూవీ 'మిస్ గ్రానీ'ని తెలుగు నేటివిటీకి తగినట్టుగా రూపొందించడంలో దర్శకురాలిగా నందినీ రెడ్డి సక్సెస్ అయ్యారనే చెప్పాలి. సావిత్రి యువతిగా మారే సన్నివేశంలో కొద్దిగా మార్పులు చేసి, ఇక్కడి ప్రేక్షకులను ఆమె మెప్పించారు. పాత్రలను తీర్చిదిద్దిన తీరు .. వాటిని సమర్థవంతంగా ముందుకు నడిపించిన తీరు బాగుంది. సావిత్రి ఫ్లాష్ బ్యాక్ ను ఆమె క్లుప్తంగా చెప్పిన తీరు నచ్చుతుంది. ఆరంభం నుంచి కామెడీని .. ఎమోషన్ ను కలిపి నడిపించిన విధానం ప్రశంసనీయంగా అనిపిస్తుంది. కథనం విషయంలో ఎక్కడా పట్టు సడలిపోకుండా ప్రేక్షకుల్లో ఆసక్తిని పెంచుతూ వచ్చారు. మాటలు .. పాటల విషయంలో ఆమె తీసుకున్న శ్రద్ధ కారణంగా దర్శకురాలిగా ఆమె పూర్తి మార్కులు కొట్టేశారు.

టైటిల్ కి తగినట్టుగా ఈ కథ అంతా కూడా సమంత చుట్టూనే తిరుగుతుంది.స్వాతిగా మారిపోయిన సావిత్రి పాత్రలో ఆమె చాలా బాగా నటించింది. నిజానికి ఇది చాలా కష్టతరమైన పాత్ర. స్వాతి ఒక సందర్భంలో చెప్పిన డైలాగ్ మాదిరిగా 'ఒక జన్మలో రెండు జీవితాలు'గా ఆమె పాత్ర కనిపిస్తుంది. పైకి యువతిగా కనిపిస్తూ .. లోపల సావిత్రి మనస్తత్వం కలిగిన పాత్ర ఇది. తాను సావిత్రిననే విషయం తెలియకుండా స్వాతిపడే అవస్థలే థియేటర్లో నవ్వులు పూయిస్తుంటాయి. రూపం వేరు .. బాడీ లాంగ్వేజ్, యాస వేరు ఈ వేరియేషన్ ను సమంత గొప్పగా చూపించగలిగింది. ఇటు మనవడైన రాకీతోను .. అటు తనని ఆరాధించే విక్రమ్ తోను రెస్టారెంట్ కి వెళ్లినప్పుడు స్వాతిగా సమంత ఇచ్చిన ఎక్స్ ప్రెషన్స్ కి హ్యాట్సాఫ్ చెప్పకుండా ఉండలేం. తనకి దేవుడిచ్చిన అవకాశాన్ని కూడా తన వాళ్ల కోసం త్యాగం చేసే క్లైమాక్స్ సీన్ లోను సమంత పండించిన ఎమోషన్ కళ్లను చమర్చుతుంది.

ఇక సీనియర్ హీరోయిన్ లక్ష్మి విషయానికొస్తే సావిత్రి పాత్రపై ఆమె తనదైన ముద్రవేశారు. ఏ కుటుంబం కోసం అన్ని ఆనందాలను వదులుకుందో, ఆ కుటుంబమే తనని ఆ ఇంట్లో నుంచి పంపించేయాలని నిర్ణయించుకున్నప్పుడు లక్ష్మి ఆవిష్కరించిన భావోద్వేగాలు మనసును భారం చేస్తాయి. అలాగే సావిత్రి కొడుకు నానీగా రావు రమేశ్ నటన కూడా మనసుకు హత్తుకుపోతుంది. అటు భార్యకి నచ్చజెప్పలేక .. ఇటు తల్లిని వృద్ధుల శరణాలయానికి పంపించలేక మానసిక సంఘర్షణకి లోనయ్యే సన్నివేశాల్లో ఆయన నటన ఆకట్టుకుంటుంది.

