ap7am logo

'రణరంగం' మూవీ రివ్యూ

Thu, Aug 15, 2019, 04:14 PM
Movie Name: Ranarangam
Release Date: 15-08-2019
Cast: Sharwanand, Kajal, kalyani Priyadarshan, Murali Sharma, Brahmaji, Ajay,
Director: Sudheer Varma
Producer: Suryadevara Naga vamsi
Music: Prashanth Pillai
Banner: Sitara Entertainments

విశాఖలోని ఒక స్లమ్ ఏరియాలో అనాథగా పెరిగిన ఒక కుర్రాడు, తనని అభిమానించేవారికి అండగా నిలబడతాడు. తనపై ఆధారపడినవాళ్ల కోసం స్మగ్లింగులోకి దిగిన ఆ యువకుడు, ఆ దారిలో ఎదురైన అవినీతి నాయకులతో తలపడుతూ గ్యాంగ్ స్టర్ గా మారతాడు. ఫలితంగా ఆ యువకుడికి ఎదురయ్యే పరిణామాలతో సాగే కథ ఇది. యాక్షన్ మూవీస్ ను ఎక్కువగా ఇష్టపడే ప్రేక్షకులకు ఈ సినిమా నచ్చచ్చు.

మొదటి నుంచి కూడా శర్వానంద్ ఒకే ఇమేజ్ చట్రంలో పడిపోకుండా విభిన్నమైన కథాంశాలను ఎంచుకుంటూ వస్తున్నాడు. యూత్ తో పాటు ఫ్యామిలీ ఆడియన్స్ ను ఆకట్టుకుంటూ తనదైన ప్రత్యేకతను చాటుతున్నాడు. అలాంటి శర్వానంద్ ఈ సారి 'రణరంగం' అనే టైటిల్ తో ప్రేక్షకుల ముందుకు రావడమే ఆశ్చర్యం. వైవిధ్యం కోసం ఆయన ఈ కథను .. డిఫరెంట్ లుక్స్ తో కూడిన పాత్రను అంగీకరించి ఉంటాడు. కొత్తదనం కోసం ఆయన చేసిన ఈ ప్రయత్నం ప్రేక్షకులను ఎంతవరకూ మెప్పిస్తుందన్నది చూడాలి.
 
కథలోకి వెళితే .. విశాఖలోని ఒక స్లమ్ ఏరియాలో దేవా (శర్వానంద్) అనాథగా పెరుగుతాడు. స్నేహితులతో కలిసి ఒక ఇంట్లో ఉంటూ, వాళ్లతోనే కలిసి సినిమా థియేటర్ల దగ్గర బ్లాక్ టిక్కెట్లు అమ్ముతూ బతుకుతుంటాడు. ఆ ఏరియాలో ఎవరికి ఎలాంటి కష్టం వచ్చినా తీర్చడానికి దేవానే ముందుంటాడు. అలాంటి దేవా ఆ ఏరియాకి కొత్తగా వచ్చిన గీత (కల్యాణి ప్రియదర్శన్) ప్రేమలో పడతాడు. అదే సమయంలో మద్యాన్ని అక్రమంగా సరఫరా చేస్తూ, అదే వ్యాపారం చేస్తోన్న ఎమ్మెల్యే సింహాచలం (మురళీశర్మ)కి శత్రువుగా మారతాడు. అంతే కాకుండా రాజకీయంగానూ సింహాచలాన్ని దెబ్బకొట్టడానికి దేవా ప్రయత్నిస్తాడు. దాంతో దేవాను అంతం చేయడానికి సింహాచలం ప్లాన్ చేస్తాడు. పర్యవసానంగా చోటుచేసుకునే మలుపులతో కథ ముందుకు వెళుతుంది.

దర్శకుడు సుధీర్ వర్మ ఒక కథను అనుకుని దానిని అలా చెప్పుకుంటూ వెళ్లిపోయాడు. ప్రేక్షకుల్లో ఆసక్తిని పెంచడానికిగానీ, కథను అనూహ్యమైన మలుపులు తిప్పడానికిగాని ఆయన ప్రయత్నించలేదు. ఈ కథను ఆయన 1995లో మొదలుపెట్టి ప్రస్తుతానికి వస్తాడు. ఈ క్రమంలో గతం .. ప్రస్తుతం అంటూ ఆయన కొంతసేపు గతాన్నీ, ఆ తరువాత ప్రస్తుతాన్ని పదే పదే చూపించడం వలన సాధారణ ప్రేక్షకుడు అయోమయానికి లోనవుతాడు. స్క్రీన్ పై ప్రస్తుతం .. గతం అంటూ సీజీ వేసినా, అంతకుముందు సీన్ ఎక్కడ ఆగిపోయిందన్నది సాధారణ ప్రేక్షకుడికి గుర్తుండదు. ఈ స్క్రీన్ ప్లే సాధారణ ప్రేక్షకుడికి కాస్తంత గందరగోళాన్నే కలిగిస్తుంది.

