ap7am logo

'కౌసల్య కృష్ణమూర్తి' మూవీ రివ్యూ

Fri, Aug 23, 2019, 04:56 PM
Movie Name: kousalya krishnamurthy
Release Date: 23-08-2019
Cast: Aishwarya Rajesh, Rajendra Prasad, Shiva Karthikeyan, jhansi, Vennela Kishore, kathik Raju
Director: Bhimaneni Srinivasa Rao
Producer: Vallabha
Music: Dhibu Ninan Thomas
Banner: Creative Commercials

కష్టాలను ఎదురిస్తూ .. ప్రతికూల పరిస్థితులపై పోరాడినప్పుడే గమ్యం చేరువవుతుంది .. విజయం సొంతమవుతుంది. క్రీడా స్ఫూర్తిని కలిగిస్తూ అలాంటి సందేశంతో తాజాగా ప్రేక్షకుల ముందుకు వచ్చిన చిత్రమే 'కౌసల్య కృష్ణమూర్తి'. సందేశంపైనే ప్రధానంగా దృష్టిపెట్టడం వలన, వినోదపరమైన అంశాల పాళ్లు తగ్గిపోయి ఓ మాదిరిగా అనిపిస్తుందంతే.

జీవితంలో ఓ ఆశయం పెట్టుకున్నాక దానిని సాధించడానికి అనేక కష్టాలను ఎదుర్కోవలసి వస్తుంది. అడుగడుగునా ఎదురయ్యే ఎన్నో అవరోధాలను దాటుకుంటూ వెళ్లవలసి ఉంటుంది. ఆ ఆశయం క్రీడా రంగానికి సంబంధించినదైతే మరింత ఒత్తిడిని ఎదుర్కోవలసి వస్తుంది. క్రీడా రంగానికి సంబంధించిన కథా వస్తువుతో గతంలో చాలా సినిమాలే వచ్చాయి. కొంత గ్యాప్ తరువాత ఆ తరహాలో వచ్చిన 'కౌసల్య కృష్ణమూర్తి', ప్రేక్షకులను ఏ మేరకు మెప్పించిందో ఇప్పుడు చూద్దాం.

కృష్ణమూర్తి(రాజేంద్ర ప్రసాద్) మధ్యతరగతి రైతు కుటుంబానికి చెందిన వ్యక్తి. ఆయన భార్య సావిత్రి (ఝాన్సీ) ఒక వైపున కుటుంబ వ్యవహారాలు చక్కబెడుతూనే, మరో వైపున పొలం పనులు కూడా చూసుకుంటూ ఉంటుంది. ఈ ఇద్దరి కూతురైన కౌసల్య( ఐశ్వర్య రాజేశ్) చదువుకుంటూ ఉంటుంది. కృష్ణమూర్తికి వ్యవసాయమంటే ఇష్టం .. క్రికెట్ అంటే ప్రాణం. ఒకసారి ఇండియా ప్రపంచ కప్ ను సాధించలేకపోయినందుకు ఆయన ఏడ్చేస్తాడు. దాంతో తాను పెద్దయిన తరువాత ఇండియా తరఫున క్రికెట్ ఆడి .. గెలిపించి తండ్రి కళ్లలో సంతోషాన్ని చూడాలని కౌసల్య బలంగా నిర్ణయించుకుంటుంది. అందుకోసం ఆమె ఎలాంటి ప్రయత్నాలు చేసింది? ఆ క్రమంలో ఆమెకి ఎలాంటి పరిస్థితులు ఎదురయ్యాయి? అనే మలుపులు కథలో చోటుచేసుకుంటాయి.

దర్శకుడు భీమనేని శ్రీనివాసరావు తెలుగు నేటివిటీకి తగినట్టుగా రీమేక్ లను తెరకెక్కించడంలో సిద్ధహస్తుడు. రీమేక్ చిత్రాల ద్వారా ఆయన అందుకున్న విజయాలే ఎక్కువ. ఈ సారి ఆయన క్రితం ఏడాది తమిళంలో హిట్ కొట్టిన 'కనా' చిత్రాన్ని 'కౌసల్య కృష్ణమూర్తి' పేరుతో రీమేక్ చేశాడు. టైటిల్ కి తగినట్టుగానే 'కౌసల్య' అనే కూతురి పాత్ర చుట్టూ, కృష్ణమూర్తి అనే తండ్రి పాత్ర చుట్టూ ఈ కథ తిరుగుతుంది. ఒక అమ్మాయి క్రీడా రంగంలో ఎదగడానికి ఎన్ని అవాంతరాలను ఎదుర్కోవాలనే విషయాన్ని కూతురి పాత్ర ద్వారా, ప్రస్తుతం వున్న పరిస్థితుల్లో వ్యవసాయం చేయడం రైతులకి ఎంత కష్టంగా మారిందనేది తండ్రి పాత్ర ద్వారా ఆవిష్కరించడానికి దర్శకుడు ప్రయత్నించాడు. అయితే కథను సమస్యల చుట్టూ తిప్పుతూ, వినోదపరమైన మిగతా అంశాలను పట్టించుకోకపోవడం ప్రేక్షకులకు నిరాశను కలిగిస్తుంది.