అటు సావిత్రి పాత్రతోను .. ఇటు స్వాతి పాత్రతోను కలిసి ట్రావెల్ చేసే చంటి పాత్రలో రాజేంద్రప్రసాద్ నటన కట్టిపడేస్తుంది. బేబీ ఏమైపోయిందో తెలియక .. స్వాతి రూపంలో వున్నది బేబీనే అని తెలియని సన్నివేశాల్లో ఆయన ఆద్యంతం నవ్వించాడు .. అక్కడక్కడా కన్నీళ్లు పెట్టించాడు. ఈ సినిమాలో జగపతిబాబు అతిథి పాత్రలో కనిపిస్తాడు. ఆయన పాత్ర ఏమిటనేది అలా సస్పెన్స్ లో ఉంచితేనే  బాగుంటుంది. ఇక ప్రగతి .. ఊర్వశి .. నాగశౌర్య .. సునయన .. తేజ తమ పాత్రలకి న్యాయం చేశారు.

మిక్కీ జె. మేయర్ సంగీతం ఈ సినిమాకి ప్రత్యేక ఆకర్షణగా నిలిచిందనే చెప్పాలి. ఫస్టాఫ్ లో వచ్చే 'ఓ బేబీ' అనే టైటిల్ సాంగ్ .. చాంగుభళా అనే సాంగ్, సెకండాఫ్ లో వచ్చే 'ఆకాశంలోన ఏకాకి మేఘం' సాంగ్ ఆకట్టుకునేలా వున్నాయి. కథకి ఊపునిస్తూ హుషారుగా ఈ బాణీలు సాగాయి. రిచర్డ్ ప్రసాద్ కెమెరా పనితనం బాగుంది. ప్రతి ఫ్రేమ్ ను చాలా అందంగా ఆయన తెరపై ఆవిష్కరించాడు. ఇక ఎడిటర్ గా జునైద్ సిద్ధిక్ కథను చాలా వేగంగా పరుగులు తీయించాడు. ఎక్కడా ప్రేక్షకుల దృష్టిని మళ్లించకుండా చేశాడు. లక్ష్మీ భూపాల్ సమకూర్చిన మనసుకు హత్తుకునే సంభాషణలు ఈ సినిమాను నిలబెట్టే అంశాల్లో ఒకటిగా కనిపిస్తాయి. కథ .. కథనం .. మాటలు .. పాటలు .. పాత్రల చిత్రీకరణ ఇలా అన్నీ కుదిరిన సినిమాగా 'ఓ బేబీ'ని గురించి చెప్పుకోవాలి. సురేశ్ ప్రొడక్షన్స్ .. పీపుల్స్ మీడియా ఫ్యాక్టరీ .. గురు ఫిల్మ్స్ వారు సంయుక్తంగా నిర్మించిన ఈ సినిమా, సమంతను అభినయం పరంగా మరో మెట్టు పైకెక్కిస్తుందనే చెప్పాలి.
Review By: Peddinti
X

Feedback Form

I agree to Terms of Service & Privacy Policy
'వరల్డ్ ఫేమస్ లవర్' మూవీ రివ్యూ
జీవితం పాఠాలు నేర్పుతుంది, ప్రేమ .. పరీక్షలు పెడుతుంది. గౌతమ్ అనే ఒక ప్రేమికుడికి  జీవితం ఎలాంటి పాఠాలు నేర్పింది? ప్రాణంగా ప్రేమించిన అమ్మాయి నుంచి అతనికి ఎటువంటి పరీక్షలు ఎదురయ్యాయి? వాటిని అతను ఎలా అధిగమించాడు? అనేదే ఈ సినిమా కథ. హీరోతో పాటు నలుగురు కథానాయికల పాత్రలకి ప్రాధాన్యతనిస్తూ ఈ కథ నడుస్తుంది. అక్కడక్కడా 'అర్జున్ రెడ్డి'ని గుర్తుచేస్తూ, నిదానమైన కథనంతో సాగే ఈ సినిమా, విజయ్ దేవరకొండ అభిమానులకు నచ్చొచ్చు.
