ap7am logo

'హిప్పీ' మూవీ రివ్యూ

Thu, Jun 06, 2019, 05:17 PM
Movie Name: Hippy
Release Date: 06-06-2019
Cast: Karthikeya,Digangana
Director: T.N.krishna
Producer: Kalai Puli Thanu
Music: Nivas K. Prasanna
Banner: V Creations

అమ్మాయిలతో సరదాగా తిరిగేసే దేవా, ఆముక్తమాల్యదను చూసి ఆకర్షితుడవుతాడు. ఆమె ప్రేమను పొందిన తరువాత వదిలించుకోవాలని చూస్తాడు. అప్పుడు ఆముక్తమాల్యద తీసుకునే నిర్ణయంతో దేవా ఎలాంటి పరిస్థితులను ఎదుర్కోవలసి వస్తుందనే మలుపులతో ఈ కథ ముందుకు వెళుతుంది. యూత్ ను దృష్టిలో పెట్టుకుని రూపొందించిన ఈ సినిమా ఓ మాదిరిగా మాత్రమే వాళ్లను ఆకట్టుకుంటుందని చెప్పాలి.

ట్రెండ్ కి తగిన సినిమాలను తెరకెక్కించడం అంత తేలికైన పనేం కాదు. ఎందుకంటే, అప్పటికే ఆ తరహాలో ఎన్నో సినిమాలు వచ్చి ఉంటాయి. అలాంటి సినిమాలో చూసేశాం కదా అనే ఫీలింగ్ ఆడియన్స్ కి ఎక్కడా రాకూడదు. అందువలన చెప్పదలచుకున్న పాయింట్ కొత్తగా చెప్పినప్పుడే దర్శకుడి ప్రయత్నం ఫలిస్తుంది. అలాంటి కొత్తదనం కోసమేనన్నట్టుగా 'హిప్పీ' కోసం దర్శకుడు టీఎన్. కృష్ణ తనవంతు ప్రయత్నం చేశాడు. మరి ఈ ప్రయత్నంలో ఆయన ఎంతవరకూ సక్సెస్ అయ్యాడో చూద్దాం.

దేవా (కార్తికేయ) జీవితాన్ని పెద్దగా సీరియస్ గా తీసుకోకుండా అమ్మాయిలతో ఆడుతూ పాడుతూ గడిపేస్తుంటాడు. తనకి తోచిన విధంగా బతికేస్తూ అందరితో 'హిప్పీ' అని ముద్దుగా పిలిపించుకుంటూ ఉంటాడు. తన బావ (బ్రహ్మాజీ)తోను .. స్నేహితులతోను కలిసి ఒక అద్దె ఇంట్లో ఉంటుంటాడు. ఇక దేవా బాస్ అరవింద్ (జేడీ చక్రవర్తి) కూడా తన ఆఫీసులో అమ్మాయిలను పొగిడేస్తూ వలలోకి లాగేస్తుంటాడు.

స్నేహ (జజ్బా సింగ్)తో కలిసి షికార్లు చేస్తోన్న దేవాకి, ఆమె స్నేహితురాలిగా 'ఆముక్తమాల్యద' (దిగాంగన) తారసపడుతుంది. ఆమె అందచందాలను చూసి మనసు పారేసుకున్న దేవా, ఆమె వెంటపడటం మొదలుపెడతాడు. దేవా తనని సిన్సియర్ గానే ప్రేమిస్తున్నాడనే విషయాన్ని తెలుసుకున్న ఆముక్తమాల్యద, ఆయనకి గ్రీన్ సిగ్నల్ ఇస్తుంది. లివ్ ఇన్ రిలేషన్ షిప్ పేరుతో అయన ఇంట్లోకి అడుగుపెడుతుంది.

అయితే ఆ తరువాతనే దేవా ఆమెను వదిలించుకోవాలనే నిర్ణయానికి వస్తాడు. తన ఇంట్లో నుంచి ఆమెను పంపించేయడానికిగాను రకరకాల ప్రయత్నాలు చేయడం మొదలెడతాడు. దేవా ఉద్దేశాన్ని గ్రహించిన ఆముక్తమాల్యద, ఆయన పట్ల తనకి గల నిజమైన ప్రేమ కారణంగా ఆయనని తన సొంతం చేసుకువాలనే పట్టుదలతో ఎత్తుకు పైఎత్తులు వేయడం మొదలవుతుంది. ఇందుకు సంబంధించిన నాటకీయ పరిణామాలతో కథ అనేకమైన మలుపులు తిరుగుతూ వెళుతుంది. చివరికి ఎవరిది పైచేయి అయిందనేది తెరపై చూస్తేనే బాగుంటుంది.