ఇటు కల్యాణి పాత్రనుగానీ, అటు కాజల్ పాత్రను గాని దర్శకుడు సరిగ్గా ఉపయోగించుకోలేదు. ఇక ఇద్దరు హీరోయిన్లకు ఒకే పేరు (గీత) పెట్టవలసిన అవసరం ఏంటనేది అర్థం కాదు. ఇక రాత్రివేళలో అటవీ మార్గంలో మద్యాన్ని అక్రమంగా తరలిస్తుండగా జరిగే ఛేజ్ సీన్ ను, స్పెయిన్ లోని ఒక లిఫ్ట్ లో దేవాపై కిరాయి హంతకులు ఎటాక్ చేసే సీన్ ను మాత్రం చాలా బాగా చిత్రీకరించాడు. స్పెయిన్ లో ఆయన ఎంచుకున్న లొకేషన్స్ కూడా బ్యూటిఫుల్ గా వున్నాయి.

నటీనటుల విషయానికే వస్తే, దేవా పాత్రలో శర్వానంద్ యాక్షన్ ను .. ఎమోషన్ ను బాగా పండించాడు. స్లమ్ ఏరియా కుర్రాడిగాను, స్పెయిన్ లో స్థిరపడిన మధ్య వయస్కుడిగాను ఆయన నటనకి మంచి మార్కులు పడతాయి. స్లమ్ ఏరియా కుర్రాడిగా 1995 నాటి హెయిర్ స్టైల్ ఆయనకి కుదరలేదుగానీ, స్పెయిన్ కి సంబంధించిన ఎపిసోడ్స్ లో మాత్రం ఆయన మరింత హ్యాండ్సమ్ గా కనిపించాడు. ఇక గీత పాత్రలో కల్యాణి ప్రియదర్శన్ పెద్దగా ఆకట్టుకోలేకపోయింది. తెలుగు ప్రేక్షకులు ఆశించే గ్లామర్ ఆమెలో కనబడలేదు. కాజల్ ను మరో హీరోయిన్ అనుకోలేము .. ఒక ఫ్రెండ్ గా మాత్రమే చివరివరకూ కనిపిస్తుంది. ఇక ఆ తరువాత చెప్పుకోవలసింది ప్రతినాయకుడిగా చేసిన మురళీశర్మ గురించే. ఎమ్మెల్యే సింహాచలం పాత్రలో ఆయన నటన కొత్తగా అనిపిస్తుంది. ఇక ముఖ్యమైన పాత్రల్లో బ్రహ్మాజీ .. అజయ్ వంటివాళ్లు కనిపించిపోతుంటారు.

ఈ సినిమాకి సంగీతాన్ని .. రీ రికార్డింగును ప్రశాంత్ పిళ్లై అందించాడు. పాటల పరంగా చూసుకుంటే, గుర్తుండిపోయే పాటలేమీ లేవు. రీ రికార్డింగ్ మాత్రం బాగుంది. ప్రతి సన్నివేశంలోకి ప్రేక్షకుడిని తీసుకెళ్లి ఆ సన్నివేశంతో పాటు  ప్రేక్షకుడు ప్రయాణించేలా చేసింది. కథా పరంగా ప్రస్తుతంలో నుంచి గతంలోకి .. గతంలో నుంచి ప్రస్తుతంలోకి వచ్చేటప్పుడు ఎడిటింగ్ పరంగా కూడా మరింత శ్రద్ధ తీసుకుంటే బాగుండేది. ఇక ఈ సినిమా పరంగా ఎక్కువ మార్కులు దక్కేది ఎవరికయ్యా అంటే సినిమాటోగ్రఫర్ దివాకర్ మణికే. స్పెయిన్ లోని అద్భుతమైన లొకేషన్స్ ను తెరపై ఆయన ఆవిష్కరించిన తీరు ఆశ్చర్యచకితులను చేస్తుంది.'నిన్ను పెంచారు .. నేను పెరిగాను' .. 'దేవుణ్ణి నమ్మాలంటే భక్తి కావాలి .. మనిషిని నమ్మాలంటే ధైర్యం కావాలి' .. 'ఈ ప్రపంచంలో డబ్బుతో కొనలేనిది డబ్బొక్కటే .. అందుకే దానికంత విలువ' వంటి సంభాషణలు బాగున్నాయి. 'మామా ప్రేమరా .. పెద్ద బాలశిక్షరా' పాటకి కొరియోగ్రఫీ మాస్ ను ఆకట్టుకునేలా వుంది.