'జాను' మూవీ రివ్యూ
అనుకోకుండా జరిగే కొన్ని సంఘటనలు భవిష్యత్తును నిర్ణయిస్తుంటాయి .. జీవితాన్ని మార్చేస్తుంటాయి. అలాంటి ఒక సంఘటన ఇద్దరి ప్రేమికులను దూరం చేస్తుంది. ఆ సంఘటన ఏమిటి? చాలా కాలం తరువాత కలుసుకున్న ఆ ఇద్దరూ ఆ జ్ఞాపకాలను ఎలా పంచుకున్నారు? అనేది కథ. అనుభూతి ప్రధానమైన ఈ కథ, ఆ పరిధిని దాటేసి సాగతీతగా అనిపిస్తుంది. ఈ తరహా కథలకు ప్రాణంగా నిలవాల్సిన పాటలు, ప్రేక్షకుల మనసులను పట్టుకోలేకపోయాయి .. ఆకట్టుకోలేకపోయాయి. తమిళ .. కన్నడ భాషా ప్రేక్షకుల ఆదరణ పొందిన ఈ కథ, తెలుగు రీమేక్ గా మాత్రం ఓ మాదిరిగా అనిపిస్తుందంతే. 
'అశ్వద్ధామ ' మూవీ రివ్యూ
ఒక వైపున కుటుంబ గౌరవాన్నీ .. మరో వైపున చెల్లెలి కాపురాన్ని కాపాడుకోవడానికి రంగంలోకి దిగిన కథానాయకుడే  'అశ్వద్ధామ'. నగరంలో ఆడపిల్లలు అదృశ్యం కావడానికి గల కారణాన్ని కనుక్కునే బాధ్యతను కూడా ఆయన తన భుజాలపైనే వేసుకుంటాడు. ఆ ప్రయత్నంలో ఆయన ఎలాంటి పరిస్థితులను ఎదుర్కోవలసి వస్తుంది ? వాటిని ఆయన ఎలా అధిగమించాడు? అనేది కథ. నాగశౌర్య తను స్వయంగా రాసిన కథ ఇది .. నిర్మాత కూడా ఆయనే. నిర్మాణ పరమైన విలువలు బాగానే ఉన్నప్పటికీ కథాపరంగా విషయాల్లో అనుభవలేమి కనిపిస్తుంది. యాక్షన్ ఎపిసోడ్స్ ను మాత్రమే పట్టుకుని వేళ్లాడిన నాగశౌర్య, మిగతా అంశాలను సరిగ్గా రాసుకోలేకపోయాడు .. ప్రేక్షకులను పూర్తిస్థాయిలో మెప్పించలేకపోయాడు.  
'డిస్కోరాజా' మూవీ రివ్యూ
డిస్కోరాజా చిన్న చిన్న దొంగతనాల నుంచి గ్యాంగ్ స్టర్ గా ఎదుగుతాడు. ఆ వృత్తిలో ఆయనకి బర్మా సేతు శత్రువుగా మారతాడు. ఇద్దరి మధ్య ఆధిపత్య పోరు జరుగుతూ ఉంటుంది. ఓ సారి లడఖ్ వెళ్లిన డిస్కోరాజా అక్కడ హత్య చేయబడతాడు. చాలా కాలంగా ఓ డాక్టర్ చేస్తున్న ప్రయోగం ఫలించి, డిస్కోరాజా బ్రతుకుతాడు. అయితే, గతాన్ని మరిచిపోయిన ఆయన ఏం చేస్తాడు? ఆ తరువాత చోటుచేసుకునే పరిణామాలు ఎలాంటివి? అనేదే కథ. ఫస్టాఫ్ సాగతీతగాను .. సెకండాఫ్ కాస్త గందరగోళంగాను సాగే ఈ సినిమా ఓ మాదిరిగా అనిపిస్తుందంతే!