క్రికెట్ ద్వారా ఇండియాకి ప్రపంచ కప్ ను సాధించిపెట్టాలి .. తన తండ్రి కళ్లలో ఆనందాన్ని చూడాలనే ఆశయంతో ముందుకుసాగే 'కౌసల్య' పాత్రలో ఐశ్వర్య రాజేశ్ కనిపిస్తుంది. తమిళ చిత్రం 'కనా'లో తను చేసిన పాత్రనే ఇందులోను చేసింది. అందువలన పాత్ర పరంగా ఈజీగా మెప్పించేసింది. మానసిక సంఘర్షణకి సంబంధించిన సీన్స్ లోను .. ఎమోషనల్ సీన్స్ లోను బాగా చేసింది. ఇక పంట చేతిక రాక నష్టపోయి, బ్యాంకు ఋణం చెల్లించలేని రైతు పాత్రలో రాజేంద్ర ప్రసాద్ నటన ఆకట్టుకుంటుంది. కూతురి కోసం ఏదైనా చేసే తండ్రిగా .. ప్రాణంగా చూసుకున్న పొలాన్ని కోల్పోయిన రైతుగా ఆయన నటన మనసును భారం చేస్తుంది. కాకపోతే ఆయన హెయిర్ స్టైల్ .. గెడ్డం .. మీసం విషయాల్లో శ్రద్ధ తీసుకోకపోవడమే అసంతృప్తిని కలిగిస్తుంది. ఇక ఎదిగిన కూతురుని క్రికెట్  ఆడటానికి పంపించడం  ఇష్టం లేని పల్లెటూరి తల్లి పాత్రలో ఝాన్సీ జీవించింది. అలాగే టాలెంట్ వున్న వాళ్లతో ఆడించాలిగానీ, వాళ్ల జీవితాలతో ఆడుకోవాలని చూడకూడదని నమ్మే కోచ్ పాత్రలో శివకార్తికేయన్ నటన మెప్పిస్తుంది. ఇక 'జబర్దస్త్' మహేశ్ .. కార్తీక్ రాజు .. సీవీఎల్ నరసింహారావు పాత్ర పరిథిలో నటించారు. బ్యాంక్ మేనేజర్ గా భీమనేని శ్రీనివాసరావు నటించడం విశేషం.

ధిబూ నినన్ థామస్ అందించిన సంగీతం ఫరవాలేదనిపిస్తుంది. 'ముద్దబంతి పువ్వు ఇలా పైట వేసైనా' పాట బాగుంది. బాణీ .. కొరియోగ్రఫీ .. ఫొటోగ్రఫీ బాగున్నాయి. ఇక తండ్రీ కూతుళ్ల ఎమోషన్స్ ను ఆవిష్కరించే పాట, క్రికెట్ విషయంలో ఐశ్వర్య రాజేశ్ కసరత్తు చేస్తోన్న సందర్భంలో వచ్చే పాటలు కూడా ఫరవాలేదనిపిస్తాయి. ఎడిటింగ్ విషయానికొస్తే, కౌసల్య బాల్యానికి సంబంధించిన ఎపిసోడ్ నిడివి ఎక్కువైనట్టుగా అనిపిస్తుంది. ఆ ఎపిసోడ్ ను ట్రిమ్ చేస్తే బాగుండేది. తండ్రి చనిపోతే కృష్ణమూర్తి ఆ విషయాన్ని పెద్దగా పట్టించుకోకుండా క్రికెట్ స్కోర్ తెలుసుకోవడానికి ఆరాటపడటమనే సీన్ కాస్త 'అతి'గా అనిపిస్తుంది. కృష్ణమూర్తికి క్రికెట్ అంటే ఎంత పిచ్చి అనేది చూపించడానికి మరో సీన్ ఏదైనా అల్లుకుని వుంటే బాగుండేది.