     
సాధారణంగా శర్వానంద్ సినిమాలంటే ఇటు యూత్ .. అటు ఫ్యామిలీ ఆడియన్స్ ఆసక్తిని కనబరుస్తారు. కానీ ఈ రెండు వర్గాల ప్రేక్షకులకు దూరంగా ఈ కథను అల్లుకోవడం దర్శకుడు చేసిన పొరపాటుగా కనిపిస్తుంది. మద్యం అక్రమ రవాణా .. కాల్పులు .. కత్తులతో దాడులతో ఈ సినిమా యాక్షన్ మూవీస్ ను ఇష్టపడేవారికి పరిమితమైపోయింది. కథలో కొత్తదనం లేకపోవడం .. కథనం ఆసక్తికరంగా సాగకపోవడం .. పాటల్లో పస లేకపోవడం నిరాశను కలిగించే అంశాలు. మురళీశర్మ నటనలో ప్రత్యేకతలే ఆయన బాడీ లాంగ్వేజ్ .. డైలాగ్ డెలివరీ. అవే మార్చేయడం అసంతృప్తిని కలిగించే విషయం. హోటల్లో మెనూ కార్డు చూసేంత కూడా చదువుకోని ఒక స్లమ్ ఏరియా యువకుడు, స్పెయిన్ లో ఎలా సెటిలయ్యాడనే లాజిక్ ను తీసి పక్కన పెట్టేస్తే, యాక్షన్ మూవీస్ ను ఇష్టపడేవారిని మాత్రం ఈ సినిమా నిరాశ పరచదు. 
Review By: Peddinti
X

Feedback Form

I agree to Terms of Service & Privacy Policy
'వరల్డ్ ఫేమస్ లవర్' మూవీ రివ్యూ
జీవితం పాఠాలు నేర్పుతుంది, ప్రేమ .. పరీక్షలు పెడుతుంది. గౌతమ్ అనే ఒక ప్రేమికుడికి  జీవితం ఎలాంటి పాఠాలు నేర్పింది? ప్రాణంగా ప్రేమించిన అమ్మాయి నుంచి అతనికి ఎటువంటి పరీక్షలు ఎదురయ్యాయి? వాటిని అతను ఎలా అధిగమించాడు? అనేదే ఈ సినిమా కథ. హీరోతో పాటు నలుగురు కథానాయికల పాత్రలకి ప్రాధాన్యతనిస్తూ ఈ కథ నడుస్తుంది. అక్కడక్కడా 'అర్జున్ రెడ్డి'ని గుర్తుచేస్తూ, నిదానమైన కథనంతో సాగే ఈ సినిమా, విజయ్ దేవరకొండ అభిమానులకు నచ్చొచ్చు.
'జాను' మూవీ రివ్యూ
అనుకోకుండా జరిగే కొన్ని సంఘటనలు భవిష్యత్తును నిర్ణయిస్తుంటాయి .. జీవితాన్ని మార్చేస్తుంటాయి. అలాంటి ఒక సంఘటన ఇద్దరి ప్రేమికులను దూరం చేస్తుంది. ఆ సంఘటన ఏమిటి? చాలా కాలం తరువాత కలుసుకున్న ఆ ఇద్దరూ ఆ జ్ఞాపకాలను ఎలా పంచుకున్నారు? అనేది కథ. అనుభూతి ప్రధానమైన ఈ కథ, ఆ పరిధిని దాటేసి సాగతీతగా అనిపిస్తుంది. ఈ తరహా కథలకు ప్రాణంగా నిలవాల్సిన పాటలు, ప్రేక్షకుల మనసులను పట్టుకోలేకపోయాయి .. ఆకట్టుకోలేకపోయాయి. తమిళ .. కన్నడ భాషా ప్రేక్షకుల ఆదరణ పొందిన ఈ కథ, తెలుగు రీమేక్ గా మాత్రం ఓ మాదిరిగా అనిపిస్తుందంతే. 