'ఎంత మంచివాడవురా' మూవీ రివ్యూ
బాల్యంలోనే బాలు ఓ ప్రమాదంలో తన తల్లిదండ్రులను పోగొట్టుకుంటాడు. తనకి ఆశ్రయం కల్పించవలసి వస్తుందేమో అన్న ఉద్దేశంతో బంధువులంతా ముఖం చాటేయడం అతనికి బాధ కలిగిస్తుంది. తనలా అయినవారి ప్రేమకి దూరమైనవారికి ఆ లోటు తెలియకుండా ప్రేమను అందించాలనే ఆలోచనతో బాలు రంగంలోకి దిగుతాడు. పర్యవసానంగా అతను ఎలాంటి పరిస్థితులను ఎదుర్కోవలసి వస్తుందనేదే కథ. భవిష్యత్తు తరాలవారికి అందించవలసింది ఆస్తిపాస్తులు కాదు, బంధాలు .. అనుబంధాలు అనే సందేశంతో రూపొందిన ఈ సినిమా కేవలం ఫ్యామిలీ ఆడియన్స్ ను ఆకట్టుకోవచ్చు.
'అల వైకుంఠపురములో' మూవీ రివ్యూ
మధ్యతరగతి కుటుంబానికి చెందిన ఒక తండ్రి, తన కొడుకును శ్రీమంతుడిగా చూసుకోవాలనే స్వార్థంతో, పురిటిలోనే బిడ్డలను మారుస్తాడు. అలా మధ్యతరగతికి చెందిన ఆ బిడ్డ శ్రీమంతుల కుటుంబంలో పెరుగుతాడు. శ్రీమంతుల బిడ్డ మధ్యతరగతి ఇంట్లో ఇబ్బందులు పడుతూ ఎదుగుతాడు. ఈ నిజం ఎలా బయటపడుతుంది? ఎప్పుడు బయటపడుతుంది? అనే ఆసక్తికరమైన మలుపులతో ఈ కథ సాగుతుంది. లవ్ .. కామెడీ .. యాక్షన్ .. ఎమోషన్ పాళ్లతో సాగే ఈ సినిమా ప్రేక్షకులను ఆకట్టుకుంటుంది.
'సరిలేరు నీకెవ్వరు' మూవీ రివ్యూ
దేశ సరిహద్దుల్లో శత్రువుల దాడిని తిప్పికొట్టే మేజర్ అజయ్ కృష్ణ, ప్రొఫెసర్ భారతి కుటుంబానికి అండగా నిలబడవలసి వస్తుంది. అందుకోసం అతను కశ్మీర్ నుంచి కర్నూల్ వస్తాడు. భారతి కుటుంబాన్ని అంతం చేయడానికి ప్రయత్నిస్తున్న మినిస్టర్ నాగేంద్రకు ఎదురు తిరుగుతాడు. ప్రొఫెసర్ భారతికి .. మినిస్టర్ నాగేంద్రకి మధ్య వైరానికి గల కారణం ఏమిటి? భారతికి సపోర్ట్ గా నిలిచిన అజయ్ కృష్ణకి ఎలాంటి పరిస్థితులు ఎదురయ్యాయి? అజయ్ కృష్ణ ఎలా నాగేంద్ర ఆటకట్టించాడు? అనేది కథ. యాక్షన్ .. ఎమోషన్ .. కామెడీ సమపాళ్లలో కలిపి అల్లిన ఈ కథ అన్ని వర్గాల ప్రేక్షకులను ఆకట్టుకుంటుంది. 
'దర్బార్' మూవీ రివ్యూ
డ్రగ్స్ మాఫియా గుప్పెట్లో వున్న యువతను కాపాడటమే ధ్యేయంగా ముంబై పోలీస్ కమిషనర్ ఆదిత్య అరుణాచలం రంగంలోకి దిగుతాడు. ఆ ప్రయత్నంలో తన ఒక్కగానొక్క కూతురును కోల్పోతాడు. అందుకు కారణమైన మాఫియా లీడర్ ను ఆదిత్య అరుణాచలం ఎలా అంతం చేశాడు? అందుకోసం ఎలాంటి వ్యూహాలను ఛేదించాడు? అనేదే కథ. సాధారణమైన కథే అయినా మురుగదాస్ తనదైన స్టైల్లో చెప్పిన తీరు వలన, రజనీ లుక్ .. స్టైల్ కారణంగా ఈ సినిమా ఆయన అభిమానులను ఆకట్టుకుంటుంది. 
