ap7am logo

నానీస్ 'గ్యాంగ్ లీడర్' మూవీ రివ్యూ

Fri, Sep 13, 2019, 04:54 PM
Movie Name: Gang Leader
Release Date: 13-09-2019
Cast: Nani, Priyanka, Lakshmi, Sharanya, Karthikeya, Vennela Kishore, Priayadarshi, Baby Praanya
Director: Vikram K Kumar
Producer: Naveen Yerneni, Ravi, Mohan
Music: Anirudh
Banner: Mythri Movie Makers

ఒక వ్యక్తి కారణంగా ఐదుగురి జీవితాల్లో విషాదం చోటుచేసుకుంటుంది. ఆ ఐదుగురు కలిసి ఆ వ్యక్తిపై పగ తీర్చుకోవాలని నిర్ణయించుకుంటారు. ఈ విషయంలో వాళ్లంతా పెన్సిల్ పార్థసారథి అనే ఒక రైటర్ సాయాన్ని కోరతారు. వాళ్లకి ఆయన ఎలా సాయపడ్డాడనేదే కథ. అక్కడక్కడా కథ కాస్త నెమ్మదించినా, కామెడీని ఆసరా చేసుకుని మళ్లీ పుంజుకుంటూ నడుస్తుంది .. నాని అభిమానులతో పాటు ఫ్యామిలీ ఆడియన్స్ ని ఆకట్టుకోవచ్చు.

మొదటి నుంచి కూడా విక్రమ్ కుమార్ విభిన్నమైన కథలను ఎంచుకుంటూ, ఆ కథలను ఆసక్తికరంగా తెరపై ఆవిష్కరిస్తూ వస్తున్నాడు. జయాపజయాల సంగతి అటుంచితే విక్రమ్ కుమార్ కథను అల్లుకునే తీరుకి .. కథనాన్ని నడిపించే విధానానికి ఎప్పుడూ ప్రశంసలు దక్కుతూనే వున్నాయి. తాజాగా ఆయన తెరకెక్కించిన నానీస్ 'గ్యాంగ్ లీడర్' ఈ రోజున ప్రేక్షకుల ముందుకు వచ్చింది. ఈ సినిమాతో రివేంజ్ డ్రామాను కామెడీతో కలిపి నడిపించే సాహసం చేశారాయన. ఆయన ప్రయత్నం ఎంతవరకూ ఫలించిందో ఇప్పుడు చూద్దాం.

నాని (పెన్సిల్ పార్థసారథి) ఓ అనాథ. 'పెన్సిల్' అనేది అతని కలం పేరు. రివేంజ్ కి సంబంధించిన సినిమాలు చూస్తూ, ఆ కథలను కాపీ కొట్టేసి నవలలు రాస్తుంటాడు. చిన్నప్పటి నుంచి 'పెన్సిల్' తో వున్న స్నేహం కారణంగా ఆయన రాసిన కథలను రామకృష్ణ (ప్రియదర్శి) పబ్లిష్ చేస్తుంటాడు. ఒక రోజున 'పెన్సిల్' దగ్గరికి వృద్ధురాలైన సరస్వతి (లక్ష్మి) నడి వయస్కురాలైన వరలక్ష్మి (శరణ్య) యువతులైన ప్రియ (ప్రియాంక) స్వాతి (శ్రియా రెడ్డి) బేబీ చిన్నూ (ప్రాణ్య) వస్తారు. వేరు వేరు కుటుంబాల నుంచి వచ్చిన ఈ ఐదుగురు, తమ కుటుంబానికి అండగా నిలిచే వ్యక్తులను ఒక వ్యక్తి పొట్టనబెట్టుకున్నాడని చెబుతారు. ఆ వ్యక్తి ఎవరో తెలుసుకోవడంలోను .. పగ తీర్చుకోవడంలోను తమకి సహకరించమని కోరతారు. వాళ్లను అనాథలుగా చేసిన ఆ వ్యక్తి నెంబర్ వన్ రేసర్ దేవా (కార్తికేయ) అని తెలుసుకుని 'పెన్సిల్' షాక్ అవుతాడు. ఆ తరువాత ఆ గ్యాంగ్ కి లీడర్ గా ఆయన ఎలాంటి వ్యూహాలు పన్నుతాడు? ఎలాంటి పరిణామాలను ఎదుర్కొంటాడు? అనేది మిగతా కథ.