'అశ్వద్ధామ ' మూవీ రివ్యూ
ఒక వైపున కుటుంబ గౌరవాన్నీ .. మరో వైపున చెల్లెలి కాపురాన్ని కాపాడుకోవడానికి రంగంలోకి దిగిన కథానాయకుడే  'అశ్వద్ధామ'. నగరంలో ఆడపిల్లలు అదృశ్యం కావడానికి గల కారణాన్ని కనుక్కునే బాధ్యతను కూడా ఆయన తన భుజాలపైనే వేసుకుంటాడు. ఆ ప్రయత్నంలో ఆయన ఎలాంటి పరిస్థితులను ఎదుర్కోవలసి వస్తుంది ? వాటిని ఆయన ఎలా అధిగమించాడు? అనేది కథ. నాగశౌర్య తను స్వయంగా రాసిన కథ ఇది .. నిర్మాత కూడా ఆయనే. నిర్మాణ పరమైన విలువలు బాగానే ఉన్నప్పటికీ కథాపరంగా విషయాల్లో అనుభవలేమి కనిపిస్తుంది. యాక్షన్ ఎపిసోడ్స్ ను మాత్రమే పట్టుకుని వేళ్లాడిన నాగశౌర్య, మిగతా అంశాలను సరిగ్గా రాసుకోలేకపోయాడు .. ప్రేక్షకులను పూర్తిస్థాయిలో మెప్పించలేకపోయాడు.  
'డిస్కోరాజా' మూవీ రివ్యూ
డిస్కోరాజా చిన్న చిన్న దొంగతనాల నుంచి గ్యాంగ్ స్టర్ గా ఎదుగుతాడు. ఆ వృత్తిలో ఆయనకి బర్మా సేతు శత్రువుగా మారతాడు. ఇద్దరి మధ్య ఆధిపత్య పోరు జరుగుతూ ఉంటుంది. ఓ సారి లడఖ్ వెళ్లిన డిస్కోరాజా అక్కడ హత్య చేయబడతాడు. చాలా కాలంగా ఓ డాక్టర్ చేస్తున్న ప్రయోగం ఫలించి, డిస్కోరాజా బ్రతుకుతాడు. అయితే, గతాన్ని మరిచిపోయిన ఆయన ఏం చేస్తాడు? ఆ తరువాత చోటుచేసుకునే పరిణామాలు ఎలాంటివి? అనేదే కథ. ఫస్టాఫ్ సాగతీతగాను .. సెకండాఫ్ కాస్త గందరగోళంగాను సాగే ఈ సినిమా ఓ మాదిరిగా అనిపిస్తుందంతే!
'ఎంత మంచివాడవురా' మూవీ రివ్యూ
బాల్యంలోనే బాలు ఓ ప్రమాదంలో తన తల్లిదండ్రులను పోగొట్టుకుంటాడు. తనకి ఆశ్రయం కల్పించవలసి వస్తుందేమో అన్న ఉద్దేశంతో బంధువులంతా ముఖం చాటేయడం అతనికి బాధ కలిగిస్తుంది. తనలా అయినవారి ప్రేమకి దూరమైనవారికి ఆ లోటు తెలియకుండా ప్రేమను అందించాలనే ఆలోచనతో బాలు రంగంలోకి దిగుతాడు. పర్యవసానంగా అతను ఎలాంటి పరిస్థితులను ఎదుర్కోవలసి వస్తుందనేదే కథ. భవిష్యత్తు తరాలవారికి అందించవలసింది ఆస్తిపాస్తులు కాదు, బంధాలు .. అనుబంధాలు అనే సందేశంతో రూపొందిన ఈ సినిమా కేవలం ఫ్యామిలీ ఆడియన్స్ ను ఆకట్టుకోవచ్చు.
'అల వైకుంఠపురములో' మూవీ రివ్యూ
మధ్యతరగతి కుటుంబానికి చెందిన ఒక తండ్రి, తన కొడుకును శ్రీమంతుడిగా చూసుకోవాలనే స్వార్థంతో, పురిటిలోనే బిడ్డలను మారుస్తాడు. అలా మధ్యతరగతికి చెందిన ఆ బిడ్డ శ్రీమంతుల కుటుంబంలో పెరుగుతాడు. శ్రీమంతుల బిడ్డ మధ్యతరగతి ఇంట్లో ఇబ్బందులు పడుతూ ఎదుగుతాడు. ఈ నిజం ఎలా బయటపడుతుంది? ఎప్పుడు బయటపడుతుంది? అనే ఆసక్తికరమైన మలుపులతో ఈ కథ సాగుతుంది. లవ్ .. కామెడీ .. యాక్షన్ .. ఎమోషన్ పాళ్లతో సాగే ఈ సినిమా ప్రేక్షకులను ఆకట్టుకుంటుంది.