ఈ కథలో ప్రధాన పాత్రధారి అయిన కౌసల్యకు జోడీ లేకపోవడంతో డ్యూయెట్లకు అవకాశం లేకుండాపోయింది. కామెడీ ట్రాక్ లేకుండా పోవడం మరింత నిరాశను కలిగిస్తుంది. తెలియని ముఖాలే ఎక్కువగా కనిపించడం .. కథలో ఎలాంటి ట్విస్టులు లేకపోవడం అసహనాన్ని పెంచుతుంది. ఒక వైపున క్రీడా రంగంలో అమ్మాయిలకి ఎదురయ్యే పరిస్థితులు .. మరో వైపున వ్యవసాయంలో రైతులు పడే ఇబ్బందుల గురించిన సందేశం ఇవ్వాలనే దర్శకుడి ఉద్దేశం మంచిదే అయినప్పటికీ, ఆ సందేశానికి తగిన పాళ్లలో వినోదాన్ని జోడించకపోవడంతో ఈ సినిమా ఓ మాదిరిగా అనిపిస్తుందంతే.        

Review By: Peddinti
X

Feedback Form

I agree to Terms of Service & Privacy Policy
'శివన్' మూవీ రివ్యూ
శివన్ .. సునంద గాఢంగా ప్రేమించుకుంటారు .. పెళ్లి చేసుకోవాలని నిర్ణయించుకుంటారు. అయితే హఠాత్తుగా సునందపై శివన్ దాడి చేసి, ఆమెను హత్య చేస్తాడు. అందుకు కారణమేమిటి? ఆ తరువాత చోటుచేసుకునే పరిణామాలు ఎలాంటివి? అనేది కథ. రొమాన్స్  .. కామెడీ పాళ్లు ఏ మాత్రం లేని ఈ సినిమా, యాక్షన్ .. ఎమోషన్స్ ప్రధానంగా సాగుతుంది. బలహీనమైన కథాకథనాల కారణంగా ఈ సినిమా ఆకట్టుకోలేకపోయిందనే చెప్పొచ్చు. 
'ప్రేమ పిపాసి' మూవీ రివ్యూ
ఈ తరం అమ్మాయిల్లో చాలా మందిలో నిజమైన ప్రేమ లోపించిందని భావించిన ఓ యువకుడు, అసలైన ప్రేమకి అద్దం వంటి ఓ అమ్మాయి మనసు గెలుచుకోవాలనుకుంటాడు. అందుకోసం అతను ఏం చేస్తాడు? ఆ ప్రయత్నంలో అతను విజయాన్ని సాధిస్తాడా లేదా? అనేదే కథ. బలహీనమైన కథాకథనాలు .. బరువు తగ్గిన పాత్రలు .. ఆసక్తికరంగా లేని సన్నివేశాలతో ఈ సినిమా నిదానంగా .. నీరసంగా సాగుతుంది. 
'ఓ పిట్టకథ' మూవీ రివ్యూ
ప్రభు .. వెంకటలక్ష్మి ఎంతో గాఢంగా ప్రేమించుకుంటారు. ఆ విషయాన్ని వెంకటలక్ష్మి తండ్రికి చెప్పాలని ప్రభు అనుకుంటున్న సమయంలోనే, దగ్గరి బంధుత్వం చెప్పుకుని వెంకటలక్ష్మి ఇంట్లోకి క్రిష్ ఎంటరవుతాడు. వెంకటలక్ష్మి కోసం కథానాయకులు పోటీ పడుతుండగా, హఠాత్తుగా ఆమె అదృశ్యమవుతుంది. ఆమె హత్యకి సంబంధించిన వీడియో పోలీసుల చేతికి చిక్కుతుంది. ఆమె ప్రేమికులిద్దరిలో నేరస్థులు ఎవరు? అనే కోణంలో ఈ కథ సాగుతుంది. గ్రామీణ నేపథ్యంలో సాగే సస్పెన్స్ తో కూడిన ఈ ప్రేమకథ, ఓ మాదిరిగా అనిపిస్తుంది.
'పలాస 1978' మూవీ రివ్యూ
'పలాస'లో 1970 ప్రాంతంలో జరిగిన ఒక యథార్థ సంఘటనకి కొన్ని కల్పితాలను జోడించి ఆవిష్కరించిన కథ ఇది. జానపద కళను నమ్ముకుని బతికే ఐక్యత కలిగిన ఇద్దరు అన్నదమ్ములు ఒక వైపు, గ్రామంపై పెత్తనం కోసం పోరాడే సఖ్యతలేని మరో ఇద్దరు అన్నదమ్ములు ఇంకోవైపు. ప్రధానంగా ఈ నాలుగు పాత్రల చుట్టూనే సహజత్వానికి దగ్గరగా ఈ కథ తిరుగుతుంది. కుల వివక్ష కారణంగా అణచివేతకుగురై, పెత్తందారులపై తిరుగుబాటు చేసిన అన్నదమ్ముల కథగా సాగే ఈ సినిమా ఒక వర్గం ప్రేక్షకులకు నచ్చుతుంది.   