దర్శకుడు టీఎన్ కృష్ణ యూత్ ను దృష్టిలో పెట్టుకుని, తేలికైన కథనంతో సన్నివేశాలను అల్లుకుంటూ వెళ్లాడు. అక్కడక్కడా కొన్ని సరదా సన్నివేశాలను .. మరికొన్ని ఎమోషన్స్ సీన్స్ ను బాగా ఆవిష్కరించినా, లవ్ డ్రామాను .. కామెడీని  .. రొమాన్స్ ను ప్రేక్షకులకు సంతృప్తికరంగా అందించలేకపోయాడు. బలమైన కథాకథనాలు లేకపోవడంతో సన్నివేశాలు తేలిపోతూ వచ్చాయి. ఒక దశలో కథ ట్రాక్ తప్పేసి జేడీ చక్రవర్తికి .. దిగాంగనకి ఎంగేజ్మెంట్ జరిగేవరకూ వెళ్లిపోతుంది. పోనీ అదంతా ఉత్తిత్తిదే అని కూడా చూపించరు.

స్వరూప స్వభావాల పరంగా పాత్రలను తీర్చిదిద్దిన తీరులో లోపం కనిపిస్తుంది. హీరోను అప్పుడప్పుడు శృంగార పురుషుడిగాను .. అక్కడక్కడా కాస్తంత అమాయకుడిగాను చూపిస్తూ ఆడియన్స్ ను అయోమయానికి గురిచేశారు. కొన్ని సన్నివేశాలు .. ఫైట్లు అనవసరమనిపిస్తాయి. అసలు స్నేహ ప్రేమను సీరియస్ గా తీసుకోకపోవడం .. ఆమె కష్టపడి దేవాను ఆముక్త మాల్యదతో కలిపితే వదిలించుకోవాలని దేవా చూడటం మొదలైన దగ్గర నుంచే కథనం పట్టుతప్పినట్టు అనిపిస్తుంది. ఆముక్తమాల్యద పాత్ర వ్యక్తిత్వాన్ని చివరివరకూ కాపాడుతూ వచ్చి, క్లైమాక్స్ లో ఆమె వ్యక్తిత్వానికి కూడా గండి కొట్టేశాడు. కథలో వేరే ట్రాకులు లేకుండా ఒకే ట్రాక్ పై ఒకే విషయంతో నడిపించడం .. అదీ సాగతీతగా ఉండటం ప్రేక్షకులకు బోర్ కొట్టిస్తుంది.

కార్తికేయ పాత్ర విషయానికే వస్తే లైఫ్ ను జాలీగా గడిపేసే దేవా పాత్రలో బాగానే నటించాడు. సిక్స్ ప్యాక్ బాడీతో యూత్ కి మంచి కిక్ నే ఇచ్చాడు. డాన్సుల్లోను .. ఫైట్స్ లోను ఫర్వాలేదనిపించాడు. అయితే కళ్లతో హావభావాలు పలికించే సన్నివేశాల విషయంలో మాత్రం అతగాడికి తక్కువ మార్కులే పడతాయని చెప్పాలి. 'దేవాను తాకడం కూడా ఇష్టం లేదు .. అందుకే అతన్ని కొట్టలేదు' అని అతని సమక్షంలోనే నైట్ డ్యూటీ పోలీసులతో ఆముక్తమాల్యద చెప్పిన సంఘటనే అందుకు ఉదాహరణ. కామెడీని ఎలాగోలా మేనేజ్ చేస్తున్నాడు గానీ, ఎమోషన్స్ పలికించే విషయంపై ఆయన ఇంకా దృష్టి పెట్టాలి.

ఇక కొత్తమ్మాయి 'దిగాంగన' తన పాత్ర పరిథిలో మెప్పించింది. కళ్లతోనే హావభావాలను పలికిస్తూ ఆకట్టుకుంది. హీరోగారిని ఎలాగైనా తన దారికి తెచ్చుకోవాలనుకునే పట్టుదలతో చేసే పనుల్లోనూ .. తనపట్ల అతగాడి మనసులో ఎలాంటి అభిప్రాయం వుందో తెలుసుకుని కన్నీళ్లు పెట్టుకునే సన్నివేశాల్లోను బాగా చేసింది. నటన పరంగాను .. గ్లామర్ పరంగాను ఈ అమ్మాయికి మంచి మార్కులే దక్కుతాయని చెప్పొచ్చు.