'సరిలేరు నీకెవ్వరు' మూవీ రివ్యూ
దేశ సరిహద్దుల్లో శత్రువుల దాడిని తిప్పికొట్టే మేజర్ అజయ్ కృష్ణ, ప్రొఫెసర్ భారతి కుటుంబానికి అండగా నిలబడవలసి వస్తుంది. అందుకోసం అతను కశ్మీర్ నుంచి కర్నూల్ వస్తాడు. భారతి కుటుంబాన్ని అంతం చేయడానికి ప్రయత్నిస్తున్న మినిస్టర్ నాగేంద్రకు ఎదురు తిరుగుతాడు. ప్రొఫెసర్ భారతికి .. మినిస్టర్ నాగేంద్రకి మధ్య వైరానికి గల కారణం ఏమిటి? భారతికి సపోర్ట్ గా నిలిచిన అజయ్ కృష్ణకి ఎలాంటి పరిస్థితులు ఎదురయ్యాయి? అజయ్ కృష్ణ ఎలా నాగేంద్ర ఆటకట్టించాడు? అనేది కథ. యాక్షన్ .. ఎమోషన్ .. కామెడీ సమపాళ్లలో కలిపి అల్లిన ఈ కథ అన్ని వర్గాల ప్రేక్షకులను ఆకట్టుకుంటుంది. 
'దర్బార్' మూవీ రివ్యూ
డ్రగ్స్ మాఫియా గుప్పెట్లో వున్న యువతను కాపాడటమే ధ్యేయంగా ముంబై పోలీస్ కమిషనర్ ఆదిత్య అరుణాచలం రంగంలోకి దిగుతాడు. ఆ ప్రయత్నంలో తన ఒక్కగానొక్క కూతురును కోల్పోతాడు. అందుకు కారణమైన మాఫియా లీడర్ ను ఆదిత్య అరుణాచలం ఎలా అంతం చేశాడు? అందుకోసం ఎలాంటి వ్యూహాలను ఛేదించాడు? అనేదే కథ. సాధారణమైన కథే అయినా మురుగదాస్ తనదైన స్టైల్లో చెప్పిన తీరు వలన, రజనీ లుక్ .. స్టైల్ కారణంగా ఈ సినిమా ఆయన అభిమానులను ఆకట్టుకుంటుంది. 
'తూటా' మూవీ రివ్యూ
'రఘు' చిన్నతనంలోనే ఆయన అన్నయ్య ఇల్లొదిలిపోతాడు. ఇంజనీరింగ్ చదువుతున్న రఘు .. సినిమాల్లో నటించే 'లేఖ' ప్రేమలో పడతాడు. కొన్ని కారణాల వలన రఘుకి దూరమైన ఆమె, కొంతకాలం తరువాత రఘుకి కాల్ చేస్తుంది. రఘు అన్నయ్యను గురించిన ఒక రహస్యం చెబుతుంది. అదేమిటి? లేఖతో పాటు అన్నయ్యను రక్షించుకోవడం కోసం రఘు ఏం చేస్తాడు? అనేవి మిగతా కథ. ఫస్టాఫ్ లో కథ అర్థం కావడానికి కొంత సమయం పడుతుంది. సెకండాఫ్ లో కొంత అర్థమైనప్పటికీ, ఆశించినస్థాయిలో లేని ముగింపు అసంతృప్తిని కలిగిస్తుంది.
'మత్తు వదలరా' మూవీ రివ్యూ
ఆర్థికపరమైన సమస్యలతో ముగ్గురు స్నేహితులు ఇరుకైన ఒక చిన్న గదిలో వుంటూ నానా కష్టాలు పడుతుంటారు. డెలివరీ బాయ్ గా పనిచేస్తున్న కథానాయకుడు ఒక ఐటమ్ ను అందజేయడానికి ఒక ఫ్లాట్ కి వెళతాడు. అక్కడ జరిగే అనూహ్యమైన సంఘటనతో కథ మలుపు తిరుగుతుంది. ఆ సంఘటన ఏమిటి? పర్యవసానంగా చోటుచేసుకునే పరిణామాలు ఎలాంటివి? అనేదే మిగతా కథ. ఫస్టాఫ్ లో కథ కాస్త నెమ్మదించినా, ఆ తరువాత ఆసక్తికరమైన మలుపులతో ఆకట్టుకుంటుంది.
'ఇద్దరి లోకం ఒకటే' మూవీ రివ్యూ
ప్రేమలో పడిన తరువాత కొన్ని సంఘటనలు అందమైన జ్ఞాపకాలుగా .. అనిర్వచనీయమైన అనుభూతులుగా మారతాయి. అయితే కొంతమంది విషయంలో చిన్ననాటి అందమైన జ్ఞాపకాలు .. అనుభూతులే ప్రేమగా మారతాయి. అలా రెండో కోవకి చెందిన ప్రేమకథగా ప్రేక్షకుల ముందుకు వచ్చిన చిత్రమే 'ఇద్దరి లోకం ఒకటే'. ఒక చిన్నపాయింట్ పట్టుకుని మొదటి నుంచి చివరివరకూ సాగదీసిన ఈ కథ, ప్రేక్షకుల సహనానికి మాత్రం పరీక్ష పెడుతుంది! 