'రాహు' మూవీ రివ్యూ
అసిస్టెంట్ పోలీస్ కమిషనర్ భార్గవ్, గ్యాంగ్ స్టర్ గా అరాచకాలకు పాల్పడుతున్న నాగరాజును జైలుకు పంపిస్తాడు. భార్గవ్ ఒక్కగానొక్క కూతురు భానుని చంపుతానని నాగరాజు శపథం చేస్తాడు. ఒకానొక సందర్భంలో జైలు నుంచి తప్పించుకున్న నాగరాజు, ఒక రహస్య స్థావరంలో తలదాచుకుంటాడు. 'రాహు' దోషం కారణంగా ఆపదలో చిక్కుకున్న భాను, ఆ స్థావరంలోకి అడుగుపెడుతుంది. అక్కడ ఏం జరిగిందనేదే కథ. ఫస్టాఫ్ లో పేలవమైన సన్నివేశాలు, సెకండాఫ్ లో పసలేని ట్విస్టుల కారణంగా ఈ సినిమా ఆకట్టుకోలేకపోయింది. 
HIT మూవీ రివ్యూ
ప్రీతి అనే ఒక టీనేజ్ అమ్మాయి మర్డర్ మిస్టరీ చుట్టూ .. నేహా అనే ఒక యువతి మిస్సింగ్ చుట్టూ తిరిగే క్రైమ్ స్టోరీ ఇది. ప్రీతిని ఎవరు మర్డర్ చేశారు? నేహా ఎలా కనిపించకుండాపోయింది? ఈ రెండు నేరాల వెనక వున్నది ఎవరు? అనే మలుపులతో ఈ కథ ముందుకు వెళుతుంది. వినోదానికి ఎంతమాత్రం అవకాశం లేని ఈ కథ, క్రైమ్ స్టోరీస్ ను ఎక్కువగా  ఇష్టపడేవారికి నచ్చొచ్చు.
'భీష్మ'  మూవీ రివ్యూ
ఓ ఆర్గానిక్ సంస్థ చైర్మన్ రసాయనిక ఎరువుల వాడకం ఎంతప్రమాదమో చాటిచెబుతూ ఆర్గానిక్ ఉత్పత్తుల వాడకాన్ని పెంచే ప్రయత్నం చేస్తుంటాడు. తన స్వార్థం కోసం రసాయనిక ఎరువులనే ప్రోత్సహిస్తూ, ఆర్గానిక్ సంస్థను దెబ్బతీయడానికి రాఘవన్ రంగంలోకి దిగుతాడు. ఈ నేపథ్యంలో ఆర్గానిక్ సంస్థ చైర్మన్ తన సంస్థను కాపాడుకోవడం కోసం, డిగ్రీ కూడా పాస్ కాని 'భీష్మ'ను సీఈఓ గా నియమిస్తాడు. అందుకు గల కారణం ఏమిటి? వేల కోట్ల టర్నోవర్ కలిగిన సంస్థకి సీఈఓగా భీష్మ ఎలా నెగ్గుకొచ్చాడు? అనేదే కథ. వినోదానికి సందేశాన్ని జోడిస్తూ అల్లుకున్న ఈ కథ పూర్తిస్థాయిలో ప్రేక్షకులను ఆకట్టుకుంటుంది.
'వరల్డ్ ఫేమస్ లవర్' మూవీ రివ్యూ
జీవితం పాఠాలు నేర్పుతుంది, ప్రేమ .. పరీక్షలు పెడుతుంది. గౌతమ్ అనే ఒక ప్రేమికుడికి  జీవితం ఎలాంటి పాఠాలు నేర్పింది? ప్రాణంగా ప్రేమించిన అమ్మాయి నుంచి అతనికి ఎటువంటి పరీక్షలు ఎదురయ్యాయి? వాటిని అతను ఎలా అధిగమించాడు? అనేదే ఈ సినిమా కథ. హీరోతో పాటు నలుగురు కథానాయికల పాత్రలకి ప్రాధాన్యతనిస్తూ ఈ కథ నడుస్తుంది. అక్కడక్కడా 'అర్జున్ రెడ్డి'ని గుర్తుచేస్తూ, నిదానమైన కథనంతో సాగే ఈ సినిమా, విజయ్ దేవరకొండ అభిమానులకు నచ్చొచ్చు.