సాధారణంగా ప్రతీకారం తీర్చుకోవడమనే ఒక అంశాన్ని కామెడీతో కలిపి నడిపించడమనేది అంత తేలికైన విషయం కాదు. ఆ రెండింటిని ఒకే ఒరలో సెట్ చేయడానికి విక్రమ్ కుమార్ చేసిన సాహసంగా 'గ్యాంగ్ లీడర్' కనిపిస్తుంది. ఓ రాత్రివేళ బ్యాంకు నుంచి 300 కోట్ల రూపాయలను కొల్లగొట్టేసే ఫస్టు సీన్ తోనే విక్రమ్ కుమార్ కథలోకి తీసుకెళ్లిపోయాడు. ఒక రేంజ్ సీన్ తో కథకి రిబ్బన్ కట్ చేసిన ఆయన, చాలా తక్కువ సమయంలోనే ప్రధాన పాత్రలన్నింటినీ కలిపే విషయంలో మంచి మార్కులు కొట్టేశాడు. కథలో కామెడీని భాగం చేయడంలో ఆయన తన నైపుణ్యాన్ని కనబరిచాడు. ఫస్టాఫ్ లో టైట్ స్క్రీన్ ప్లే తో సాగిన కథ, సన్నివేశాల్లోని సాగతీత కారణంగా సెకండాఫ్ లో అక్కడక్కడా కాస్త సడలినట్టుగా అనిపిస్తుంది. మొత్తంగా చూస్తే, సున్నితమైన ప్రేమ .. మనసును భారం చేసే భావోద్వేగం .. సరదాగా సాగే కామెడీ .. అవసరమైన చోట యాక్షన్ ను సమపాళ్లలో సెట్ చేస్తూ ఈ కథను నడిపించడంలో విక్రమ్ కుమార్ చాలా వరకూ సక్సెస్ అయ్యాడనే చెప్పాలి.

'గ్యాంగ్ లీడర్' గా పెన్సిల్ పార్థసారథి పాత్రలో నాని మెప్పించాడు. లవ్ .. కామెడీ .. ఎమోషన్ .. యాక్షన్ సీన్స్ లో ఆయన తన మార్కు చూపించాడు. ఇక కథానాయిక ప్రియాంక కూడా గ్యాంగ్ లో ఒకరిగా కనిపించడం వలన ఆమె నటనకి గల అవకాశం తక్కువ .. ఉన్నంతలో బాగానే చేసింది. అందం - అమాయకత్వం కలగలిసిన ఆకర్షణీయమైన రూపంతో .. మనసును కట్టిపడేసే కళ్లతో కుర్రకారు మనసులను దోచేసే హీరోయిన్ గా ఆమెకి మంచి మార్కులు దక్కుతాయి. ఇక లక్ష్మీ .. శరణ్య ఇద్దరూ కూడా సీనియర్ ఆర్టిస్టులు కావడం వలన తమ పాత్రలను అవలీలగా చేసి పారేశారు. విలన్ గా కార్తికేయ నటన బాగుంది. తన ఆనందం కోసం .. ఆశయం కోసం ఎంతకైనా తెగించే దేవ్ పాత్రలో ఆయన నటన ఆకట్టుకుంటుంది. ఇక 'గే' పాత్రలో వెన్నెల కిషోర్ నవ్వులు పూయించాడు.