'రూలర్' మూవీ రివ్యూ
ఉత్తరప్రదేశ్ ప్రాంతంలో స్థిరపడిన తెలుగు రైతులు .. అక్కడ వారికి ఎదురైన కష్టాలు .. ప్రాణాలను పణంగా పెట్టి వాళ్లను ఆదుకున్న కథానాయకుడి కథ ఇది. బాలకృష్ణ రెండు విభిన్నమైన పాత్రలను ధరించిన ఈ సినిమా, నిర్మాణం పరంగా భారీగా కనిపిస్తుందిగానీ, కథాకథనాలపరంగా బలహీనంగా అనిపిస్తుంది. అతకని సన్నివేశాలతో అసంతృప్తిని కలిగిస్తుంది.
'ప్రతిరోజూ పండగే' మూవీ రివ్యూ
కన్నతండ్రి ప్రాణాలకంటే ఉద్యోగాలే ఎక్కువనుకునే కొడుకులు ఒక వైపు .. చివరి క్షణాల్లో కొడుకులతో కలిసి ఉండటమే పండగ అనుకునే తండ్రి ఒక వైపు. ఆ కొడుకుల ఆలోచనా విధానాన్ని మార్చి .. ఆ తండ్రి ముచ్చట తీర్చే ఒక మనవడి కథే ఇది. బలమైన ఎమోషన్స్ తో తాతా మనవళ్ల చుట్టూ తిరుగుతూ, అందమైన ప్రేమను .. ఆహ్లాదకరమైన కామెడీని టచ్ చేస్తూ సాగే ఈ కథ ఆద్యంతం ఆకట్టుకుంటుంది.
'వెంకీమామ' మూవీ రివ్యూ
మేనల్లుడి ఆలనా పాలన చూసుకోవడం కోసం పెళ్లి చేసుకోవడం మానేసిన మేనమామ ఒక వైపు. ఆ మేనమామ కోసం తన ప్రేమను త్యాగం చేయడానికి సిద్ధపడిన మేనల్లుడు మరో వైపు. ఈ రెండు పాత్రలు ప్రధానంగా గ్రామీణ నేపథ్యంలో సాగిన ఈ కథ, ఫ్యామిలీ ఆడియన్స్ తో పాటు యూత్ ను .. మాస్ ఆడియన్స్ ను కూడా ఆకట్టుకుంటుంది.
'భాగ్యనగర వీధుల్లో గమ్మత్తు' మూవీ రివ్యూ
ఒక వైపున షార్ట్ ఫిల్మ్స్ లో నటించే ముగ్గురు స్నేహితులు .. మరో వైపున డ్రగ్స్ ను అక్రమంగా తరలించే మాఫియా ముఠా .. వాళ్ల రహస్యాలకి సంబంధించిన ఆధారాలతో తప్పించుకు తిరిగే యువతి .. ఆ ముఠాను పట్టుకోవడానికి ప్రయత్నించే పోలీసుల చుట్టూ తిరిగే కథ ఇది. కసరత్తు చేయని కథతో .. పై పై అల్లేసిన కథనంతో చుట్టేసిన ఈ సినిమా అలరించడం సంగతి అటుంచితే, గందరగోళానికి గురిచేయడంలోనే సక్సెస్ అయింది.
'మిస్ మ్యాచ్' మూవీ రివ్యూ
రెండు ప్రాంతాలు .. రెండు కుటుంబాలు .. వేరు వేరు స్వభావాలు .. అయినా ఒకటి కావాలని ఆరాటపడే రెండు మనసులు. పెళ్లి చేసుకోవాలనుకున్న ఆ జంటకి ఎలాంటి పరిస్థితులు ఎదురయ్యాయి? ఎలాంటి పరిణామాలను ఎదుర్కోవలసి వచ్చింది? అనేది కథ. ఆసక్తికరంగా అనిపించని కథాకథనాలతో ఆద్యంతం ఈ సినిమా నీరసంగా సాగుతుంది .. అనూహ్యమైన మలుపులనేవి లేకుండా అసహనానికి గురిచేస్తుంది. 