'జాను' మూవీ రివ్యూ
అనుకోకుండా జరిగే కొన్ని సంఘటనలు భవిష్యత్తును నిర్ణయిస్తుంటాయి .. జీవితాన్ని మార్చేస్తుంటాయి. అలాంటి ఒక సంఘటన ఇద్దరి ప్రేమికులను దూరం చేస్తుంది. ఆ సంఘటన ఏమిటి? చాలా కాలం తరువాత కలుసుకున్న ఆ ఇద్దరూ ఆ జ్ఞాపకాలను ఎలా పంచుకున్నారు? అనేది కథ. అనుభూతి ప్రధానమైన ఈ కథ, ఆ పరిధిని దాటేసి సాగతీతగా అనిపిస్తుంది. ఈ తరహా కథలకు ప్రాణంగా నిలవాల్సిన పాటలు, ప్రేక్షకుల మనసులను పట్టుకోలేకపోయాయి .. ఆకట్టుకోలేకపోయాయి. తమిళ .. కన్నడ భాషా ప్రేక్షకుల ఆదరణ పొందిన ఈ కథ, తెలుగు రీమేక్ గా మాత్రం ఓ మాదిరిగా అనిపిస్తుందంతే. 
'అశ్వద్ధామ ' మూవీ రివ్యూ
ఒక వైపున కుటుంబ గౌరవాన్నీ .. మరో వైపున చెల్లెలి కాపురాన్ని కాపాడుకోవడానికి రంగంలోకి దిగిన కథానాయకుడే  'అశ్వద్ధామ'. నగరంలో ఆడపిల్లలు అదృశ్యం కావడానికి గల కారణాన్ని కనుక్కునే బాధ్యతను కూడా ఆయన తన భుజాలపైనే వేసుకుంటాడు. ఆ ప్రయత్నంలో ఆయన ఎలాంటి పరిస్థితులను ఎదుర్కోవలసి వస్తుంది ? వాటిని ఆయన ఎలా అధిగమించాడు? అనేది కథ. నాగశౌర్య తను స్వయంగా రాసిన కథ ఇది .. నిర్మాత కూడా ఆయనే. నిర్మాణ పరమైన విలువలు బాగానే ఉన్నప్పటికీ కథాపరంగా విషయాల్లో అనుభవలేమి కనిపిస్తుంది. యాక్షన్ ఎపిసోడ్స్ ను మాత్రమే పట్టుకుని వేళ్లాడిన నాగశౌర్య, మిగతా అంశాలను సరిగ్గా రాసుకోలేకపోయాడు .. ప్రేక్షకులను పూర్తిస్థాయిలో మెప్పించలేకపోయాడు.  
'డిస్కోరాజా' మూవీ రివ్యూ
డిస్కోరాజా చిన్న చిన్న దొంగతనాల నుంచి గ్యాంగ్ స్టర్ గా ఎదుగుతాడు. ఆ వృత్తిలో ఆయనకి బర్మా సేతు శత్రువుగా మారతాడు. ఇద్దరి మధ్య ఆధిపత్య పోరు జరుగుతూ ఉంటుంది. ఓ సారి లడఖ్ వెళ్లిన డిస్కోరాజా అక్కడ హత్య చేయబడతాడు. చాలా కాలంగా ఓ డాక్టర్ చేస్తున్న ప్రయోగం ఫలించి, డిస్కోరాజా బ్రతుకుతాడు. అయితే, గతాన్ని మరిచిపోయిన ఆయన ఏం చేస్తాడు? ఆ తరువాత చోటుచేసుకునే పరిణామాలు ఎలాంటివి? అనేదే కథ. ఫస్టాఫ్ సాగతీతగాను .. సెకండాఫ్ కాస్త గందరగోళంగాను సాగే ఈ సినిమా ఓ మాదిరిగా అనిపిస్తుందంతే!
'ఎంత మంచివాడవురా' మూవీ రివ్యూ
బాల్యంలోనే బాలు ఓ ప్రమాదంలో తన తల్లిదండ్రులను పోగొట్టుకుంటాడు. తనకి ఆశ్రయం కల్పించవలసి వస్తుందేమో అన్న ఉద్దేశంతో బంధువులంతా ముఖం చాటేయడం అతనికి బాధ కలిగిస్తుంది. తనలా అయినవారి ప్రేమకి దూరమైనవారికి ఆ లోటు తెలియకుండా ప్రేమను అందించాలనే ఆలోచనతో బాలు రంగంలోకి దిగుతాడు. పర్యవసానంగా అతను ఎలాంటి పరిస్థితులను ఎదుర్కోవలసి వస్తుందనేదే కథ. భవిష్యత్తు తరాలవారికి అందించవలసింది ఆస్తిపాస్తులు కాదు, బంధాలు .. అనుబంధాలు అనే సందేశంతో రూపొందిన ఈ సినిమా కేవలం ఫ్యామిలీ ఆడియన్స్ ను ఆకట్టుకోవచ్చు.