ఈ సినిమాకి సంగీతాన్ని .. రీ రికార్డింగ్ ను అనిరుధ్ అందించాడు. పాటలు మనసును పెద్దగా పట్టుకోవుగానీ, సందర్భానికి తగినట్టుగా అనిపిస్తూ అనుభూతిని అందిస్తాయి. ఇక రీ రికార్డింగ్ పట్ల తీసుకున్న శ్రద్ధ ఫస్టు సీన్ తోనే తెలిసిపోతుంది. ప్రతి సన్నివేశం రీ రికార్డింగును ప్రధాన బలంగా చేసుకుంటూ నడుస్తుంది. ఫొటోగ్రఫీ ఫరవాలేదు .. బ్యాంకు దోపిడీ చిత్రీకరణ బాగుంది. ఎడిటింగ్ విషయానికొస్తే, ప్రీ క్లైమాక్స్ లో లక్ష్మీ - నాని కాంబినేషన్లో వచ్చే సీన్ ను ట్రిమ్ చేస్తే బాగుండేది. ఒక వృద్ధురాలు 300 కోట్ల రూపాయలను శరణాలయానికి తీసుకెళ్లడం వంటి సీన్ కాస్త అతిశయోక్తిగా అనిపిస్తుందంతే. సంభాషణల్లోగానీ .. దృశ్యాలలో గానీ .. కామెడీలోగాని అసభ్యతకి చోటు లేకపోవడం వలన, ఫ్యామిలీ ఆడియన్స్ ను ఆకట్టుకునేదిగా ఈ సినిమా కనిపిస్తుంది.
Review By: Peddinti
X

Feedback Form

I agree to Terms of Service & Privacy Policy
'విజయ్ సేతుపతి' మూవీ రివ్యూ
పచ్చదనానికీ .. మంచితనానికి ప్రతీకగా కనిపించే పల్లెటూరు అది. ఆ ఊరు బాగు కోసం తపించే దేవరాజ్ కొడుకే విజయ్ సేతుపతి. రాజకీయనాయకుడైన చంటబ్బాయ్ .. పారిశ్రామికవేత్త అయిన సంజయ్ కలిసి ఆ ఊళ్లో 'కాపర్ ఫ్యాక్టరీ' పెట్టాలనుకుంటారు. ఆ నిర్ణయాన్ని వ్యతిరేకించిన కారణంగా తన తల్లిదండ్రులనీ, కాబోయే భార్యని విజయ్ సేతుపతి పోగొట్టుకుంటాడు. ఆ తరువాత ఆయన ఏం చేస్తాడు? అనేదే కథ. ఏ మాత్రం కొత్తదనం లేని ఈ కథ సహనానికి పరీక్ష పెడుతూ సాగుతుంది. 
'యాక్షన్' మూవీ రివ్యూ
ఒక ఉన్నతమైన కుటుంబం నుంచి వచ్చిన ఆర్మీ ఆఫీసర్ సుభాశ్, ఒకానొక సంఘటనలో తాను ప్రేమించే అమ్మాయినీ .. తనని ప్రేమించే అన్నయ్యను పోగొట్టుకుంటాడు. తమ కుటుంబ సభ్యుల కారణంగానే కాబోయే ప్రధాని కూడా చనిపోయాడనే నిందను భరించలేకపోతాడు. ఆ సంఘటన వెనక ఎవరున్నారో తెలుసుకుని చట్టానికి అప్పగించి, తన కుటుంబ పరువు ప్రతిష్ఠలను నిలబెట్టడం కోసం సుభాశ్ చేసే ప్రయత్నమే ఈ కథ. 
'తెనాలి రామకృష్ణ బీఏ బీఎల్' మూవీ రివ్యూ
రాజకీయంగా తన ఎదుగుదలకి వరలక్ష్మి అడ్డుగా మారుతుందనే ఉద్దేశంతో, సింహాద్రినాయుడు ఆమెను ఓ హత్య కేసులో ఇరికిస్తాడు. లాయర్ తెనాలి రామకృష్ణ తన తెలివితేటలతో, నిందితురాలైన వరలక్ష్మిని నిర్దోషిగా నిరూపిస్తాడు. ఆ తరువాత తెలిసిన నిజంతో బిత్తరపోతాడు. ఆ నిజం ఏమిటి? దాని పర్యవసానాలు ఎలాంటివి? అనే ఆసక్తికరమైన అంశాల చుట్టూ ఈ కథ తిరుగుతుంది. వినోదమే ప్రధానంగా రూపొందిన ఈ సినిమా ఫరవాలేదనిపిస్తుంది.