'90 ఎంఎల్' మూవీ రివ్యూ
మూడు పూటలా 90 ఎం.ఎల్ మందు తాగనిదే ఉండలేని ‘దేవదాసు’, మందు వాసన తమ గేటు బైట ఉండగానే పసిగట్టే ‘సువాసన’ను ప్రేమిస్తాడు. తన ఈ అలవాటును కప్పిపుచ్చుకుంటూ కథానాయికతో ప్రేమను కొనసాగిస్తాడు. అనుకోని పరిస్థితుల్లో దేవదాసు నిత్య తాగుబోతు అని తెలుసుకున్న కథానాయిక అతనికి దూరం అవుతుంది. ప్రియురాలికి నిజం చెప్పి ఆమె ప్రేమను ఎలా తిరిగి పొందగలిగాడు అనేది కథ. మాస్ ప్రేక్షకులను టార్గెట్ చేసుకున్న ఈ చిత్రం ఆ వర్గానికి నచ్చే అంశాలతో రూపొందింది.
'రాజావారు రాణిగారు' మూవీ రివ్యూ
రాణిపట్ల తన మనసులోని ప్రేమను బయటపెట్టలేక రాజా మౌనంగా ఆరాధిస్తూ ఉంటాడు. కాలేజ్ చదువు కోసం ఊరెళ్లిన రాణి తిరిగిరాగానే ఆమెను ప్రేమిస్తున్నట్టుగా చెప్పాలనుకుంటాడు. ఈ లోగా రాణి తండ్రి ఆమెను తన మేనల్లుడికిచ్చి పెళ్లి చేయాలనుకుంటాడు. అప్పుడు రాజా ఏం చేస్తాడు? పర్యవసానంగా ఏం జరుగుతుంది? అనేదే కథ. పస లేని కథ ..పట్టులేని కథనంతో ఈ పల్లెటూరి ప్రేమకథ ఆకట్టుకోలేకపోయింది.
'అర్జున్ సురవరం' మూవీ రివ్యూ
నకిలీ సర్టిఫికెట్లకి సంబంధించిన వ్యాపారం కోట్ల రూపాయల్లో కొనసాగుతూ ఉంటుంది. ఆ మాఫియా దెబ్బకి 'అర్జున్ సురవరం' అనే రిపోర్టర్ భవిష్యత్తు కూడా ప్రశ్నార్థకంగా మారుతుంది. దాంతో ఆ మాఫియాకి అడ్డుకట్టవేయడానికి అతను రంగంలోకి దిగుతాడు. పర్యవసానంగా అతనికి ఎదురయ్యే పరిస్థితులతో ఈ కథ సాగుతుంది. బలమైన కథాకథనాలతో .. ఆద్యంతం ఆసక్తికరమైన మలుపులతో సాగే ఈ సినిమా ఆకట్టుకుంటుంది.
'తోలుబొమ్మలాట' మూవీ రివ్యూ
జీవితానికి అందాన్నిచ్చేది .. జీవితానికో అర్థాన్నిచ్చేవి బంధాలు - అనుబంధాలేనని నమ్మే వ్యక్తి సోమరాజు. తన కుటుంబ సభ్యులంతా సఖ్యతగా ఉన్నారని భావించిన ఆయనకి, అందులో నిజంలేదనే విషయం తన మరణం తరువాత తెలుస్తుంది. ఆత్మగా వున్న ఆయన, వాళ్లలో మార్పు తీసుకురావడం కోసం ఏం చేశాడనేదే కథ. మూడు తరాలకి చెందిన కుటుంబ సభ్యులతో కలిసి సాగే ఈ కథ ఫరవాలేదనిపిస్తుంది.
'రాగల 24 గంటల్లో' మూవీ రివ్యూ
అనాథశరణాలయంలో పెరిగిన 'విద్య'ను, శ్రీమంతుడైన రాహుల్ ప్రేమించి పెళ్లి చేసుకుంటాడు. పెళ్లి జరిగిన కొంతకాలానికే అతను హత్యకి గురవుతాడు. ఆ హత్యకి కారకులు ఎవరు? ఎందుకు అతణ్ణి హత్య చేయవలసి వచ్చింది? అనేదే కథ. ఆద్యంతం అనూహ్యమైన మలుపులతో సాగే ఈ కథ, సస్పెన్స్ థ్రిల్లర్స్ ను ఇష్టపడేవారికి ఫరవాలేదనిపిస్తుంది. 
'జార్జి రెడ్డి' మూవీ రివ్యూ
ఉస్మానియా యూనివర్సిటీలో 'జార్జి రెడ్డి' చదువుకునేటప్పుడు వున్న సమస్యలు, వాటి పరిష్కారానికై విద్యార్థులను చైతన్యవంతులను చేస్తూ ఆయన పోరాట శంఖం పూరించిన తీరుతో ఈ కథ నడుస్తుంది. ఆ కాలంనాటి కాస్ట్యూమ్స్ విషయంలో కొంత ఇబ్బంది పడినట్టుగా అనిపించినా, సహజత్వానికి దగ్గరగా ఆవిష్కరించిన సన్నివేశాలతో ఈ సినిమా యూత్ ను ఆకట్టుకుంటుందనే చెప్పాలి.