ఈ సినిమాలో చెప్పుకోదగిన మరో పాత్ర జేడీ చక్రవర్తిదే. అరవింద్ పాత్రలో హీరోకి బాస్ పాత్రలో ఆయన కనిపిస్తాడు. లుక్స్ పరంగా జేడీ ఆకట్టుకున్నాడు .. పాత్ర పరంగానే చెప్పుకోవడానికి పెద్దగా ఏమీ లేదు. జేడీ మామూలుగా మంచి నటుడు. అయితే, అతనిని ఈ పాత్రలో సరిగా ఉపయోగించుకోలేదని చెప్పాలి. మనల్ని ప్రేమించే అమ్మాయిల పట్ల ఎలా మసలుకోవాలి? అనే విషయంలో హీరోగారికి జ్ఞానబోధ చేసే విషయంలోనే ఈ పాత్ర కాస్త నిలబడుతుంది.

హీరోకి దారిన పోయే దానయ్యలా తగిలిన హెచ్ డీ (వెన్నెల కిషోర్) నవ్వించే ప్రయత్నం కూడా కొంతవరకే ఫలించింది. పనిమనిషిగా హరితేజ తెరపై ఉన్నంత సేపు దడ దడ లాడించేసింది. ఇక బ్రహ్మాజీ .. జజ్బా సింగ్ .. శ్రద్ధా దాస్ పాత్రలు 'మమ' అనుకునేవే. సరైన ప్యాడింగ్ లేకపోవడం .. హీరో - హీరోయిన్లకు కుటుంబ నేపథ్యాలు లేకపోవడం కూడా ఆడియన్స్ ను నిరాశ పరిచే మరో విషయం.
 
సంగీతం విషయానికి వస్తే .. నివాస్ కె. ప్రసన్న సంగీతం ఫరవాలేదనిపిస్తుంది. 'ఎవతివే .. ఎవతివే' .. 'ఏ ఎలా ఎటేపు వెళ్లి చూసినా' అనే పాటలు బాగున్నాయి. ఫాస్టు బీట్స్ తో పాటు మంచి మెలోడియస్ సాంగ్స్ కూడా చేయగలడనిపించుకున్నాడు. ఇక ఈ సినిమాలో ఎక్కువ క్రెడిట్ ఎవరికైనా ఇవ్వాల్సి వస్తే అది సినిమాటో గ్రాఫర్ ఆర్. డి. రాజేశ్ కే వెళుతుంది. కార్తికేయను హ్యాండ్సమ్ గా .. దిగాంగనను చాలా గ్లామరస్ గా చూపించాడు. ముఖ్యంగా పాటల్లోని లొకేషన్స్ ను తెరపై అద్భుతంగా ఆవిష్కరించాడు. నిర్మాత కలైపులి థాను పెట్టిన ఖర్చుకు తన కెమెరా పనితనంతో మంచి రిచ్ నెస్ తీసుకొచ్చాడు.  

అనంత శ్రీరామ్ .. శ్రీమణి రాసిన పాటలు, బృంద .. శోభి కొరియోగ్రఫీ యూత్ కి కనెక్ట్ అయ్యేలానే వున్నాయి. ఇక డైలాగ్స్ విషయానికొస్తే ఇటు హీరోయిన్ తోను .. అటు జేడీ చక్రవర్తితోను డబుల్ మీనింగ్ డైలాగ్స్ చెప్పించారు. ఇలా ఈ సినిమా కొన్ని లిప్పులాకులు .. మరికొన్ని డబుల్ మీనింగ్ డైలాగ్స్ తో యూత్ ను ఆకట్టుకునే ప్రయత్నం చేసింది. కార్తికేయ వైపు నుంచి చూస్తే 'ఆర్ ఎక్స్ 100' స్థాయిని అందుకోలేక, సాగతీతగా .. సాదాసీదాగా అనిపిస్తుంది.                                                                        
Review By: Peddinti
X