'తూటా' మూవీ రివ్యూ
'రఘు' చిన్నతనంలోనే ఆయన అన్నయ్య ఇల్లొదిలిపోతాడు. ఇంజనీరింగ్ చదువుతున్న రఘు .. సినిమాల్లో నటించే 'లేఖ' ప్రేమలో పడతాడు. కొన్ని కారణాల వలన రఘుకి దూరమైన ఆమె, కొంతకాలం తరువాత రఘుకి కాల్ చేస్తుంది. రఘు అన్నయ్యను గురించిన ఒక రహస్యం చెబుతుంది. అదేమిటి? లేఖతో పాటు అన్నయ్యను రక్షించుకోవడం కోసం రఘు ఏం చేస్తాడు? అనేవి మిగతా కథ. ఫస్టాఫ్ లో కథ అర్థం కావడానికి కొంత సమయం పడుతుంది. సెకండాఫ్ లో కొంత అర్థమైనప్పటికీ, ఆశించినస్థాయిలో లేని ముగింపు అసంతృప్తిని కలిగిస్తుంది.
'మత్తు వదలరా' మూవీ రివ్యూ
ఆర్థికపరమైన సమస్యలతో ముగ్గురు స్నేహితులు ఇరుకైన ఒక చిన్న గదిలో వుంటూ నానా కష్టాలు పడుతుంటారు. డెలివరీ బాయ్ గా పనిచేస్తున్న కథానాయకుడు ఒక ఐటమ్ ను అందజేయడానికి ఒక ఫ్లాట్ కి వెళతాడు. అక్కడ జరిగే అనూహ్యమైన సంఘటనతో కథ మలుపు తిరుగుతుంది. ఆ సంఘటన ఏమిటి? పర్యవసానంగా చోటుచేసుకునే పరిణామాలు ఎలాంటివి? అనేదే మిగతా కథ. ఫస్టాఫ్ లో కథ కాస్త నెమ్మదించినా, ఆ తరువాత ఆసక్తికరమైన మలుపులతో ఆకట్టుకుంటుంది.
'ఇద్దరి లోకం ఒకటే' మూవీ రివ్యూ
ప్రేమలో పడిన తరువాత కొన్ని సంఘటనలు అందమైన జ్ఞాపకాలుగా .. అనిర్వచనీయమైన అనుభూతులుగా మారతాయి. అయితే కొంతమంది విషయంలో చిన్ననాటి అందమైన జ్ఞాపకాలు .. అనుభూతులే ప్రేమగా మారతాయి. అలా రెండో కోవకి చెందిన ప్రేమకథగా ప్రేక్షకుల ముందుకు వచ్చిన చిత్రమే 'ఇద్దరి లోకం ఒకటే'. ఒక చిన్నపాయింట్ పట్టుకుని మొదటి నుంచి చివరివరకూ సాగదీసిన ఈ కథ, ప్రేక్షకుల సహనానికి మాత్రం పరీక్ష పెడుతుంది! 
'రూలర్' మూవీ రివ్యూ
ఉత్తరప్రదేశ్ ప్రాంతంలో స్థిరపడిన తెలుగు రైతులు .. అక్కడ వారికి ఎదురైన కష్టాలు .. ప్రాణాలను పణంగా పెట్టి వాళ్లను ఆదుకున్న కథానాయకుడి కథ ఇది. బాలకృష్ణ రెండు విభిన్నమైన పాత్రలను ధరించిన ఈ సినిమా, నిర్మాణం పరంగా భారీగా కనిపిస్తుందిగానీ, కథాకథనాలపరంగా బలహీనంగా అనిపిస్తుంది. అతకని సన్నివేశాలతో అసంతృప్తిని కలిగిస్తుంది.
'ప్రతిరోజూ పండగే' మూవీ రివ్యూ
కన్నతండ్రి ప్రాణాలకంటే ఉద్యోగాలే ఎక్కువనుకునే కొడుకులు ఒక వైపు .. చివరి క్షణాల్లో కొడుకులతో కలిసి ఉండటమే పండగ అనుకునే తండ్రి ఒక వైపు. ఆ కొడుకుల ఆలోచనా విధానాన్ని మార్చి .. ఆ తండ్రి ముచ్చట తీర్చే ఒక మనవడి కథే ఇది. బలమైన ఎమోషన్స్ తో తాతా మనవళ్ల చుట్టూ తిరుగుతూ, అందమైన ప్రేమను .. ఆహ్లాదకరమైన కామెడీని టచ్ చేస్తూ సాగే ఈ కథ ఆద్యంతం ఆకట్టుకుంటుంది.