'తిప్పరా మీసం' మూవీ రివ్యూ
చిన్నతనంలోనే చెడు బాట పట్టిన కొడుకు .. అతనితో పాటే పెరుగుతూ వచ్చిన వ్యసనాలు. అతను మంచి మార్గంలోకి అడుగుపెట్టే రోజు కోసం ఎదురుచూసే తల్లి. ఆమె ప్రేమకి ద్వేషాన్ని ఫలితంగా ముట్టజెప్పే కొడుకు. ఇలా తల్లీకొడుకుల మధ్య నడిచే కథ ఇది. ప్రధానమైన కథకు వినోదపరమైన మిగతా అంశాలను జోడించకపోవడం వలన, ఈ సినిమా ఇటు యూత్ ను .. అటు ఫ్యామిలీ ఆడియన్స్ ను ఆకట్టుకోలేకపోయిందని చెప్పొచ్చు.
'ఏడు చేపల కథ' మూవీ రివ్యూ
ఒక వైపున ఆత్మల ఆవాహన .. మరో వైపున అరుదైన వ్యాధితో బాధపడే హీరో బృందం .. ఇంకో వైపున తనకి తెలియకుండానే తాను ఎలా గర్భవతినయ్యాననే విషయం తెలుసుకోవడానికి ప్రయత్నించే హీరోయిన్. ఇలాంటి ముఖ్యమైన అంశాలను ముడివేసుకుంటూ వెళ్లిన కథే .. 'ఏడు చేపల కథ'. అడల్ట్ కంటెంట్ చిత్రాలను ఇష్టపడే ప్రేక్షకులకు కూడా ఈ సినిమా ఓ మాదిరిగా అనిపించడం కష్టమేనేమో.
'ఆవిరి' మూవీ రివ్యూ
రాజ్ దంపతులకు ఇద్దరు కుమార్తెలు. పెద్ద కూతురును పోగొట్టుకున్న ఆ దంపతులు, ఆ జ్ఞాపకాలకు దూరంగా వేరే ఇంటికి మారతారు. అక్కడికి వెళ్లిన దగ్గర నుంచి చిన్నకూతురి ప్రవర్తనలో మార్పు వస్తుంది. ఓ రాత్రివేళ హఠాత్తుగా ఆ అమ్మాయి అదృశ్యమవుతుంది. అందుకు కారకులు ఎవరు? అసలా ఇంట్లో ఏం జరుగుతోంది? అనే మలుపులతో 'ఆవిరి' సినిమా సాగుతుంది. ఆసక్తికరమైన కథనం కారణంగా ఈ ఫ్యామిలీ థ్రిల్లర్ ఈ తరహా కథలను ఇష్టపడే ప్రేక్షకులకు నచ్చుతుంది.
'మీకు మాత్రమే చెప్తా' మూవీ రివ్యూ
తనకి కాబోయే భర్త నిజాయితీ పరుడై, ఎలాంటి వ్యసనాలు లేనివాడై వుండాలని కోరుకునే యువతి ఒక వైపు, తన గురించిన ఒక విషయం ఆమెకి తెలిస్తే తమ పెళ్లి ఆగిపోతుందనే ఉద్దేశంతో ఒక యువకుడు పడే పాట్లు మరో వైపు. కథ అంతా కూడా ఈ అంశం చుట్టూనే తిరుగుతుంది. అక్కడక్కడా మాత్రమే నవ్వించే ఈ సినిమా ఓ మాదిరిగా అనిపిస్తుందంతే.
'తుపాకి రాముడు' మూవీ రివ్యూ
పుట్టుకతోనే అనాథలా విసిరివేయబడిన రాముడు, ఆ ఊళ్లో వాళ్లంతా తమవాడు అనుకునేలా పెరుగుతాడు. పుస్తకాల షాపు నడుపుకునే అనితపై మనసు పారేసుకున్న రాముడికి ఒక చేదు నిజం తెలుస్తుంది. అదేమిటి? అప్పుడు రాముడు ఏం చేస్తాడు? అనేదే కథ. గ్రామీణ నేపథ్యంలో సాదాసీదాగా సాగిపోయే ఈ కథ, బిత్తిరి సత్తి నుంచి ఆశించే కామెడీని అందించలేకపోయింది. 