Feedback Form

I agree to Terms of Service & Privacy Policy
'భాగ్యనగర వీధుల్లో గమ్మత్తు' మూవీ రివ్యూ
ఒక వైపున షార్ట్ ఫిల్మ్స్ లో నటించే ముగ్గురు స్నేహితులు .. మరో వైపున డ్రగ్స్ ను అక్రమంగా తరలించే మాఫియా ముఠా .. వాళ్ల రహస్యాలకి సంబంధించిన ఆధారాలతో తప్పించుకు తిరిగే యువతి .. ఆ ముఠాను పట్టుకోవడానికి ప్రయత్నించే పోలీసుల చుట్టూ తిరిగే కథ ఇది. కసరత్తు చేయని కథతో .. పై పై అల్లేసిన కథనంతో చుట్టేసిన ఈ సినిమా అలరించడం సంగతి అటుంచితే, గందరగోళానికి గురిచేయడంలోనే సక్సెస్ అయింది.
'మిస్ మ్యాచ్' మూవీ రివ్యూ
రెండు ప్రాంతాలు .. రెండు కుటుంబాలు .. వేరు వేరు స్వభావాలు .. అయినా ఒకటి కావాలని ఆరాటపడే రెండు మనసులు. పెళ్లి చేసుకోవాలనుకున్న ఆ జంటకి ఎలాంటి పరిస్థితులు ఎదురయ్యాయి? ఎలాంటి పరిణామాలను ఎదుర్కోవలసి వచ్చింది? అనేది కథ. ఆసక్తికరంగా అనిపించని కథాకథనాలతో ఆద్యంతం ఈ సినిమా నీరసంగా సాగుతుంది .. అనూహ్యమైన మలుపులనేవి లేకుండా అసహనానికి గురిచేస్తుంది. 
'90 ఎంఎల్' మూవీ రివ్యూ
మూడు పూటలా 90 ఎం.ఎల్ మందు తాగనిదే ఉండలేని ‘దేవదాసు’, మందు వాసన తమ గేటు బైట ఉండగానే పసిగట్టే ‘సువాసన’ను ప్రేమిస్తాడు. తన ఈ అలవాటును కప్పిపుచ్చుకుంటూ కథానాయికతో ప్రేమను కొనసాగిస్తాడు. అనుకోని పరిస్థితుల్లో దేవదాసు నిత్య తాగుబోతు అని తెలుసుకున్న కథానాయిక అతనికి దూరం అవుతుంది. ప్రియురాలికి నిజం చెప్పి ఆమె ప్రేమను ఎలా తిరిగి పొందగలిగాడు అనేది కథ. మాస్ ప్రేక్షకులను టార్గెట్ చేసుకున్న ఈ చిత్రం ఆ వర్గానికి నచ్చే అంశాలతో రూపొందింది.
'రాజావారు రాణిగారు' మూవీ రివ్యూ
రాణిపట్ల తన మనసులోని ప్రేమను బయటపెట్టలేక రాజా మౌనంగా ఆరాధిస్తూ ఉంటాడు. కాలేజ్ చదువు కోసం ఊరెళ్లిన రాణి తిరిగిరాగానే ఆమెను ప్రేమిస్తున్నట్టుగా చెప్పాలనుకుంటాడు. ఈ లోగా రాణి తండ్రి ఆమెను తన మేనల్లుడికిచ్చి పెళ్లి చేయాలనుకుంటాడు. అప్పుడు రాజా ఏం చేస్తాడు? పర్యవసానంగా ఏం జరుగుతుంది? అనేదే కథ. పస లేని కథ ..పట్టులేని కథనంతో ఈ పల్లెటూరి ప్రేమకథ ఆకట్టుకోలేకపోయింది.
'అర్జున్ సురవరం' మూవీ రివ్యూ
నకిలీ సర్టిఫికెట్లకి సంబంధించిన వ్యాపారం కోట్ల రూపాయల్లో కొనసాగుతూ ఉంటుంది. ఆ మాఫియా దెబ్బకి 'అర్జున్ సురవరం' అనే రిపోర్టర్ భవిష్యత్తు కూడా ప్రశ్నార్థకంగా మారుతుంది. దాంతో ఆ మాఫియాకి అడ్డుకట్టవేయడానికి అతను రంగంలోకి దిగుతాడు. పర్యవసానంగా అతనికి ఎదురయ్యే పరిస్థితులతో ఈ కథ సాగుతుంది. బలమైన కథాకథనాలతో .. ఆద్యంతం ఆసక్తికరమైన మలుపులతో సాగే ఈ సినిమా ఆకట్టుకుంటుంది.
'తోలుబొమ్మలాట' మూవీ రివ్యూ