'విజయ్ సేతుపతి' మూవీ రివ్యూ
పచ్చదనానికీ .. మంచితనానికి ప్రతీకగా కనిపించే పల్లెటూరు అది. ఆ ఊరు బాగు కోసం తపించే దేవరాజ్ కొడుకే విజయ్ సేతుపతి. రాజకీయనాయకుడైన చంటబ్బాయ్ .. పారిశ్రామికవేత్త అయిన సంజయ్ కలిసి ఆ ఊళ్లో 'కాపర్ ఫ్యాక్టరీ' పెట్టాలనుకుంటారు. ఆ నిర్ణయాన్ని వ్యతిరేకించిన కారణంగా తన తల్లిదండ్రులనీ, కాబోయే భార్యని విజయ్ సేతుపతి పోగొట్టుకుంటాడు. ఆ తరువాత ఆయన ఏం చేస్తాడు? అనేదే కథ. ఏ మాత్రం కొత్తదనం లేని ఈ కథ సహనానికి పరీక్ష పెడుతూ సాగుతుంది. 
'యాక్షన్' మూవీ రివ్యూ
ఒక ఉన్నతమైన కుటుంబం నుంచి వచ్చిన ఆర్మీ ఆఫీసర్ సుభాశ్, ఒకానొక సంఘటనలో తాను ప్రేమించే అమ్మాయినీ .. తనని ప్రేమించే అన్నయ్యను పోగొట్టుకుంటాడు. తమ కుటుంబ సభ్యుల కారణంగానే కాబోయే ప్రధాని కూడా చనిపోయాడనే నిందను భరించలేకపోతాడు. ఆ సంఘటన వెనక ఎవరున్నారో తెలుసుకుని చట్టానికి అప్పగించి, తన కుటుంబ పరువు ప్రతిష్ఠలను నిలబెట్టడం కోసం సుభాశ్ చేసే ప్రయత్నమే ఈ కథ. 
'తెనాలి రామకృష్ణ బీఏ బీఎల్' మూవీ రివ్యూ
రాజకీయంగా తన ఎదుగుదలకి వరలక్ష్మి అడ్డుగా మారుతుందనే ఉద్దేశంతో, సింహాద్రినాయుడు ఆమెను ఓ హత్య కేసులో ఇరికిస్తాడు. లాయర్ తెనాలి రామకృష్ణ తన తెలివితేటలతో, నిందితురాలైన వరలక్ష్మిని నిర్దోషిగా నిరూపిస్తాడు. ఆ తరువాత తెలిసిన నిజంతో బిత్తరపోతాడు. ఆ నిజం ఏమిటి? దాని పర్యవసానాలు ఎలాంటివి? అనే ఆసక్తికరమైన అంశాల చుట్టూ ఈ కథ తిరుగుతుంది. వినోదమే ప్రధానంగా రూపొందిన ఈ సినిమా ఫరవాలేదనిపిస్తుంది.
Caste politics in AP: Pawan Kalyan calls for introspection..
Caste politics in AP: Pawan Kalyan calls for introspection on Vundavalli comments
Actress Karate Kalyani files case on actress Sree Reddy..
Actress Karate Kalyani files case on actress Sree Reddy
Doctors suspect Kovid 19 for girl who came from China to V..
Doctors suspect Kovid 19 for girl who came from China to Vizag
Balakrishna Meets Governor Tamilisai Soundararajan..
Balakrishna Meets Governor Tamilisai Soundararajan
Chandrababu Praja Chaitanya Yatra Against YSRCP Govt In AP..
Chandrababu Praja Chaitanya Yatra Against YSRCP Govt In AP- Special Focus
9 PM Telugu News- 18th February 2020..
9 PM Telugu News- 18th February 2020
Jaya Sudha Meets CM Jagan to Invite Son's Marriage..
Jaya Sudha Meets CM Jagan to Invite Son's Marriage
Focus On TDP Leaders Comments Heats Up Politics In AP- Ins..
Focus On TDP Leaders Comments Heats Up Politics In AP- Inside
Purandeswari Comments on Jagan Govt over Financial Crisis..
Purandeswari Comments on Jagan Govt over Financial Crisis
Sharif, AP Council Chairman informs Governor of select com..
Sharif, AP Council Chairman informs Governor of select committee ruckus