'అల వైకుంఠపురములో' మూవీ రివ్యూ
మధ్యతరగతి కుటుంబానికి చెందిన ఒక తండ్రి, తన కొడుకును శ్రీమంతుడిగా చూసుకోవాలనే స్వార్థంతో, పురిటిలోనే బిడ్డలను మారుస్తాడు. అలా మధ్యతరగతికి చెందిన ఆ బిడ్డ శ్రీమంతుల కుటుంబంలో పెరుగుతాడు. శ్రీమంతుల బిడ్డ మధ్యతరగతి ఇంట్లో ఇబ్బందులు పడుతూ ఎదుగుతాడు. ఈ నిజం ఎలా బయటపడుతుంది? ఎప్పుడు బయటపడుతుంది? అనే ఆసక్తికరమైన మలుపులతో ఈ కథ సాగుతుంది. లవ్ .. కామెడీ .. యాక్షన్ .. ఎమోషన్ పాళ్లతో సాగే ఈ సినిమా ప్రేక్షకులను ఆకట్టుకుంటుంది.
'సరిలేరు నీకెవ్వరు' మూవీ రివ్యూ
దేశ సరిహద్దుల్లో శత్రువుల దాడిని తిప్పికొట్టే మేజర్ అజయ్ కృష్ణ, ప్రొఫెసర్ భారతి కుటుంబానికి అండగా నిలబడవలసి వస్తుంది. అందుకోసం అతను కశ్మీర్ నుంచి కర్నూల్ వస్తాడు. భారతి కుటుంబాన్ని అంతం చేయడానికి ప్రయత్నిస్తున్న మినిస్టర్ నాగేంద్రకు ఎదురు తిరుగుతాడు. ప్రొఫెసర్ భారతికి .. మినిస్టర్ నాగేంద్రకి మధ్య వైరానికి గల కారణం ఏమిటి? భారతికి సపోర్ట్ గా నిలిచిన అజయ్ కృష్ణకి ఎలాంటి పరిస్థితులు ఎదురయ్యాయి? అజయ్ కృష్ణ ఎలా నాగేంద్ర ఆటకట్టించాడు? అనేది కథ. యాక్షన్ .. ఎమోషన్ .. కామెడీ సమపాళ్లలో కలిపి అల్లిన ఈ కథ అన్ని వర్గాల ప్రేక్షకులను ఆకట్టుకుంటుంది. 
'దర్బార్' మూవీ రివ్యూ
డ్రగ్స్ మాఫియా గుప్పెట్లో వున్న యువతను కాపాడటమే ధ్యేయంగా ముంబై పోలీస్ కమిషనర్ ఆదిత్య అరుణాచలం రంగంలోకి దిగుతాడు. ఆ ప్రయత్నంలో తన ఒక్కగానొక్క కూతురును కోల్పోతాడు. అందుకు కారణమైన మాఫియా లీడర్ ను ఆదిత్య అరుణాచలం ఎలా అంతం చేశాడు? అందుకోసం ఎలాంటి వ్యూహాలను ఛేదించాడు? అనేదే కథ. సాధారణమైన కథే అయినా మురుగదాస్ తనదైన స్టైల్లో చెప్పిన తీరు వలన, రజనీ లుక్ .. స్టైల్ కారణంగా ఈ సినిమా ఆయన అభిమానులను ఆకట్టుకుంటుంది. 
'తూటా' మూవీ రివ్యూ
'రఘు' చిన్నతనంలోనే ఆయన అన్నయ్య ఇల్లొదిలిపోతాడు. ఇంజనీరింగ్ చదువుతున్న రఘు .. సినిమాల్లో నటించే 'లేఖ' ప్రేమలో పడతాడు. కొన్ని కారణాల వలన రఘుకి దూరమైన ఆమె, కొంతకాలం తరువాత రఘుకి కాల్ చేస్తుంది. రఘు అన్నయ్యను గురించిన ఒక రహస్యం చెబుతుంది. అదేమిటి? లేఖతో పాటు అన్నయ్యను రక్షించుకోవడం కోసం రఘు ఏం చేస్తాడు? అనేవి మిగతా కథ. ఫస్టాఫ్ లో కథ అర్థం కావడానికి కొంత సమయం పడుతుంది. సెకండాఫ్ లో కొంత అర్థమైనప్పటికీ, ఆశించినస్థాయిలో లేని ముగింపు అసంతృప్తిని కలిగిస్తుంది.