జీవితానికి అందాన్నిచ్చేది .. జీవితానికో అర్థాన్నిచ్చేవి బంధాలు - అనుబంధాలేనని నమ్మే వ్యక్తి సోమరాజు. తన కుటుంబ సభ్యులంతా సఖ్యతగా ఉన్నారని భావించిన ఆయనకి, అందులో నిజంలేదనే విషయం తన మరణం తరువాత తెలుస్తుంది. ఆత్మగా వున్న ఆయన, వాళ్లలో మార్పు తీసుకురావడం కోసం ఏం చేశాడనేదే కథ. మూడు తరాలకి చెందిన కుటుంబ సభ్యులతో కలిసి సాగే ఈ కథ ఫరవాలేదనిపిస్తుంది.
'రాగల 24 గంటల్లో' మూవీ రివ్యూ
అనాథశరణాలయంలో పెరిగిన 'విద్య'ను, శ్రీమంతుడైన రాహుల్ ప్రేమించి పెళ్లి చేసుకుంటాడు. పెళ్లి జరిగిన కొంతకాలానికే అతను హత్యకి గురవుతాడు. ఆ హత్యకి కారకులు ఎవరు? ఎందుకు అతణ్ణి హత్య చేయవలసి వచ్చింది? అనేదే కథ. ఆద్యంతం అనూహ్యమైన మలుపులతో సాగే ఈ కథ, సస్పెన్స్ థ్రిల్లర్స్ ను ఇష్టపడేవారికి ఫరవాలేదనిపిస్తుంది. 
'జార్జి రెడ్డి' మూవీ రివ్యూ
ఉస్మానియా యూనివర్సిటీలో 'జార్జి రెడ్డి' చదువుకునేటప్పుడు వున్న సమస్యలు, వాటి పరిష్కారానికై విద్యార్థులను చైతన్యవంతులను చేస్తూ ఆయన పోరాట శంఖం పూరించిన తీరుతో ఈ కథ నడుస్తుంది. ఆ కాలంనాటి కాస్ట్యూమ్స్ విషయంలో కొంత ఇబ్బంది పడినట్టుగా అనిపించినా, సహజత్వానికి దగ్గరగా ఆవిష్కరించిన సన్నివేశాలతో ఈ సినిమా యూత్ ను ఆకట్టుకుంటుందనే చెప్పాలి.
'విజయ్ సేతుపతి' మూవీ రివ్యూ
పచ్చదనానికీ .. మంచితనానికి ప్రతీకగా కనిపించే పల్లెటూరు అది. ఆ ఊరు బాగు కోసం తపించే దేవరాజ్ కొడుకే విజయ్ సేతుపతి. రాజకీయనాయకుడైన చంటబ్బాయ్ .. పారిశ్రామికవేత్త అయిన సంజయ్ కలిసి ఆ ఊళ్లో 'కాపర్ ఫ్యాక్టరీ' పెట్టాలనుకుంటారు. ఆ నిర్ణయాన్ని వ్యతిరేకించిన కారణంగా తన తల్లిదండ్రులనీ, కాబోయే భార్యని విజయ్ సేతుపతి పోగొట్టుకుంటాడు. ఆ తరువాత ఆయన ఏం చేస్తాడు? అనేదే కథ. ఏ మాత్రం కొత్తదనం లేని ఈ కథ సహనానికి పరీక్ష పెడుతూ సాగుతుంది. 
'యాక్షన్' మూవీ రివ్యూ
ఒక ఉన్నతమైన కుటుంబం నుంచి వచ్చిన ఆర్మీ ఆఫీసర్ సుభాశ్, ఒకానొక సంఘటనలో తాను ప్రేమించే అమ్మాయినీ .. తనని ప్రేమించే అన్నయ్యను పోగొట్టుకుంటాడు. తమ కుటుంబ సభ్యుల కారణంగానే కాబోయే ప్రధాని కూడా చనిపోయాడనే నిందను భరించలేకపోతాడు. ఆ సంఘటన వెనక ఎవరున్నారో తెలుసుకుని చట్టానికి అప్పగించి, తన కుటుంబ పరువు ప్రతిష్ఠలను నిలబెట్టడం కోసం సుభాశ్ చేసే ప్రయత్నమే ఈ కథ. 
'తెనాలి రామకృష్ణ బీఏ బీఎల్' మూవీ రివ్యూ
రాజకీయంగా తన ఎదుగుదలకి వరలక్ష్మి అడ్డుగా మారుతుందనే ఉద్దేశంతో, సింహాద్రినాయుడు ఆమెను ఓ హత్య కేసులో ఇరికిస్తాడు. లాయర్ తెనాలి రామకృష్ణ తన తెలివితేటలతో, నిందితురాలైన వరలక్ష్మిని నిర్దోషిగా నిరూపిస్తాడు. ఆ తరువాత తెలిసిన నిజంతో బిత్తరపోతాడు. ఆ నిజం ఏమిటి? దాని పర్యవసానాలు ఎలాంటివి? అనే ఆసక్తికరమైన అంశాల చుట్టూ ఈ కథ తిరుగుతుంది. వినోదమే ప్రధానంగా రూపొందిన ఈ సినిమా ఫరవాలేదనిపిస్తుంది.
'తిప్పరా మీసం' మూవీ రివ్యూ