'ఖైదీ' మూవీ రివ్యూ
840 కోట్ల విలువ చేసే 900 కేజీల డ్రగ్స్ పోలీసుల చేతికి చిక్కుతుంది. ఆ డ్రగ్స్ ను తిరిగి చేజిక్కించుకోవడానికి మాఫియా గ్యాంగ్ రంగంలోకి దిగుతుంది. వాళ్ల ప్రయత్నాన్ని అడ్డుకునేందుకు పోలీసులు డిల్లీ అనే ఒక ఖైదీ సాయం కోరతారు. తన కూతురిని కలుసుకోవడం కోసం వాళ్లకి సహకరించడానికి అంగీకరించిన ఆ ఖైదీ, చివరికి తన కూతురిని కలుసుకున్నాడా లేదా అనేదే కథ. బలమైన కథ .. ఆసక్తికరమైన కథనంతో ఈ సినిమా మొదటి నుంచి చివరి వరకూ ప్రేక్షకులను కట్టిపడేస్తుంది. 
'విజిల్' మూవీ రివ్యూ
రౌడీగా చెలామణి అవుతున్న రాజప్ప, తన తనయుడు మైఖేల్ జాతీయస్థాయిలో ఫుట్ బాల్ ఆటగాడిగా కప్పు గెలుచుకురావాలని కలలు కంటాడు. అయితే కప్పు అందుకోవలసిన మైఖేల్, చివరి నిమిషంలో కత్తి పట్టుకోవలసి వస్తుంది. తండ్రి కోరిక నెరవేర్చడం కోసం కోచ్ గా మారిన ఆయనకి ఎలాంటి అవరోధాలు ఎదురవుతాయి? వాటిని ఆయన ఎలా అధిగమించాడు? అనేదే కథ. యాక్షన్ .. ఎమోషన్ పాళ్లు ఎక్కువై వినోదం పాళ్లు తగ్గిన ఈ సినిమా, గతంలో విజయ్ - అట్లీ కాంబినేషన్లో వచ్చిన 'తెరి' .. 'మెర్సల్' స్థాయిని అందుకోలేకపోయిందనే చెప్పాలి. 
'ఆపరేషన్ గోల్డ్ ఫిష్' మూవీ రివ్యూ
ఎంతోమంది కశ్మీర్ పండిట్లను పొట్టనబెట్టుకున్న పాకిస్థాన్ తీవ్రవాది ఘాజీబాబాను, జాతీయ భద్రతా దళానికి చెందిన అర్జున్ పండిట్ బంధిస్తాడు. ఉరిశిక్ష పడిన ఘాజీబాబాను విడిపించుకోవడానికి ఆయన ప్రధాన సహచరుడైన ఫారుక్ 'ఆపరేషన్ గోల్డ్ ఫిష్' ను ఆరంభించడంతోనే అసలు కథ మొదలవుతుంది. విస్తృతమైన పరిథి కలిగిన ఈ కథలో, దర్శకుడు యాక్షన్ సన్నివేశాలకు మాత్రమే ప్రాధాన్యతనిచ్చి మిగతా వాటిని వదిలేశాడు. ఫలితంగా ప్రేక్షకులకు అసహనం  కలుగుతుంది .. నిరాశే మిగులుతుంది. 
'రాజుగారి గది 3' మూవీ రివ్యూ
మనసుపడిన అమ్మాయిని మనువాడాలనుకున్న ఓ యువకుడు, అందుకు అడ్డుపడుతోన్న ఆత్మలపై చేసే పోరాటమే 'రాజుగారి గది 3'. హారర్ కామెడీ చిత్రాలను ఇష్టపడేవారిని ఈ సినిమా ఇటు నవ్వించలేకపోయింది .. అటు భయపెట్టలేకపోయింది. ఒక్క మాటలో చెప్పాలంటే అంచనాలను అందుకోలేకపోయింది. 
'RDX Love' మూవీ రివ్యూ
ఊరు కోసం .. ఊరు జనాల బాగు కోసం తన శీలాన్ని పణంగా పెట్టిన ఓ అందమైన యువతి కథ ఇది. ఆ ఊరు సమస్యని పరిష్కరించడం కోసం తన ప్రాణాలను సైతం త్యాగం చేయడానికి సిద్ధపడిన అలివేలు కథ ఇది. రొమాంటిక్ లవ్ స్టోరీగా కనిపించే ఈ లేడీ ఓరియెంటెడ్ మూవీలో, శృంగారం - ఆదర్శం అనే రెండు అతకని అంశాలను కలిపి చెప్పడానికి దర్శకుడు చేసిన ప్రయత్నం కొంతవరకు మాత్రమే ఫలించిందని చెప్పాలి. 