'వెంకీమామ' మూవీ రివ్యూ
మేనల్లుడి ఆలనా పాలన చూసుకోవడం కోసం పెళ్లి చేసుకోవడం మానేసిన మేనమామ ఒక వైపు. ఆ మేనమామ కోసం తన ప్రేమను త్యాగం చేయడానికి సిద్ధపడిన మేనల్లుడు మరో వైపు. ఈ రెండు పాత్రలు ప్రధానంగా గ్రామీణ నేపథ్యంలో సాగిన ఈ కథ, ఫ్యామిలీ ఆడియన్స్ తో పాటు యూత్ ను .. మాస్ ఆడియన్స్ ను కూడా ఆకట్టుకుంటుంది.
'భాగ్యనగర వీధుల్లో గమ్మత్తు' మూవీ రివ్యూ
ఒక వైపున షార్ట్ ఫిల్మ్స్ లో నటించే ముగ్గురు స్నేహితులు .. మరో వైపున డ్రగ్స్ ను అక్రమంగా తరలించే మాఫియా ముఠా .. వాళ్ల రహస్యాలకి సంబంధించిన ఆధారాలతో తప్పించుకు తిరిగే యువతి .. ఆ ముఠాను పట్టుకోవడానికి ప్రయత్నించే పోలీసుల చుట్టూ తిరిగే కథ ఇది. కసరత్తు చేయని కథతో .. పై పై అల్లేసిన కథనంతో చుట్టేసిన ఈ సినిమా అలరించడం సంగతి అటుంచితే, గందరగోళానికి గురిచేయడంలోనే సక్సెస్ అయింది.
'మిస్ మ్యాచ్' మూవీ రివ్యూ
రెండు ప్రాంతాలు .. రెండు కుటుంబాలు .. వేరు వేరు స్వభావాలు .. అయినా ఒకటి కావాలని ఆరాటపడే రెండు మనసులు. పెళ్లి చేసుకోవాలనుకున్న ఆ జంటకి ఎలాంటి పరిస్థితులు ఎదురయ్యాయి? ఎలాంటి పరిణామాలను ఎదుర్కోవలసి వచ్చింది? అనేది కథ. ఆసక్తికరంగా అనిపించని కథాకథనాలతో ఆద్యంతం ఈ సినిమా నీరసంగా సాగుతుంది .. అనూహ్యమైన మలుపులనేవి లేకుండా అసహనానికి గురిచేస్తుంది. 
'90 ఎంఎల్' మూవీ రివ్యూ
మూడు పూటలా 90 ఎం.ఎల్ మందు తాగనిదే ఉండలేని ‘దేవదాసు’, మందు వాసన తమ గేటు బైట ఉండగానే పసిగట్టే ‘సువాసన’ను ప్రేమిస్తాడు. తన ఈ అలవాటును కప్పిపుచ్చుకుంటూ కథానాయికతో ప్రేమను కొనసాగిస్తాడు. అనుకోని పరిస్థితుల్లో దేవదాసు నిత్య తాగుబోతు అని తెలుసుకున్న కథానాయిక అతనికి దూరం అవుతుంది. ప్రియురాలికి నిజం చెప్పి ఆమె ప్రేమను ఎలా తిరిగి పొందగలిగాడు అనేది కథ. మాస్ ప్రేక్షకులను టార్గెట్ చేసుకున్న ఈ చిత్రం ఆ వర్గానికి నచ్చే అంశాలతో రూపొందింది.