చిన్నతనంలోనే చెడు బాట పట్టిన కొడుకు .. అతనితో పాటే పెరుగుతూ వచ్చిన వ్యసనాలు. అతను మంచి మార్గంలోకి అడుగుపెట్టే రోజు కోసం ఎదురుచూసే తల్లి. ఆమె ప్రేమకి ద్వేషాన్ని ఫలితంగా ముట్టజెప్పే కొడుకు. ఇలా తల్లీకొడుకుల మధ్య నడిచే కథ ఇది. ప్రధానమైన కథకు వినోదపరమైన మిగతా అంశాలను జోడించకపోవడం వలన, ఈ సినిమా ఇటు యూత్ ను .. అటు ఫ్యామిలీ ఆడియన్స్ ను ఆకట్టుకోలేకపోయిందని చెప్పొచ్చు.
'ఏడు చేపల కథ' మూవీ రివ్యూ
ఒక వైపున ఆత్మల ఆవాహన .. మరో వైపున అరుదైన వ్యాధితో బాధపడే హీరో బృందం .. ఇంకో వైపున తనకి తెలియకుండానే తాను ఎలా గర్భవతినయ్యాననే విషయం తెలుసుకోవడానికి ప్రయత్నించే హీరోయిన్. ఇలాంటి ముఖ్యమైన అంశాలను ముడివేసుకుంటూ వెళ్లిన కథే .. 'ఏడు చేపల కథ'. అడల్ట్ కంటెంట్ చిత్రాలను ఇష్టపడే ప్రేక్షకులకు కూడా ఈ సినిమా ఓ మాదిరిగా అనిపించడం కష్టమేనేమో.
'ఆవిరి' మూవీ రివ్యూ
రాజ్ దంపతులకు ఇద్దరు కుమార్తెలు. పెద్ద కూతురును పోగొట్టుకున్న ఆ దంపతులు, ఆ జ్ఞాపకాలకు దూరంగా వేరే ఇంటికి మారతారు. అక్కడికి వెళ్లిన దగ్గర నుంచి చిన్నకూతురి ప్రవర్తనలో మార్పు వస్తుంది. ఓ రాత్రివేళ హఠాత్తుగా ఆ అమ్మాయి అదృశ్యమవుతుంది. అందుకు కారకులు ఎవరు? అసలా ఇంట్లో ఏం జరుగుతోంది? అనే మలుపులతో 'ఆవిరి' సినిమా సాగుతుంది. ఆసక్తికరమైన కథనం కారణంగా ఈ ఫ్యామిలీ థ్రిల్లర్ ఈ తరహా కథలను ఇష్టపడే ప్రేక్షకులకు నచ్చుతుంది.
'మీకు మాత్రమే చెప్తా' మూవీ రివ్యూ
తనకి కాబోయే భర్త నిజాయితీ పరుడై, ఎలాంటి వ్యసనాలు లేనివాడై వుండాలని కోరుకునే యువతి ఒక వైపు, తన గురించిన ఒక విషయం ఆమెకి తెలిస్తే తమ పెళ్లి ఆగిపోతుందనే ఉద్దేశంతో ఒక యువకుడు పడే పాట్లు మరో వైపు. కథ అంతా కూడా ఈ అంశం చుట్టూనే తిరుగుతుంది. అక్కడక్కడా మాత్రమే నవ్వించే ఈ సినిమా ఓ మాదిరిగా అనిపిస్తుందంతే.
'తుపాకి రాముడు' మూవీ రివ్యూ
పుట్టుకతోనే అనాథలా విసిరివేయబడిన రాముడు, ఆ ఊళ్లో వాళ్లంతా తమవాడు అనుకునేలా పెరుగుతాడు. పుస్తకాల షాపు నడుపుకునే అనితపై మనసు పారేసుకున్న రాముడికి ఒక చేదు నిజం తెలుస్తుంది. అదేమిటి? అప్పుడు రాముడు ఏం చేస్తాడు? అనేదే కథ. గ్రామీణ నేపథ్యంలో సాదాసీదాగా సాగిపోయే ఈ కథ, బిత్తిరి సత్తి నుంచి ఆశించే కామెడీని అందించలేకపోయింది. 
'ఖైదీ' మూవీ రివ్యూ
840 కోట్ల విలువ చేసే 900 కేజీల డ్రగ్స్ పోలీసుల చేతికి చిక్కుతుంది. ఆ డ్రగ్స్ ను తిరిగి చేజిక్కించుకోవడానికి మాఫియా గ్యాంగ్ రంగంలోకి దిగుతుంది. వాళ్ల ప్రయత్నాన్ని అడ్డుకునేందుకు పోలీసులు డిల్లీ అనే ఒక ఖైదీ సాయం కోరతారు. తన కూతురిని కలుసుకోవడం కోసం వాళ్లకి సహకరించడానికి అంగీకరించిన ఆ ఖైదీ, చివరికి తన కూతురిని కలుసుకున్నాడా లేదా అనేదే కథ. బలమైన కథ .. ఆసక్తికరమైన కథనంతో ఈ సినిమా మొదటి నుంచి చివరి వరకూ ప్రేక్షకులను కట్టిపడేస్తుంది. 