'ఎవ్వరికీ చెప్పొద్దు' మూవీ రివ్యూ
ప్రేమకి ఎప్పుడూ ప్రధానమైన అడ్డంకిగా మారేది కులమే. ప్రేమికులను ప్రధమంగా భయపెట్టేదీ కులమే. కులాన్ని ప్రాణంగా భావించే ఒక ఆడపిల్ల తండ్రి .. మరో కులానికి చెందిన యువకుడిని ప్రేమిస్తున్నానని తండ్రికి చెప్పడానికి భయపడే కూతురు .. ఆ అమ్మాయినే భార్యగా పొందడం కోసం తెగించే ఓ ప్రేమికుడు. ఈ ముగ్గురి చుట్టూ తిరిగే ప్రేమకథా చిత్రమే 'ఎవ్వరికీ చెప్పొద్దు'. కులం అనే పాయింట్ చుట్టూ అల్లుకున్న ఈ కథ సందేశాత్మకమే అయినా, దర్శకుడు దానిని పూర్తిస్థాయిలో ఆసక్తికరంగా ఆవిష్కరించలేకపోయాడు. 
'చాణక్య' మూవీ రివ్యూ
'రా' సంస్థలో గోపీచంద్ తో పాటు ఆయన నలుగురు స్నేహితులు ఒక టీమ్ గా పనిచేస్తూ ఉంటారు. ఒకానొక సందర్భంలో గోపీచంద్ మినహా ఆయన నలుగురు స్నేహితులను, పాకిస్థాన్ లోని భారత వ్యతిరేక శక్తి కిడ్నాప్ చేస్తుంది. దాంతో తన ప్రాణాలకి తెగించి మరీ వాళ్లను ఇండియా తీసుకురావడానికి హీరో 'కరాచీ' లో అడుగుపెడతాడు. అక్కడ ఏం జరుగుతుంది? ఎలాంటి పరిస్థితులను ఆయన ఎదుర్కోవలసి వస్తుందనేది ఈ కథ. అనూహ్యమైన మలుపులు .. ఆసక్తికరమైన సంఘటనలు ఎంతమాత్రం లేని ఈ సినిమా, ప్రేక్షకులను ఆకట్టుకోవడం కష్టమే!
'సైరా నరసింహా రెడ్డి' మూవీ రివ్యూ
భారతావని స్వేచ్ఛా స్వాతంత్ర్యాల కోసం ఉద్యమాన్ని ఊపిరిగా చేసుకున్న తొలి పోరాట యోధుడి కథ ఇది. ఉడుకు నెత్తురుతో ఉప్పెనలా ఆంగ్లేయులపై విరుచుకుపడిన ఉయ్యాలవాడ నరసింహారెడ్డి కథ ఇది. దేశమాత సంకెళ్లను తెంచడం కోసం తనని తాను సమిధగా సమర్పించుకున్న అమరవీరుని ఆదర్శ చరిత్రగా 'సైరా' ప్రేక్షకుల ముందుకు వచ్చింది. బలమైన కథాకథనాలకు భారీతనాన్ని జోడించి అందించిన ఈ చిత్రం, చిరంజీవి కెరియర్లో ప్రత్యేక స్థానాన్ని దక్కించుకుందనే చెప్పాలి.
'నిన్ను తలచి' మూవీ రివ్యూ
ప్రేమ అనేది ప్రతి నిమిషాన్ని అందమైన అనుభూతిగా మారుస్తుంది .. ఊహల ఊయలను ఉత్సాహంతో ఊపేస్తుంది. అలాంటి సున్నితమైన ప్రేమకథను సుదీర్ఘంగా చెప్పిన చిత్రమే 'నిన్నుతలచి'. నిజమైన ప్రేమను సొంతం చేసుకునేందుకు కథానాయిక అనుభవించిన మానసిక సంఘర్షణే ఈ సినిమా కథ. హృదయాన్ని తాకే సన్నివేశాలుగానీ .. మాటలుగాని .. పాటలుగాని లేని ఈ సినిమా యూత్ ను నిరాశ పరుస్తుంది.