'మత్తు వదలరా' మూవీ రివ్యూ
ఆర్థికపరమైన సమస్యలతో ముగ్గురు స్నేహితులు ఇరుకైన ఒక చిన్న గదిలో వుంటూ నానా కష్టాలు పడుతుంటారు. డెలివరీ బాయ్ గా పనిచేస్తున్న కథానాయకుడు ఒక ఐటమ్ ను అందజేయడానికి ఒక ఫ్లాట్ కి వెళతాడు. అక్కడ జరిగే అనూహ్యమైన సంఘటనతో కథ మలుపు తిరుగుతుంది. ఆ సంఘటన ఏమిటి? పర్యవసానంగా చోటుచేసుకునే పరిణామాలు ఎలాంటివి? అనేదే మిగతా కథ. ఫస్టాఫ్ లో కథ కాస్త నెమ్మదించినా, ఆ తరువాత ఆసక్తికరమైన మలుపులతో ఆకట్టుకుంటుంది.
'ఇద్దరి లోకం ఒకటే' మూవీ రివ్యూ
ప్రేమలో పడిన తరువాత కొన్ని సంఘటనలు అందమైన జ్ఞాపకాలుగా .. అనిర్వచనీయమైన అనుభూతులుగా మారతాయి. అయితే కొంతమంది విషయంలో చిన్ననాటి అందమైన జ్ఞాపకాలు .. అనుభూతులే ప్రేమగా మారతాయి. అలా రెండో కోవకి చెందిన ప్రేమకథగా ప్రేక్షకుల ముందుకు వచ్చిన చిత్రమే 'ఇద్దరి లోకం ఒకటే'. ఒక చిన్నపాయింట్ పట్టుకుని మొదటి నుంచి చివరివరకూ సాగదీసిన ఈ కథ, ప్రేక్షకుల సహనానికి మాత్రం పరీక్ష పెడుతుంది! 
'రూలర్' మూవీ రివ్యూ
ఉత్తరప్రదేశ్ ప్రాంతంలో స్థిరపడిన తెలుగు రైతులు .. అక్కడ వారికి ఎదురైన కష్టాలు .. ప్రాణాలను పణంగా పెట్టి వాళ్లను ఆదుకున్న కథానాయకుడి కథ ఇది. బాలకృష్ణ రెండు విభిన్నమైన పాత్రలను ధరించిన ఈ సినిమా, నిర్మాణం పరంగా భారీగా కనిపిస్తుందిగానీ, కథాకథనాలపరంగా బలహీనంగా అనిపిస్తుంది. అతకని సన్నివేశాలతో అసంతృప్తిని కలిగిస్తుంది.
'ప్రతిరోజూ పండగే' మూవీ రివ్యూ
కన్నతండ్రి ప్రాణాలకంటే ఉద్యోగాలే ఎక్కువనుకునే కొడుకులు ఒక వైపు .. చివరి క్షణాల్లో కొడుకులతో కలిసి ఉండటమే పండగ అనుకునే తండ్రి ఒక వైపు. ఆ కొడుకుల ఆలోచనా విధానాన్ని మార్చి .. ఆ తండ్రి ముచ్చట తీర్చే ఒక మనవడి కథే ఇది. బలమైన ఎమోషన్స్ తో తాతా మనవళ్ల చుట్టూ తిరుగుతూ, అందమైన ప్రేమను .. ఆహ్లాదకరమైన కామెడీని టచ్ చేస్తూ సాగే ఈ కథ ఆద్యంతం ఆకట్టుకుంటుంది.
'వెంకీమామ' మూవీ రివ్యూ
మేనల్లుడి ఆలనా పాలన చూసుకోవడం కోసం పెళ్లి చేసుకోవడం మానేసిన మేనమామ ఒక వైపు. ఆ మేనమామ కోసం తన ప్రేమను త్యాగం చేయడానికి సిద్ధపడిన మేనల్లుడు మరో వైపు. ఈ రెండు పాత్రలు ప్రధానంగా గ్రామీణ నేపథ్యంలో సాగిన ఈ కథ, ఫ్యామిలీ ఆడియన్స్ తో పాటు యూత్ ను .. మాస్ ఆడియన్స్ ను కూడా ఆకట్టుకుంటుంది.