'విజిల్' మూవీ రివ్యూ
రౌడీగా చెలామణి అవుతున్న రాజప్ప, తన తనయుడు మైఖేల్ జాతీయస్థాయిలో ఫుట్ బాల్ ఆటగాడిగా కప్పు గెలుచుకురావాలని కలలు కంటాడు. అయితే కప్పు అందుకోవలసిన మైఖేల్, చివరి నిమిషంలో కత్తి పట్టుకోవలసి వస్తుంది. తండ్రి కోరిక నెరవేర్చడం కోసం కోచ్ గా మారిన ఆయనకి ఎలాంటి అవరోధాలు ఎదురవుతాయి? వాటిని ఆయన ఎలా అధిగమించాడు? అనేదే కథ. యాక్షన్ .. ఎమోషన్ పాళ్లు ఎక్కువై వినోదం పాళ్లు తగ్గిన ఈ సినిమా, గతంలో విజయ్ - అట్లీ కాంబినేషన్లో వచ్చిన 'తెరి' .. 'మెర్సల్' స్థాయిని అందుకోలేకపోయిందనే చెప్పాలి. 
'ఆపరేషన్ గోల్డ్ ఫిష్' మూవీ రివ్యూ
ఎంతోమంది కశ్మీర్ పండిట్లను పొట్టనబెట్టుకున్న పాకిస్థాన్ తీవ్రవాది ఘాజీబాబాను, జాతీయ భద్రతా దళానికి చెందిన అర్జున్ పండిట్ బంధిస్తాడు. ఉరిశిక్ష పడిన ఘాజీబాబాను విడిపించుకోవడానికి ఆయన ప్రధాన సహచరుడైన ఫారుక్ 'ఆపరేషన్ గోల్డ్ ఫిష్' ను ఆరంభించడంతోనే అసలు కథ మొదలవుతుంది. విస్తృతమైన పరిథి కలిగిన ఈ కథలో, దర్శకుడు యాక్షన్ సన్నివేశాలకు మాత్రమే ప్రాధాన్యతనిచ్చి మిగతా వాటిని వదిలేశాడు. ఫలితంగా ప్రేక్షకులకు అసహనం  కలుగుతుంది .. నిరాశే మిగులుతుంది. 
'రాజుగారి గది 3' మూవీ రివ్యూ
మనసుపడిన అమ్మాయిని మనువాడాలనుకున్న ఓ యువకుడు, అందుకు అడ్డుపడుతోన్న ఆత్మలపై చేసే పోరాటమే 'రాజుగారి గది 3'. హారర్ కామెడీ చిత్రాలను ఇష్టపడేవారిని ఈ సినిమా ఇటు నవ్వించలేకపోయింది .. అటు భయపెట్టలేకపోయింది. ఒక్క మాటలో చెప్పాలంటే అంచనాలను అందుకోలేకపోయింది. 
'RDX Love' మూవీ రివ్యూ
ఊరు కోసం .. ఊరు జనాల బాగు కోసం తన శీలాన్ని పణంగా పెట్టిన ఓ అందమైన యువతి కథ ఇది. ఆ ఊరు సమస్యని పరిష్కరించడం కోసం తన ప్రాణాలను సైతం త్యాగం చేయడానికి సిద్ధపడిన అలివేలు కథ ఇది. రొమాంటిక్ లవ్ స్టోరీగా కనిపించే ఈ లేడీ ఓరియెంటెడ్ మూవీలో, శృంగారం - ఆదర్శం అనే రెండు అతకని అంశాలను కలిపి చెప్పడానికి దర్శకుడు చేసిన ప్రయత్నం కొంతవరకు మాత్రమే ఫలించిందని చెప్పాలి. 
'ఎవ్వరికీ చెప్పొద్దు' మూవీ రివ్యూ
ప్రేమకి ఎప్పుడూ ప్రధానమైన అడ్డంకిగా మారేది కులమే. ప్రేమికులను ప్రధమంగా భయపెట్టేదీ కులమే. కులాన్ని ప్రాణంగా భావించే ఒక ఆడపిల్ల తండ్రి .. మరో కులానికి చెందిన యువకుడిని ప్రేమిస్తున్నానని తండ్రికి చెప్పడానికి భయపడే కూతురు .. ఆ అమ్మాయినే భార్యగా పొందడం కోసం తెగించే ఓ ప్రేమికుడు. ఈ ముగ్గురి చుట్టూ తిరిగే ప్రేమకథా చిత్రమే 'ఎవ్వరికీ చెప్పొద్దు'. కులం అనే పాయింట్ చుట్టూ అల్లుకున్న ఈ కథ సందేశాత్మకమే అయినా, దర్శకుడు దానిని పూర్తిస్థాయిలో ఆసక్తికరంగా ఆవిష్కరించలేకపోయాడు. 
'చాణక్య' మూవీ రివ్యూ