'బందోబస్త్' మూవీ రివ్యూ
ఒక పారిశ్రామిక వేత్త దేశ రాజకీయాలను ప్రభావితం చేసే శక్తిమంతుడవుతాడు. తన వ్యాపార సామ్రాజ్యాన్ని విస్తరింప జేయడం కోసం ప్రకృతికి .. ప్రజలకు నష్టాన్ని కలిగించడానికి కూడా వెనుకాడడు. ఈ విషయంలో ఆయన ప్రధానిని సైతం ఎదిరించే స్థాయికి చేరుకుంటాడు. అప్పుడు ప్రధాని పర్సనల్ సెక్యూరిటీ ఆఫీసర్ గా ఉన్న రవికిశోర్ ఏం చేశాడనేదే కథ. వినోదానికి దూరంగా చాలా నీరసంగా నడిచే ఈ కథ, అక్కడక్కడ మాత్రమే ఆకట్టుకుంటుంది .. అదీ యాక్షన్ సినిమాల ప్రేమికులను మాత్రమే.
'గద్దలకొండ గణేశ్' మూవీ రివ్యూ
అసిస్టెంట్ డైరెక్టర్ గా వున్న 'అభి'కి ఒక దర్శకుడి కారణంగా అవమానం ఎదురవుతుంది. దాంతో మంచి కథ తయారు చేసుకుని ఏడాదిలోగా దర్శకుడిగా మారాలనుకుంటాడు. 'గద్దలకొండ గణేశ్' అనే ఒక గ్యాంగ్ స్టర్ ను సీక్రెట్ గా ఫాలో అవుతూ ఆయన కథను తెరకెక్కించాలనుకుంటాడు. ఆ క్రమంలో ఆ యువకుడికి ఎలాంటి పరిస్థితులు ఎదురయ్యాయనేదే కథ. పూర్తి వినోదభరితంగా రూపొందిన ఈ సినిమా మాస్ ఆడియన్స్ ను ఎక్కువగా ఆకట్టుకోవచ్చు.
'మార్షల్' మూవీ రివ్యూ
ఒక వైపున తను పిచ్చిగా అభిమానించే హీరో, మరో వైపున తను ప్రాణంగా ప్రేమించే అక్క. ఆ హీరో కారణంగా తన అక్కయ్య ప్రాణాలకి ముప్పు ఏర్పడినప్పుడు ఆ యువకుడు ఏం చేశాడనేదే కథ. సినిమా మొదలైన దగ్గర నుంచి అంబులెన్సుల సైరన్లతో .. స్ట్రెచర్ల పరుగులతో .. హాస్పిటల్స్ వాతావరణంలో సాగుతుంది. ఈ తరహా సన్నివేశాలను చూడటానికి చాలామంది ఇష్టపడరు. ప్రధాన పాత్రను తీర్చిదిద్దే విషయంలో ప్రేక్షకులకు ఏర్పడిన గందరగోళం చివరి వరకూ అలాగే ఉంటుంది. సందేశం ఉన్నప్పటికీ సహనానికి పరీక్ష పెడుతుంది.
నానీస్ 'గ్యాంగ్ లీడర్' మూవీ రివ్యూ
ఒక వ్యక్తి కారణంగా ఐదుగురి జీవితాల్లో విషాదం చోటుచేసుకుంటుంది. ఆ ఐదుగురు కలిసి ఆ వ్యక్తిపై పగ తీర్చుకోవాలని నిర్ణయించుకుంటారు. ఈ విషయంలో వాళ్లంతా పెన్సిల్ పార్థసారథి అనే ఒక రైటర్ సాయాన్ని కోరతారు. వాళ్లకి ఆయన ఎలా సాయపడ్డాడనేదే కథ. అక్కడక్కడా కథ కాస్త నెమ్మదించినా, కామెడీని ఆసరా చేసుకుని మళ్లీ పుంజుకుంటూ నడుస్తుంది .. నాని అభిమానులతో పాటు ఫ్యామిలీ ఆడియన్స్ ని ఆకట్టుకోవచ్చు.