'భాగ్యనగర వీధుల్లో గమ్మత్తు' మూవీ రివ్యూ
ఒక వైపున షార్ట్ ఫిల్మ్స్ లో నటించే ముగ్గురు స్నేహితులు .. మరో వైపున డ్రగ్స్ ను అక్రమంగా తరలించే మాఫియా ముఠా .. వాళ్ల రహస్యాలకి సంబంధించిన ఆధారాలతో తప్పించుకు తిరిగే యువతి .. ఆ ముఠాను పట్టుకోవడానికి ప్రయత్నించే పోలీసుల చుట్టూ తిరిగే కథ ఇది. కసరత్తు చేయని కథతో .. పై పై అల్లేసిన కథనంతో చుట్టేసిన ఈ సినిమా అలరించడం సంగతి అటుంచితే, గందరగోళానికి గురిచేయడంలోనే సక్సెస్ అయింది.
'మిస్ మ్యాచ్' మూవీ రివ్యూ
రెండు ప్రాంతాలు .. రెండు కుటుంబాలు .. వేరు వేరు స్వభావాలు .. అయినా ఒకటి కావాలని ఆరాటపడే రెండు మనసులు. పెళ్లి చేసుకోవాలనుకున్న ఆ జంటకి ఎలాంటి పరిస్థితులు ఎదురయ్యాయి? ఎలాంటి పరిణామాలను ఎదుర్కోవలసి వచ్చింది? అనేది కథ. ఆసక్తికరంగా అనిపించని కథాకథనాలతో ఆద్యంతం ఈ సినిమా నీరసంగా సాగుతుంది .. అనూహ్యమైన మలుపులనేవి లేకుండా అసహనానికి గురిచేస్తుంది. 
'90 ఎంఎల్' మూవీ రివ్యూ
మూడు పూటలా 90 ఎం.ఎల్ మందు తాగనిదే ఉండలేని ‘దేవదాసు’, మందు వాసన తమ గేటు బైట ఉండగానే పసిగట్టే ‘సువాసన’ను ప్రేమిస్తాడు. తన ఈ అలవాటును కప్పిపుచ్చుకుంటూ కథానాయికతో ప్రేమను కొనసాగిస్తాడు. అనుకోని పరిస్థితుల్లో దేవదాసు నిత్య తాగుబోతు అని తెలుసుకున్న కథానాయిక అతనికి దూరం అవుతుంది. ప్రియురాలికి నిజం చెప్పి ఆమె ప్రేమను ఎలా తిరిగి పొందగలిగాడు అనేది కథ. మాస్ ప్రేక్షకులను టార్గెట్ చేసుకున్న ఈ చిత్రం ఆ వర్గానికి నచ్చే అంశాలతో రూపొందింది.
'రాజావారు రాణిగారు' మూవీ రివ్యూ
రాణిపట్ల తన మనసులోని ప్రేమను బయటపెట్టలేక రాజా మౌనంగా ఆరాధిస్తూ ఉంటాడు. కాలేజ్ చదువు కోసం ఊరెళ్లిన రాణి తిరిగిరాగానే ఆమెను ప్రేమిస్తున్నట్టుగా చెప్పాలనుకుంటాడు. ఈ లోగా రాణి తండ్రి ఆమెను తన మేనల్లుడికిచ్చి పెళ్లి చేయాలనుకుంటాడు. అప్పుడు రాజా ఏం చేస్తాడు? పర్యవసానంగా ఏం జరుగుతుంది? అనేదే కథ. పస లేని కథ ..పట్టులేని కథనంతో ఈ పల్లెటూరి ప్రేమకథ ఆకట్టుకోలేకపోయింది.
Priyadarshi shares about Chiranjeevi, Allu Arjun, Mahesh B..
Priyadarshi shares about Chiranjeevi, Allu Arjun, Mahesh Babu, Jr Ntr, Pawan Kalyan
Corona Update: 15 new positive cases reported in Andhra Pr..
Corona Update: 15 new positive cases reported in Andhra Pradesh, total reaches 363
Senior actor Narasing Yadav rushed to hospital!; in ICU!..
Senior actor Narasing Yadav rushed to hospital!; in ICU!
9 PM Telugu News: 9th April 2020..
9 PM Telugu News: 9th April 2020
Here is Yoga Asana that may help to prevent Coronavirus..
Here is Yoga Asana that may help to prevent Coronavirus
Music composer Anu Malik spreads joy during the lockdown w..
Music composer Anu Malik spreads joy during the lockdown with his latest track
Singer Sunitha sings Neeli Neeli Akasam song in Instagram ..
Singer Sunitha sings Neeli Neeli Akasam song in Instagram live
Singareni employee tested positive for Coronavirus, create..
Singareni employee tested positive for Coronavirus, creates ripples
Singer Sunitha about Pawan Kalyan daughter Aadhya- Renu De..
Singer Sunitha about Pawan Kalyan daughter Aadhya- Renu Desai
Namratha shares memorable moments with Mahesh, Sitara, Gau..
Namratha shares memorable moments with Mahesh, Sitara, Gautham