'రా' సంస్థలో గోపీచంద్ తో పాటు ఆయన నలుగురు స్నేహితులు ఒక టీమ్ గా పనిచేస్తూ ఉంటారు. ఒకానొక సందర్భంలో గోపీచంద్ మినహా ఆయన నలుగురు స్నేహితులను, పాకిస్థాన్ లోని భారత వ్యతిరేక శక్తి కిడ్నాప్ చేస్తుంది. దాంతో తన ప్రాణాలకి తెగించి మరీ వాళ్లను ఇండియా తీసుకురావడానికి హీరో 'కరాచీ' లో అడుగుపెడతాడు. అక్కడ ఏం జరుగుతుంది? ఎలాంటి పరిస్థితులను ఆయన ఎదుర్కోవలసి వస్తుందనేది ఈ కథ. అనూహ్యమైన మలుపులు .. ఆసక్తికరమైన సంఘటనలు ఎంతమాత్రం లేని ఈ సినిమా, ప్రేక్షకులను ఆకట్టుకోవడం కష్టమే!
'సైరా నరసింహా రెడ్డి' మూవీ రివ్యూ
భారతావని స్వేచ్ఛా స్వాతంత్ర్యాల కోసం ఉద్యమాన్ని ఊపిరిగా చేసుకున్న తొలి పోరాట యోధుడి కథ ఇది. ఉడుకు నెత్తురుతో ఉప్పెనలా ఆంగ్లేయులపై విరుచుకుపడిన ఉయ్యాలవాడ నరసింహారెడ్డి కథ ఇది. దేశమాత సంకెళ్లను తెంచడం కోసం తనని తాను సమిధగా సమర్పించుకున్న అమరవీరుని ఆదర్శ చరిత్రగా 'సైరా' ప్రేక్షకుల ముందుకు వచ్చింది. బలమైన కథాకథనాలకు భారీతనాన్ని జోడించి అందించిన ఈ చిత్రం, చిరంజీవి కెరియర్లో ప్రత్యేక స్థానాన్ని దక్కించుకుందనే చెప్పాలి.
'నిన్ను తలచి' మూవీ రివ్యూ
ప్రేమ అనేది ప్రతి నిమిషాన్ని అందమైన అనుభూతిగా మారుస్తుంది .. ఊహల ఊయలను ఉత్సాహంతో ఊపేస్తుంది. అలాంటి సున్నితమైన ప్రేమకథను సుదీర్ఘంగా చెప్పిన చిత్రమే 'నిన్నుతలచి'. నిజమైన ప్రేమను సొంతం చేసుకునేందుకు కథానాయిక అనుభవించిన మానసిక సంఘర్షణే ఈ సినిమా కథ. హృదయాన్ని తాకే సన్నివేశాలుగానీ .. మాటలుగాని .. పాటలుగాని లేని ఈ సినిమా యూత్ ను నిరాశ పరుస్తుంది.
Ex-MP Harsha Kumar Arrested!..
Ex-MP Harsha Kumar Arrested!
CM Jagan Power Punch Words About Chatanpally Disha Encount..
CM Jagan Power Punch Words About Chatanpally Disha Encounter
Political Mirchi: Chandrababu Gets Support From Those Four..
Political Mirchi: Chandrababu Gets Support From Those Four Party MLAs Only!
Miss India World 2019 Suman Rao on how she entered Miss In..
Miss India World 2019 Suman Rao on how she entered Miss India pageant, her journey
Chandrababu Vs Buggana- High Voltage..
Chandrababu Vs Buggana- High Voltage
Samantha Akkineni in Bollywood - The Family Man series..
Samantha Akkineni in Bollywood - The Family Man series
I didn't use that word: Chandrababu..
I didn't use that word: Chandrababu
Won’t Pass Orders on Entry of Two Women Into Sabarimala: S..
Won’t Pass Orders on Entry of Two Women Into Sabarimala: SC
AP government gives clarity on Amaravati!..
AP government gives clarity on Amaravati!
Rahul Gandhi demands apology from PM Modi..
Rahul Gandhi demands apology from PM Modi