'ఉండిపోరాదే' మూవీ రివ్యూ
కాలేజ్ లో చదువుతో పాటు సాగే ప్రేమకథ ఇది. కథలో మంచి సందేశం ఉన్నప్పటికీ దానిని ఆసక్తికరంగా ప్రేక్షకులకు చేరవేయడంలో దర్శకుడు విఫలమయ్యాడు. దాంతో సెకండాఫ్ లో మాత్రమే ఒక సినిమా చూస్తున్నామనే ఫీలింగ్ ప్రేక్షకులకు కలుగుతుంది. సక్సెస్ అయిన ప్రేమకథా చిత్రాలను పరిశీలిస్తే, మంత్రించే మాటలు .. అనుభూతినిచ్చే పాటలు .. అందమైన దృశ్యాలు ప్రధానమైన బలంగా నిలవడం కనిపిస్తుంది. ఈ అంశాలన్నీ ఈ ప్రేమకథలో లోపించాయి.
'జోడి' మూవీ రివ్యూ
ఒక వైపున జూదానికి బానిసైన తండ్రి .. మరో వైపున తను ప్రాణంగా ప్రేమించిన ప్రియురాలు. తన ప్రేమకి తన తండ్రి వ్యసనమే అడ్డంకిగా మారినప్పుడు ఆ యువకుడు ఏం చేశాడనేదే కథ. ఎమోషన్ ను జోడీగా చేసుకుని నడిచిన ఈ ప్రేమకథ ఓ మాదిరిగా అనిపిస్తుంది.
'సాహో' మూవీ రివ్యూ
కథ బలమైనదైనప్పుడు చేసే ఖర్చు ఆ కథకు మరింత బలాన్ని చేకూరుస్తుంది. కథ బలహీనమైనప్పుడు చేసే ఖర్చు అనవసరమనిపిస్తుంది. 'సాహో' విషయంలో ఈ రెండొవదే జరిగింది. బలహీనమైన కథ .. అయోమయానికి గురిచేసే కథనంతో సాగే ఈ సినిమా, ఖర్చు విషయంలో మాత్రమే 'సాహో' అనిపిస్తుంది.
'ఏదైనా జరగొచ్చు' మూవీ రివ్యూ
జీవితాన్ని విలాసవంతంగా గడపాలి .. అందుకోసం సులభంగా డబ్బు సంపాదించాలనే ఓ ముగ్గురు కుర్రాళ్లు, డబ్బు కోసం ఎంతకైనా తెగించే ఓ రౌడీతో శత్రుత్వం పెట్టుకుంటారు. ఆ రౌడీ ఆశ్రయంలో వున్న దెయ్యం ఆగ్రహానికి గురవుతారు. పర్యవసానంగా చోటుచేసుకునే పరిణామాలతో ఈ కథ సాగుతుంది. కథాకథనాల్లో బలం తక్కువ .. సన్నివేశాల పరంగా హడావిడి ఎక్కువ అనిపించే ఈ సినిమా, కొత్తదనాన్ని ఆశించి వెళ్లిన ప్రేక్షకులను నిరాశ పరుస్తుంది.
CM YS Jagan Meeting Governor Biswabhusan Grabs Attention..
CM YS Jagan Meeting Governor Biswabhusan Grabs Attention
Actress Nayanthara Birthday Celebration With Vignesh Shiva..
Actress Nayanthara Birthday Celebration With Vignesh Shivan - Photo Play
JC Diwakar Comments On Jagan's Victory..
JC Diwakar Comments On Jagan's Victory
Indian Bank Announces To Claim Ganta Srinivas Properties..
Indian Bank Announces To Claim Ganta Srinivas Properties
Twitterati give Ranveer Singh's Natraj pose a hilarious sp..
Twitterati give Ranveer Singh's Natraj pose a hilarious spin
Mother and wife blame YSRCP for the death of TDP follower,..
Mother and wife blame YSRCP for the death of TDP follower, father defies
YSRCP Raghu Rama Krishna Raju Speech On Telugu Language @ ..
YSRCP Raghu Rama Krishna Raju Speech On Telugu Language @ Parliament
Ram Charan's wife Upasana Kamineni share Moment with Bill ..
Ram Charan's wife Upasana Kamineni share Moment with Bill Gates
Good Newwz- Official Trailer- Akshay, Kareena, Kiara..
Good Newwz- Official Trailer- Akshay, Kareena, Kiara
Telugu Language Is Under Threat In AP: TDP MP Kesineni Nan..
Telugu Language Is Under Threat In AP: TDP MP Kesineni Nani In Lok Sabha