'రాజావారు రాణిగారు' మూవీ రివ్యూ
రాణిపట్ల తన మనసులోని ప్రేమను బయటపెట్టలేక రాజా మౌనంగా ఆరాధిస్తూ ఉంటాడు. కాలేజ్ చదువు కోసం ఊరెళ్లిన రాణి తిరిగిరాగానే ఆమెను ప్రేమిస్తున్నట్టుగా చెప్పాలనుకుంటాడు. ఈ లోగా రాణి తండ్రి ఆమెను తన మేనల్లుడికిచ్చి పెళ్లి చేయాలనుకుంటాడు. అప్పుడు రాజా ఏం చేస్తాడు? పర్యవసానంగా ఏం జరుగుతుంది? అనేదే కథ. పస లేని కథ ..పట్టులేని కథనంతో ఈ పల్లెటూరి ప్రేమకథ ఆకట్టుకోలేకపోయింది.
'అర్జున్ సురవరం' మూవీ రివ్యూ
నకిలీ సర్టిఫికెట్లకి సంబంధించిన వ్యాపారం కోట్ల రూపాయల్లో కొనసాగుతూ ఉంటుంది. ఆ మాఫియా దెబ్బకి 'అర్జున్ సురవరం' అనే రిపోర్టర్ భవిష్యత్తు కూడా ప్రశ్నార్థకంగా మారుతుంది. దాంతో ఆ మాఫియాకి అడ్డుకట్టవేయడానికి అతను రంగంలోకి దిగుతాడు. పర్యవసానంగా అతనికి ఎదురయ్యే పరిస్థితులతో ఈ కథ సాగుతుంది. బలమైన కథాకథనాలతో .. ఆద్యంతం ఆసక్తికరమైన మలుపులతో సాగే ఈ సినిమా ఆకట్టుకుంటుంది.
'తోలుబొమ్మలాట' మూవీ రివ్యూ
జీవితానికి అందాన్నిచ్చేది .. జీవితానికో అర్థాన్నిచ్చేవి బంధాలు - అనుబంధాలేనని నమ్మే వ్యక్తి సోమరాజు. తన కుటుంబ సభ్యులంతా సఖ్యతగా ఉన్నారని భావించిన ఆయనకి, అందులో నిజంలేదనే విషయం తన మరణం తరువాత తెలుస్తుంది. ఆత్మగా వున్న ఆయన, వాళ్లలో మార్పు తీసుకురావడం కోసం ఏం చేశాడనేదే కథ. మూడు తరాలకి చెందిన కుటుంబ సభ్యులతో కలిసి సాగే ఈ కథ ఫరవాలేదనిపిస్తుంది.
'రాగల 24 గంటల్లో' మూవీ రివ్యూ
అనాథశరణాలయంలో పెరిగిన 'విద్య'ను, శ్రీమంతుడైన రాహుల్ ప్రేమించి పెళ్లి చేసుకుంటాడు. పెళ్లి జరిగిన కొంతకాలానికే అతను హత్యకి గురవుతాడు. ఆ హత్యకి కారకులు ఎవరు? ఎందుకు అతణ్ణి హత్య చేయవలసి వచ్చింది? అనేదే కథ. ఆద్యంతం అనూహ్యమైన మలుపులతో సాగే ఈ కథ, సస్పెన్స్ థ్రిల్లర్స్ ను ఇష్టపడేవారికి ఫరవాలేదనిపిస్తుంది. 
'జార్జి రెడ్డి' మూవీ రివ్యూ
ఉస్మానియా యూనివర్సిటీలో 'జార్జి రెడ్డి' చదువుకునేటప్పుడు వున్న సమస్యలు, వాటి పరిష్కారానికై విద్యార్థులను చైతన్యవంతులను చేస్తూ ఆయన పోరాట శంఖం పూరించిన తీరుతో ఈ కథ నడుస్తుంది. ఆ కాలంనాటి కాస్ట్యూమ్స్ విషయంలో కొంత ఇబ్బంది పడినట్టుగా అనిపించినా, సహజత్వానికి దగ్గరగా ఆవిష్కరించిన సన్నివేశాలతో ఈ సినిమా యూత్ ను ఆకట్టుకుంటుందనే చెప్పాలి.
'విజయ్ సేతుపతి' మూవీ రివ్యూ
పచ్చదనానికీ .. మంచితనానికి ప్రతీకగా కనిపించే పల్లెటూరు అది. ఆ ఊరు బాగు కోసం తపించే దేవరాజ్ కొడుకే విజయ్ సేతుపతి. రాజకీయనాయకుడైన చంటబ్బాయ్ .. పారిశ్రామికవేత్త అయిన సంజయ్ కలిసి ఆ ఊళ్లో 'కాపర్ ఫ్యాక్టరీ' పెట్టాలనుకుంటారు. ఆ నిర్ణయాన్ని వ్యతిరేకించిన కారణంగా తన తల్లిదండ్రులనీ, కాబోయే భార్యని విజయ్ సేతుపతి పోగొట్టుకుంటాడు. ఆ తరువాత ఆయన ఏం చేస్తాడు? అనేదే కథ. ఏ మాత్రం కొత్తదనం లేని ఈ కథ సహనానికి పరీక్ష పెడుతూ సాగుతుంది. 
'యాక్షన్' మూవీ రివ్యూ
ఒక ఉన్నతమైన కుటుంబం నుంచి వచ్చిన ఆర్మీ ఆఫీసర్ సుభాశ్, ఒకానొక సంఘటనలో తాను ప్రేమించే అమ్మాయినీ .. తనని ప్రేమించే అన్నయ్యను పోగొట్టుకుంటాడు. తమ కుటుంబ సభ్యుల కారణంగానే కాబోయే ప్రధాని కూడా చనిపోయాడనే నిందను భరించలేకపోతాడు. ఆ సంఘటన వెనక ఎవరున్నారో తెలుసుకుని చట్టానికి అప్పగించి, తన కుటుంబ పరువు ప్రతిష్ఠలను నిలబెట్టడం కోసం సుభాశ్ చేసే ప్రయత్నమే ఈ కథ. 
'తెనాలి రామకృష్ణ బీఏ బీఎల్' మూవీ రివ్యూ
రాజకీయంగా తన ఎదుగుదలకి వరలక్ష్మి అడ్డుగా మారుతుందనే ఉద్దేశంతో, సింహాద్రినాయుడు ఆమెను ఓ హత్య కేసులో ఇరికిస్తాడు. లాయర్ తెనాలి రామకృష్ణ తన తెలివితేటలతో, నిందితురాలైన వరలక్ష్మిని నిర్దోషిగా నిరూపిస్తాడు. ఆ తరువాత తెలిసిన నిజంతో బిత్తరపోతాడు. ఆ నిజం ఏమిటి? దాని పర్యవసానాలు ఎలాంటివి? అనే ఆసక్తికరమైన అంశాల చుట్టూ ఈ కథ తిరుగుతుంది. వినోదమే ప్రధానంగా రూపొందిన ఈ సినిమా ఫరవాలేదనిపిస్తుంది.
Caste politics in AP: Pawan Kalyan calls for introspection..
Caste politics in AP: Pawan Kalyan calls for introspection on Vundavalli comments
Actress Karate Kalyani files case on actress Sree Reddy..
Actress Karate Kalyani files case on actress Sree Reddy
Doctors suspect Kovid 19 for girl who came from China to V..
Doctors suspect Kovid 19 for girl who came from China to Vizag
Balakrishna Meets Governor Tamilisai Soundararajan..
Balakrishna Meets Governor Tamilisai Soundararajan
Chandrababu Praja Chaitanya Yatra Against YSRCP Govt In AP..
Chandrababu Praja Chaitanya Yatra Against YSRCP Govt In AP- Special Focus
9 PM Telugu News- 18th February 2020..
9 PM Telugu News- 18th February 2020
Jaya Sudha Meets CM Jagan to Invite Son's Marriage..
Jaya Sudha Meets CM Jagan to Invite Son's Marriage
Focus On TDP Leaders Comments Heats Up Politics In AP- Ins..
Focus On TDP Leaders Comments Heats Up Politics In AP- Inside
Purandeswari Comments on Jagan Govt over Financial Crisis..
Purandeswari Comments on Jagan Govt over Financial Crisis
Sharif, AP Council Chairman informs Governor of select com..
Sharif, AP Council Chairman informs Governor of select committee ruckus